今日,

連場大雨..又有大雷..

咁耐冇見過kk..諗住叫佢出黎食飯的..最後都係因為天雨既關係..所以取消了!!

下午.同大佬傾左成日電話..好累呀..><'

下載左校墓處黎睇.都唔係好恐怖姐...呵呵

老豆又係到發皮四了..真係難頂.= ='

晚上.婷兄話做緊酒店侍應.遲d可以既話就拉埋我入去喔..good.~

今日,

個天斷斷續續咁落左幾埸大雨~~

媽媽話我知見到耶林閣貼住請人喔~~正!!!所以我馬上去見工囉..點知去到之後.果到d人話夠晒人手喇喔=,=''(佢明明仲貼住張野係下面話請人既)..之後返屋企既時候又落大雨喔..好彩我行快幾步炸...唔係都變成落湯雞了><'

我既間諜話請我去海洋公園玩喔..唔知講真的講假呢...呵呵!不過都係推左佢啦..

晚上,切西瓜時唔小心切到隻手..好痛!!!!不過好彩都無流血..呵呵~

今日,

樓下公園.樹上的蟬鳴聲聲聲入耳..証明可怕的盛夏黎到左了!!

早上.忽然落下一陣大雨...可惜丫..真係一陣就完了.><'

今日.佢地返vtc食飯(我又冇$$去喔)..希望佢地玩得開心d啦~~

下午.同飛鳥出去搵工...又黎到我呢邊搵了..我地行到去新蒲崗...點知果到咁多間店都冇貼有一張請人通知..我地係唔識路既情況下...好辛苦咁去到彩虹了....哈哈!!花左半個鐘~黎到今日既目的地!!點知見到彩虹只係得村屋/學校/街市=,=''我地去睇地圖.搵到彩虹區唯一一間既商場[滙八坊]..我地好有希望咁入到去~~~發現入面只係得3間食店..其餘既單位都封晒的-,-'''呢間係咩商場黎架..竟然可以荒蕪到呢個程度既.!!彩虹呢個地方令我地白行左好幾個鐘..可悲!!

今日,

係天翼封測既最後一日..城入面都無乜人了...11點完結!!

諗住同飛鳥去搵工既..不過今日既身體好似唔係好舒服..全身都無咩力咁樣~好彩飛鳥之後打電話黎話改期..聽日先至去..哈哈好野!

下載左好多新歌/舊歌黎聽..聽到果首[告別校園時].真係有d感觸..^^'

vv人+蛋糕打電話黎傾計..果隻蛋糕又玩野了= =''~原來vv人今日考中文柯佬...都考得唔錯..good~

晚上...同香姐傾msn..大家都用了對方既相做頭像..互相串對方+讚自己..最後~我鬥唔過佢講出d嘔心既說話黎讚自己..所以我輸了><''

之後.我美化左佢張相(反話)..好玩呀..哈哈!!

今日,

8點幾就起左身了.哈哈

之後入左game..發現左個消息..封測完結提早左一日(聽日)@@''可惜~

因為太早了...好友列表一個人都未on喔..原來冇朋友既時候真係好寂寞架..得一個人行黎行去..超悶><!!

終於升到Lv35喇..換埋把武器..超型!.可惜聽日就會delete人了= =''唉唉!

晚上..係封測既最後一晚..城入面好熱鬧好多人..大家都一齊係到影相留念...呵呵

好..聽日一於去搵工(飛鳥叫的)....^^''