-今日終於有時間,呃..唔係,應該話終於有精神睇埋最後兩集天幕,感覺嘛....其實都係用虛構形容貼切,或者世界某個角落真係有類似愛情發生,但其實八感交集依種感情...會唔會真係咁易解決?明明個頭個阿力仲好激動,又可以係短時間內咁理智,真係..唔知點形容好,應該話三個都有自己正確同錯誤立場?大概吧"
-今日過得幾輕鬆,冇任何事發生,返到屋企睇左灼眼last一集,冇咩特別都...今日睇左兩套結局片,灼眼同天幕,但兩套都感受唔深,抱住睇過就算既感覺,記得個時睇"惡魔在身邊"個feel好好多,因為楊丞琳拍?應該唔會,個時對佢都唔感興趣,不過如果講三角戀既戲,除左天幕,我都睇左惡作劇之吻,其實惡作劇之吻衰角色唔夠天幕吸引,但劇情我唸會好過天幕,因為畢竟天幕做得好似好趕,一下子拉到結局咁...其實照劇情睇,應該仲可以拉長好多,覺得結局太馬虎了~有返第一集夜晚,太陽,白馬出現,以為好浪漫咁既結局,但換來似係太虛構多些....咩事?!係咁講套劇- -"..
-頭髮長左好多,後面都就過領,意外地反而老釘比人捉,我又冇事,我覺得應該係因為依排唔落jey既關係,不過都唔知點落好,一jey就要落好重手,頭髮厚得制..如果求其jey些少,未返到學校都惰曬皮~所以索性吹下返學算..打算今個星期六剪,唔知媽子比唔比呢?
-今日佢地無端端提到話去深圳谷桑拿!~我都呆左下,點解依排男仔咁興北上谷桑拿...早前陳伯又話同班fd去,基本上10識既個麻甩老之中,9個都提過,但係講堅定講笑,就有待興趣最深既阿龜決定了,依排見佢頻頻搞回鄉證,嫌行東門都唔夠做,要玩埋谷桑拿?..
-又冇10點前訓,過份!嗯..而家訓- -
|
