今朝9:00就起左身,事關去豬頭人屋企

然後食左塊麵包..跟住到左10:50

就CALL奈野同UP至出去....

我地上左巴士,係咁講返琴晚D波同波經,

就算上左西鐵都係繼續講....但係好好傾喎

去到學校門口對出果條巷,淨係見到郭志行+豪同豬頭人,咁咪慢慢係到等人啦....

等等下,peter仔黎左啦,傻坤同其他人亦隨即黎到....

講下講下又冇講邊個去喎...

有我,傻坤,peter仔,up至,奈野,扯兄,郭志行,豪,陳駿軒,夠哂人

本來葉傑都話去既,不過走左去睇戲囉

我地齊人之後就行去小巴站搭小巴,

有10個人,講野緊係嘈D架啦,所以個司機咪鬧我地囉,跟住成車靜哂

跟住到左豬頭人屋企,我地個個催佢玩winning,

哈,點知佢隻碟玩唔到喎,真係XY佢個Z呀,冇準備既

搞下搞下隻碟無啦啦就食野啦...

好多野食 正呀,雖然我唔係樣樣都食

係咁食係咁食,個個都食飽啦.....

跟住上樓玩PS2,頭文字D,超爽

玩玩下ps2有d悶,就落左去踢波,原來赤腳踢波都幾好玩,

跟住個豬頭人冇啦啦講我知有條友係譚頌雅個妹,咁咪去睇下囉

嘩,超似樣,好似仲高過譚頌雅添....

悶悶地又去左踩單車,條路好短,根本冇野好踩,

但係踩單車令我知道咩叫「路端」,豬頭人既語言...

仲之今日好好玩啦,最後佢老竇車左我地返屋企,

係中途仲係度講頭文字D,原來頭文字D個名係有得解架..

返到黎去左眼鏡鋪整眼鏡,唉,副眼鏡要大修啦