受到某兩條茂利係咁叫我開日記之後　今日終於開左人生第1個日記

雖然話就話開日記　其實都冇野寫既　我Ｄ生活咪不外乎打機，食野

如果你地唔覺得悶咪繼續睇　覺得悶咪走　無任歡迎

今日係UT第一日,考數學同IS..都唔係幾驚姐

第一係考數學,嘩,簡單到呀..原來係唔駛溫架...

不過第5題成題唔識囉,基本上係成份卷最難既一題,連D聰明到極既人都話覺得難,你地話難唔難呀??

然後考IS,MC多過填充,你話勁唔勁?

我係咁溫月經週期,,點知淨係出左一題MC,問你死未..

跟住考哂,真係好簡單.....

放左學,葉傑話去打波,,所以跟左佢去...

我地(葉傑、羅寧、情聖、牛丸、鄧曉、我)就先去左「比堅尼」食左個早餐,果度D早餐真係好鬼死抵架姐

跟住就去打波,我地BOOK左乒乓波、羽毛球,哈,我最鐘意果間乒乓波房姐

雖然得1個鐘打乒乓波,但係真係好好玩@@

話就話BOOK打乒乓波,其實咪去玩@0@

打左3個字乒乓波,就開始玩啦..

點知我激嬲左羅寧(唔知咩原因啦),係咁比羅寧SM(直頭係玩斷背)

然後個陳駿車唔知做乜冇啦啦扔我隻鞋,我就係咁追住佢打,然後又唔知點解打到佢個鼻-3-

跟住打羽毛球都冇乜好笑野發生啦.......

跟住走佬搭西鐵,當上左車之後冇啦啦陳騃車流鼻血喎

我D武功有冇咁勁呀- -?打完成N年先有野....佢由元朗流到天水圍- -痴線

返到屋企係到玩電腦...完全冇溫書...玩到6:00先開始溫...

唉,聽日中史同中文,有排溫..最難果兩科,不過過埋呢日應該都唔會太辛苦架啦