今日係UT第三日,考西史同英文

難難難!!最難呢兩科!!

我真係想問學校有幾多班同1949既羅馬數字咋!!

唔識答羅馬數字.......又扣四分....

英文果D唔講啦..

今日約左葉傑、陳駿車、牛丸、鄧曉去睇「獨家試愛」

不過12:35先開映,考完都係10:45,

所以又去左比堅尼食一個豐富既晚餐

食完去鳳琴睇女仔打籃球,然後12:00就行去新元中,

去到新元中,咪即係買飛,

事前葉傑話死都要同牛丸坐,點知我比左張飛葉傑,但係同牛丸隔左2個人

哈哈哈哈,絕配,我坐係中間,之後佢係咁求陳駿車換佢張飛,咁緊係有條件啦

話說陳駿車差葉傑$n,所以陳駿車話要換飛就要佢還少$5,我覺得佢傻傻地,都唔知點解唔屈佢多D

跟住仲有4個字,牛丸同鄧曉買左個細爆谷,但係未入場已經比我同陳駿車食左大半

跟住臨入場我同葉傑同陳駿車夾錢買大爆谷餐 - 大爆谷+兩罐汽水

未入場葉傑係咁比我話佢想溝牛丸,起碼講左10次,講下講下就入得場啦

套戲內容唔想講,要知就自己睇啦,

反而我覺得呢套戲最尾有少少感動,其他都唔係幾好睇,但都有幾多笑位囉

最好笑就係係旅行社果陣時d對話,成場笑(但係成場得10幾人)

睇完套戲要走果時,我就同葉傑講:唔阻你地啦,我地走先啦

然後同陳駿車急急腳咁走,最尾佢又係追到

聽日去游水!!正呀!!有barry,葉傑,陳駿車,我,羅0唔知去唔去,望就望佢去

真係好其待呀!!好想快D到聽日!!

PS.發唔發覺我個BLOG係粉紅誘惑??