今日,係我個小堂妹生日既大日子!!!!!我一早起身sd左封生日卡比佢~~

在遠方的我祝你:生日快樂~越大越靚女啦.哈哈

氣溫24 度..十分熱!!今年第一次著短衫出街...目的地係去唱k~

首先,去左深水埔接大佬+增值電話費(鬼叫尋晚同森美傾到上左隱爆左分鐘咩..呵呵)

接到香姐個電話.話珍姐已經到左旺角等左我地好耐了.之後我地快馬加鞭咁去到旺角..點知原來香姐仲遲過我地= ='''最後我地4個人就去左旺中唱k,去到門口.唯一一個身為學生既香姐話冇帶學生證..噢..~~我又被迫用果張中一既過期學生證厄人><(張證勝在冇過期日- -')我地幾個唱k都唱得好開心..仲唱埋粵曲tim..哈哈~4點幾祺影放學接埋佢上黎.仲唔洗計佢人頭費喔.呵呵.平時小出聲既祺影都開左金口唱左小小..哈哈..好開心呀!!(大家唱得興高彩烈既時候,我用手機玩錄音~不過錄得唔清的><)本來由2點幾唱到5點幾的..過左時好耐佢地都唔cut歌咁我地就唱多個幾鐘喇.呵呵..真係抵唱!!

唱完之後搵埋大嫂一齊去影貼紙相+食野+行街...比我發現原來香姐個新名叫(斯特拉)所以我地幫珍姐都改左個新名(飛鳥•珍)出現於:Gundam Seed Destiny既人物

呵呵..今日真係玩得好開心.相約左下次有時間都一齊去唱多次^^

今日,原本又是沈悶的一天...

沈悶既氣氛一直陪我走到中午....

忽然收到珍姐既消息.話係勞工處個網見到份工(漫畫店店員)想同我一齊做喎..

所以我戰戰兢兢地打電話去個老闆到!>佢問左我d冇準備到既問題..我求其咁應答所以衰左lu...呵呵(下次我會吸取教訓準備好+小心d講野既喇^^)最後要珍姐佢自己一個人去面試囉....Sorry~ ^^'

之後.又接到狗公打黎既電話..佢話二個星期前係奧海城同徐淑敏影過相..今日又咁岩係著住當日既衣服..有人發現今日新出既雜誌有佢同徐淑敏既合照..狗公終於成為大明星喇!!!!哈哈..成為左全班既焦點..恭喜晒..!!不過..個合照既標題係[少男殺手]..哈哈哈

原完係做左羞聞既明星笑死我喇..不過人一世物一世好過冇啦..假假地都上過雜誌嘛!呵呵..見狗公佢都幾開心...佢仲係咁向我講果件事..搞到我笑左成日.kakaka...

晚上..好小有咁香姐約我去唱k..呵呵.好開心!!所以免為其難咁應承左佢喇...希望聽日可以唱得開心玩得開心啦!!!!!!!

由尋晚開始,我決定要養成早睡早起既習慣~~

因為,早訓既關係..今日6點幾就醒左喇!!幾年黎未試過係空閒既日子咁早醒..哈哈哈

我呆係床享受窗外吹黎既風..聽住百鳥共鳴的樂曲(正如~春眠不覺曉, 處處聞啼鳥)......可能呢d就係我鐘意大自然既地方啦..太有feel了~~....所令我係床到呆左成個鐘先至起身..呵呵~~

今日又係悶悶咁係屋企無街出><''收到kind man打黎既電話..話佢果邊有位問我做唔做喎...雖然人工有成8000蚊咁高...不過學佢咁放12點,仲要係到甘遠做..真係無車搭返屋企了...叫我訓街都得喇..哈哈!!!

今日我都要早d訓先至得.!!Good night

尋晚,因為大佬生日所以比佢地點左出去篤波篤到1點幾am @o@'

之後去左大佬屋企訓..一訓就訓到中午了><'

下午,好小有咁約左Yuki同Ivy出黎打羽毛球..於是佢地2個+埋德德同大佬+me係樓下大戰...(用左塊屎拍.搞到係咁打出界...哈哈)之後去左食m記等埋大嫂再去西九食多餐!(當時我飽死左了)之後大家上左9樓玩果d機動遊戲~原來Ivy係籃球校隊黎既喔!!睇見佢射波時真係幾勁抽喎..果然有d料到~~最好玩既就係部氣墊機.我地玩氣墊4人賽我+Ivy VS 大佬+大嫂..最後我地win左..哈哈哈

返到屋企..比媽媽強迫飲左2大碗愛心靚湯..令本來飽死左的我又死多次

不過,今日都幾開心.呵呵...