-大出血,買左張discplay card,420$,手制,usb插槽,total500$幾,但部機而家個feel真相正,終於可以大聲同人部,我部機可以快到曉飛,kaka~跟住同強哥行左陣市中心同置樂,見到"好生命杯"個比賽喎,我地唔係參加左咩?定係未到我地分日子打?難得同大家一齊可以好好發揮下,真係唔想當冇依回事,好想同中學班老死好好咁係出面比賽打一場,見到置樂個邊既比賽,真係呆望左陣,一邊睇下對手幾強,一邊好茫然咁唸到好多野,睇完網球王子,雖然係卡通.但入面有個情節講到,畢業後,就唔可以沉迷運動,唔可以同球友日日咁樣精彩活係網球度,因為隨人大,事業漸漸排第一,事實,籃球唔會陪我地成世,唔會日日咁好,想打隨時一班人打,就算第時同老陳搬出去,都係為左事業,唔會為左打波,所以嘛....好想籍由籃球精彩過!~

-搞部腦搞左半日,洗埋機順便,跟住同強哥玩兩轉kof,贏得好過份,4比1,冇錯,係我贏得太過份,嘿:p

-昨晚同老陳,樹棠,石Q,暉姐三更半夜出去食糖水,見到阿囉,冇讀書後整到個頭七彩,暈~跟住坐低食野傾計,趁暉姐追老陳偷偷試下紅豆好冇味,好唔小心講左句"好難食"完了,以後唔洗去間糖水鋪,好多人望住我,跟住老板娘仲好客氣咁話,係唔係落得少料得制,我當然連忙答否,勁唔好意思,但其實我意思本來係綠豆好過紅豆,可惜用錯詞,真係白癡~跟住又樹棠係度玩偷拍暉姐,玩完,食完,走老,行到半路唸住同老陳一齊批暉姐個頭,誰知個死仔出賣我,推左我上去,跟住真係唔小心打到暉姐個頭,之後掉落地前幾秒,好潛意識地轉身,用個手保護我部愛機,但都係花左!!...個邊...唉,盡左力了,都冇話怪邊個,反正起因係玩下,意料唔到,何況點可以好似六年班咁少少野同老陳吵兩年,唸起都覺得傻,所以死都唔會同老陳再反,因為經歷過~打死不離好兄弟,kaka- -+偉大~

-跟住係我同陳伯合作整比芬姐既蛋糕,但佢當然落力好多,我助手姐~見圖:

-第一張係出賣暉姐之作,我都係被迫的= ="(暉姐同糖水既角度好好呢@@")

-

-主菜!~陳伯愛心芬姐蛋糕一個!~生日快樂,大嫂芬-_-"

-明明開頭咩事都冇,後尾唔知係miss chan定邊位仁兄,搞到成日比訓導捉頭髮,菠蘿釘個頭電左睇唔出呀,所以電髮依個問題就剩係煩我,釘哥反而變捉jey頭,怪了"

-我發覺而家行到邊都聽到王O然把聲,佢好意思話:"點解我去到邊都見到你,聽到你把聲"收疆吧兄台,係你成日纏住我地炸,玩咩野都關你事既,人地串人你又串,人地推黎推去你又推,人地去廁所你又去,好潮呀跟大隊?成日失驚無神放聲大笑,咁就以為預埋佢一齊玩,死顛仔,去到邊跟到邊~

-我部愛機大傷了,又要重新包膠同買張保護螢幕既紙,救命..

-如果用10分為滿分,形容而家既生活是否充裕,就咁講,我會比7分,因為有成班老死講講笑笑,但係如果問心既話,3分左右,因為深入咁唸,日日咁樣笑笑笑過,好似浪費左自己光陰,而且仲有D野,唔係人人都知,自己先知,等於仁哥日日可以笑住,等唔等於心底唔記得左某洋,仁哥可?..呵呵~

-昨日都係打波,老陳都去埋,其實都冇咩寫既打波....總之就打到熄燈,跟住癱曬咁返屋企,煮左個"紫菜時菜叉燒雞粉面"= ="溝呀溝,溝到成碗面超豐富,kaka~!美味呀

                                                                                                                               感覺徒然