-今日簡直係中文日,中文oral,中文背書,中文作文,咩都係佢,但咩都准備唔好又係佢,所以今日依三項都過得挺失敗的,maths堂唔比張紙菠蘿溫,點知佢竟然同歸於盡!將我同Brain的紙撕掉,跟住我地就勁唔踞佢!~決定要報復,找到好多戰友幫拖丫,kaka~!跟住豬仔又幫手,等佢入左廁所就狂囉掃把同水整佢同掉佢,呵~!活該呢,當然純粹玩玩罷了.

-返到屋企將間房360度重新翻新同調曬位,而家感覺好好,空閒大左,而且電腦訓住都玩得,放左係床隔離(早就有此打算),總算一切順利,只是蠻累而已"

-好期待後日,後日係姨媽新居入伙,舅父,舅母,威哥哥,嘉平,葵沖個姨媽和姨丈等等的親戚都會一齊聚起,至從細過個時試過之後,越大就越冇依種機會,以前最少新年都有,但人大左,個個都要返學返工,已經冇依個機會,今次難得人齊,我好想返去再次感受依種親人間的氣氛,最喜歡的了!~

-今日一返到學校已經覺得奇怪,個個男仔既頭都扁曬,心唸今日一定係cheak髮飾,不出所料,第一個中招就得返我,甘仔同阿龜,連肥峰都扁左,我都估到難逃一劫"

-放學又比訓導捉多次,不過冇理,都已經放學,聽兩句就走人,返到屋企,成間屋傢私都轉曬位,老媽話轉下風水...岩曬啦,新環境,不過我又唔認為咁有咩改變,聽到個好壞既消息,贊華哥哥到左今日都仲未戒賭,又憎人幾十萬...我真係對左佢咁多年,越黎越對厭惡佢,有一段時間,以為佢同玲姐姐結左婚會定性做人,點知仲要賭,而家姨丈係咁幫佢籌錢,其實我說...都已經幫左咁多次,仲係冇覺悟既人,點解仲要幫落去,冇錯,因為係自己既仔,唔會見死不救,但以我角度睇,我認為姨丈已經做得好足夠了,而且年紀唔係輕,依種事情盡可能唔好發生係姨丈身上吧..我開始怕姨丈積愁成病.一個慈祥,和藹可親的人,冇必要受依種苦~十幾萬賭債...仲要已經幾次係咁,我唔明你個良心放左係邊,贊華哥...

-每日我細老些電話都好多好煩,人地唔聽一次證明唔得閒接,但硬係要狂打黎打到接為止,真係唔知咩人黎,今日如是,結果我都懶得囉部電話比?由佢自己入房囉黎聽,就係因為我唔囉出黎比細老,我老媽把口又黎了,咁少事你都同我嘈,我真係唔知你想點,話我下下針對住個細老,哦,你煩佢電話就冇問題,我煩佢電話,唔親手交比佢就我賤格,底鬧,你玩曬~跟住又扯返幾年D事黎嘈,點解古板型既老媽咁多野黎鬧,咁多野限制...我唸緊如果我係女仔,實連踏出門口都難,咁少事都追著我黎鬧"隨後見我冇食野又煮返面我食,唉..餓到就死,我都唔想同嘈?個人已經夠多野煩~

-今日睇完"惡魔在身邊"了,結局令我覺得好虛構,但我享受左精彩既過程,而且...我唔認為依種劇情,如果真係發生會有咁如意,世代背負著有家族聲譽,真係一集改變咁多?"..

-有些事,時而唸通,時而後悔,而且時間不恰當,我唸.."