A 2010大事回顧 + 蚊蚊生日快樂 + 各位新年快樂 A
A 今日係2010年既最後一日，亦都係蚊蚊既生日，首先祝佢生日快樂，再祝大家新年快樂!
A 今年，有喜有悲，先黎個大事回顧先啦!
A 一月，果時傻傻的，對某人產生愛的感覺，其實果時都唔知點，總之就係咁比人叫「大哥」啦，雖然某人對此都未有介懷，我當然暗暗自喜啦，喺個blog度post左幾次歌詞，可惜我都未同人講鐘意佢，因為驚呀!!><一月同時都係會考百日倒數，果時都幾比心機溫書嫁!
A 二月，時間過得好快好快，話咁快就要考mock啦，同時開始進入最勤力既時期，果時真係晚晚冇得訓，另外，我已經對左某人正式表白，雖然我已經出動情信、禮物、表白聲帶、表白既影片(關於某人喺我鏡頭下既影片)，但係最後都唔可以討佢歡心，成為女友。不過算啦，感情唔可以勉強，況且就黎會考，唔搞咁多野啦，呢見事令到我成長，令到我明白，我亦想再一次向某人講聲對唔住，我知你都為呢件事而有d唔歡喜我，sorry，呢伴事又令我打左一次最長既blog(http://hk.myblog.yahoo.com/lauyatkin/article?mid=415)。我知道我咁做已經損害我地之間既友誼，亦都損害左我同其他人既關係，我喺呢度再次講聲對唔住，影響真係直到現在，我真係好希望黎緊既日子可以重新接受我呢個朋友(雖然冇咩可能)，期望你地唔好當我係異類人，我真係知錯啦!!
A 三月，應付會考既同時，亦為好多野反思，經一事長一智，原來係真，我已經決定喺愛情進入一個沉默期，而且，為左應付會考，我補完習已經即刻返屋企溫習，不斷做練習
A 四月，會考終於開始，果時第一次入試場，真係好緊張，果時都諗住死啦，不過想快d考埋會考，其實都冇咩野，只係將自己溫過既野寫返出黎
A 五月，生日唔可以慶祝(因為鄉下有人瓜了)，不過算啦，根據傳統中國文化，呢個係一種禮。另外，自嘲的滋味真不好受(點解考評局要咁玩我地)，不過會考總算暫告一段落。同時，我終於換左手機啦，好開心。月尾去左個小學聚會，原來大家都冇變，都係咁多野講，見返你地，真係好開心
A 六月，呢個月可以話係hea，都冇野做，從來未有既會考後的空虛感，不過就去左圖書館做暑期工，識左好多friends，12月仲約左一次出黎食飯，特別多謝TERRY為我地帶黎咁多歡樂，好開心，一齊執書、一齊搬書，仲有機會做COUNTER呀，幫人借還書......
A 七月，暑期工既last day，不過唔可以同暑期工一齊過，有d唔開心，不過就好開心，大家叫我放心，第日可以再見面，放心返鄉下啦，我都張大家既回憶寫比每一個人，作為紀念，希望大家以後見返，都記得果時喺圖書館既回憶，yeah!
A 八月，會考放榜一日，分數同我預期差唔多，18分，好開心升返原校，亦希望喺外校讀緊既同學開開心心，得閒返黎原校啦
A 九月，返學啦，6A，比我感覺係...........有小圈子文化，不過算啦，可能大家都唔係好熟......
A 十月，係我加入左Campus TV既第2個月，不過我又有呢個名「大哥」，對於我黎講，其實我起初真係諗返好多傷心事，不過諗諗下，其實又唔係壞事，因為我真係多左好多個妹= =，佢地有D傻、有的喪、有的乖......每次落Campus TV，都會聽到好大聲「大哥!...大哥!...」一連串既叫聲，令我非常開心，亦因為咁，我開始喺中六搵倒我既快樂，好多謝呢幾個月各位成員既關顧，我真係好愛Campus TV!因為咁，我既攝影技術亦都倍升....
A 十一月，讀左中六兩個月，先知道原來A-Level唔係人讀，好難呀!!!!!!!救命!
A 十二月，好耐都未試過收到咁多禮物，今個聖誕好開心，多謝蚊蚊、柵柵、細浩、波波(個名好核突= =)、阿琳、洪靜雯、揶子、大大粒、妍妍、明心，同每一位送野比我既人，不過有個壞消息要講，就係妍妍張聖誕卡比我個friend整唔見左，真係唔好意思，希望可以搵返啦，都係我早走左6A課室，搞到你唔可以親手比卡我，算啦!!
A 最後希望下年個個快樂啦!!
A 仲有一樣唔可以唔講既，就係今日係蚊蚊既生日呀!
A 今日去左新都城同蚊蚊、細浩、柵柵、阿琳一齊溫書(後來雯加入)，說真的，form 3既理科我真係唔記得唒= =
A 我地之後去左椰林閣，慶祝蚊蚊生日，本來我地有個計劃，要蚊蚊入厠所之後先可以比佢睇個蛋糕嫁!不過點都好啦，大家都想你開開心心，祝你生日快樂呀!!相信今年係你最開心既生日，個蛋糕正唔正??
A 2010，完!
|
