-返學既意識越黎越淡,感覺返去都係求其咁聽過就算,今日釘哥冇返,肥峰停課,搞到悶左好多,坐去釘哥個位玩,係度傾計傾計再傾計,傾傾下,唔知邊個蛋散放毒氣喎!本身都冇人知既,跟住brain唸都唔洗唸就指住我,黎唔切反應之際,我都唔知點好了,話唔係我o米即係我?話係就幾弱能..定係,你就係個條蛋散- -
-今日訓導叔叔又捉我個頭,今次好兇~大聲鬧道:"喂!~你個頭我話左你好多次啦喎,你電左個頭我都冇叫你整返,你仲搞到個頭後面jey曬起身,前面又明顯電左,你而家要我講幾多次先肯按返低個頭呀,係唔係要停課先肯搞掂個頭!"Wor!~訓導叔叔今日超猛呢~!氣勢輸左既我,唯有按低少少咁多~等佢走左,一撥,又飛得返個頭,依個就係電髮既好處,我今個月省返好多髮泥錢~lunch個時又見到佢,今次佢平心靜氣咁說:"拿~咁我就知你按低左,但你後面長喎,得閒剪下佢好冇?星期三前啦,我都唔捉你電髮啦,下~就咁"又會變得咁快既,因變化太大黎唔切反應既我,都係好順癱咁答好,跟住就走老了...
-原來我地班今年幾多人轉髮型,剩係今個星期已經3個,釘哥個遠觀性圓頭,Chami個錫紙電+博髮,肥峰個....對唔住,我真係忍唔住笑 = ="半死就快..brain改左個名叫雞泡魚頭...罰三堂原因,髮型標奇立異,你係得既...聽日又話產光個頭,唔好唸唔開呀肥峰!!
|
