-依兩日假期都過得好充實,因為打波打到狀態很好~星期五天水圍場,高橋,俺程陳伯三人,未爆衫已經連贏五隊,超fit~最後個場本身唔洗輸,但上次唔鋸釘哥個個美少女戰士又發神經,今次係唔夠陳伯跳"發脾四",真係覺得佢低能既,搶波又唔鋸,碰撞少少又唔鋸,咁全世界唔mak你,你自己射曬好過啦,鬥波黎託咩,真係以為自己好爆得籃,好射得喎佢,懶得mak住你炸,神射火柴人,撞多兩撞真係怕你瘦削既身驅"霹拍"一聲收皮囉~成件柴咁,見親你都冇意思打得,唔鋸人睇又mak你又唔自己九射飽佢,又學人鬥波,廢~街場球友再弱既人都唔及你,我都未試過咁樣辱鬧球友,唯獨你真係,好~~廢~冇運動精神,打得幾好都係件垃圾,何況你又唔係勁~

-今日就同老陳,釘哥出元郎行,釘哥買左個又鐘又收音機功能既野比蔡子當生日禮物,老陳顛左擺明,唔見一星期,全新裝備換曬,名牌(唔記得點串)電話繩,3皮,個花花袋又幾皮野,件衫2皮,頂帽2皮,對鞋4皮,你發左達呀= ="一個星期換全身裝備,跟住我就係password買左條牛仔褲,咁多年第一條牛仔褲,勁呀!~比個sales吹到唔買唔掂咁制,十句唔夠佢已經叫我又試又折又剩~跟住想叫埋釘哥買,好彩陳伯撞衫,跟住佢就冇sale件野,唔係可能又走唔出佢五指山...買畢.陳伯剪髮.我同釘哥行,見到touch既錶,靚!levis都好唔錯,鐘意個錶帶,用佢D皮料做,GD~但無論係touch或levis些錶都上千,唉,咩都想買,點算?為左條褲,搞到又冇衫換,我的天..跟住又要同老陳買T-MAC5,7舊水喎大老= =...冇返工我真係唔想自己已經學曉大洗,但又想同老陳夾買一人一對,又點算?我部愛機仲未得閒出去旺角包返靚佢,而且又係要錢,又又點算?見咩就想咩,又未識賺錢...你真係死都冇用,Elvis Shing~!

-晚上,又係打波喎唔好意思,係就係沉氣D,但得籃球滿足到我而家,芬姐唔鐘意陳伯打波,我唸我生日既願望應該係,自己日後個伴絕對又鐘意我打波,唔係就有排煩好似陳伯而家咁- -睇到我都淆~今日個場時有雨時無,但一樣玩得開心,打左好耐,時間充實,仲有我地今日個個都"線"親咁制,而且每次姿勢都咁獨特"特別係阿暉個滑雪式,最後仲要冇事跳返起身,型!~拜依場雨所錫見到個個打波都咁型- -...

-記得還錢比brain同老陳!~死人記性差到爆燈!係日記提自己~

-今日多左兩位殘兵,肥峰同Brain,昨日菠蘿釘,唔通聽日後我同阿龜?唔好啦掛,我很健康的"

-唔知點解今日覺得好空虛,座位前面冇左個大件物體幫我阻miss射線訓教,上英文又冇個肥仔比我當人肉沙包,冇錯!因為肥峰唔係度,我今日超空虛,原來你係咁重要的!~

-風色幻想終於破左,係中等結局,還好啦..可惜入唔到風祭之塔,而且感覺依次難度極低"

-唔知點解今次台風對我心理身理都毫無影響,又唔會抱有"聽日唔洗返學"既緊張心情,又唔會搞到我狼狽,而且冇點濕過,怪了..

-回家同釘哥玩左陣NBA LIVE 06,都話連線到架啦~跟住大敗- -原來我玩運動game真係冇咩天份,比起其他格鬥賽車等等...跟住又同老陳1ON1,又係衰左,真係要學下玩運動game先得,次次都玩角色扮演"

-今日本來想去釘哥個team囉個包整,點知個大聲公顛婆突然睜大隻眼說道:"你借完未呀,下!我問你借完未呀!"我都呆左下.後面知佢話緊我,憎D出口鬧曬佢祖宗- -好彩醒水知佢係miss,唔係出左口實見訓導同見家長,不過已經唸左好多招,如果下次佢再惹我,睇怕激死佢都得了,因為好唔鋸依個爆炸大聲公婆娘,成日充大老命令我地個team個miss,人地賢淑過你N倍,好人過你N倍,你嫁唔出就唔好係到吠啦,弱能的~