-如果要形容我而家既心情,我唸"迷路"係最好不過,然而,好似好多野確定唔到,正如今日聽到個句說話,無論你讀到中五定中七,外國留學完都好,如果冇目標,你都係一個廢物,冇目標既廢物,任憑你本領高超,你冇自己想做想發展既目標,一樣係徒然,今日我比你無數段愛情,給你無數的金錢,但未有人生目標前,這無數愛情,也難免會淡去的,這無數的金錢,也難免會用盡的一日,只要有目標,就有動力維持這一切,說倒是好..但談何容易?

-小學就要拆啦~!所以今日約左些小學FD出黎傾最後一次返去搞咩節目,其實都冇唸過節目會好得去邊,但真係想同老師聚多一次囉~希望點都好好睇睇...

-其實有些野,可能戒得徹底些更好,試下...

-學校不嬲成績好會出名,點知今次大煲,竟然訓教訓出名,Miss Lam話我同豬仔已經做左頭號"訓犯",今日前面阿龜訓,隔離高老訓,但miss chan剩係捉我訓,仲要兩次,知道咩事啦可?唔係盲到前後捉唔到偏偏兩次捉到我掛..

-唔知點解幾enjoy依份工,突然好想快d返工,同時又唔想返工搞到眼訓唔聽書,好矛盾...唉,但平時都唔係聽得好多,好想加下把勁,但...冇動力,點死...

-我要早訓早起博精神!唔想日日癱瘓呀= ="...妖~

-昨日真係以為自己精力旺盛,去幫教會打完元郎場籃球賽,跟住跑去搵肥魚吹一個鐘水,接住又跑去返工..一個人託八碗糖水,果然自己冇咁既斤兩唔好亂試,結果唔小心震左震,搞到掉左少少落個老婦袋度,心唸今次真係大單野,不斷對唔住係少不了的,依個時候,我既救星竟然係阿珊,係我囉布既時候,佢唔知用咩方法哄到個老婦貼貼服服,真係好好好多謝佢,同埋下次要佢教兩招待客之道先得.

-放左工11點pm,去左肥魚度囉返今日打完波些鞋衫,順便食左些宵夜,炸壽司,炒飯,粥,大杯自由針分兩份,街邊小食始終咁正,個蠢材識左個女仔,唸住連佢都終於搵到自己另一半,誰知...."你見過個女未?電腦見過","佢見過你未?未","點認識?上網識","你鐘意佢?唔係",咁...即係亂黎啦,咁做咩仲懶係親切咁...留黎做你保障?死肥魚你真係越黎越過份做到"傾完食完12點,原來冇車搭已經,跟住坐小巴係天富慢慢行返屋企,鬼影都冇隻,可想而知因為聽日返學吧....返到屋企同老豆傾兩句,執房沖涼等等,搞到成2點先訓得,依一刻訓落張床先知道,訓教最大既滿足感,就係周身竭力既時候,訓落床個時都未試過咁舒服,即落床即訓著,掂呀!~第二日准時醒左,但返到學校先知,原來我根本累到冇曬精神,以為訓一堂搞掂啦,點知訓到個miss黎同走我都唔知,跟住勁訓,小息又訓,miss lam話我同豬仔已經訓教訓到比D老師投訴,唔怪之得依排丁點兒都唔比我隻眼閉上,咁多人訓係要啤住我啦...

-會唔會覺得學校走火警演習好無聊?真係預上火警,我怕今日鬼殺咁嘈話我地點點點個老師都帶頭走老先,即係話,冇人會白癡到火警都同你玩排隊落操場,等你數人等等,ok?

-又眼訓了...我唸我昨日些累,今日先發作..訓多陣......