今日,玩左一陣跑車..

發現大家都玩唔到呢隻Game.咁我再玩落去都冇咩意思了><'

係屋企越黎越悶....!唉唉~~~

下午,搵埋大佬+香姐去同飛鳥見工...佢見左2份!!

我地去左勞工處睇下...係樓下有好多派傳單既啊姐..我收左佢一張傳單~佢地就好似一窝蜂咁擁上黎..情況就好似大陸既乞丐咁= =''

之後.同佢地行下街...去左西九後面既一個平台坐(環境不錯喔!)...我地又多左個秘密基地喇..哈哈~~晚上.大家去左八樓食飯~~仲去埋大佬樓下傾計tim..^^!

最後.又去左佢家借宿了    Zzzzzzzzz......

今日,都係咁無聊~~~~

為日記整左個Side~記錄低去BBQ的回憶..呵呵

同大佬+飛鳥傾左好耐電話..飛鳥搵到工喇.祝佢聽日面試成功!!!

 Msn中左毒喔..係咁sd毒網比人..好慘呀>>>人地@.@''

晚上~vv人話比我知..有3個人以為我同香姐拍緊拖喎..哈哈..真係可笑!(某些女性~都是八掛的無知的)

愛情..呢２個字對我黎講太虛無了...∼都怪自己唔識得去愛人．．係真正的冷血動物！！

今日,係蛋糕會考的第一日.!!

一起身~send左個Luky信息比佢..希望佢會考ok啦~

係屋企上網搵工&睇左好多集加旋~好悶喔><'

Kind man今日放假.可惜我無$$同佢出去玩了..呵呵~佢打電話黎.之後我駁埋香姐一齊傾..可能大家太耐冇見既關係啦..佢地2個都有小小怕羞>>第一次見 kind man怕羞詐..真係難得..哈哈!!之後大家都傾得返埋.^^'我地仲拉埋kind man入會做我地既7妹tim..呵呵!~約左大家下個星期出黎喔..@@

晚上,無啦啦落起雨上黎..仲好大風tim..風勢好強不過好涼..好似打風咁..真係難得.~

部電腦洗左咁耐都未裝防毒,岩岩裝左個卡巴斯基..用左一個晚上掃左三百幾個病毒出黎..原來我部機係咁毒既..哈哈

今日,無咩特別~天氣好熱..12點幾先至起身!

在大佬家下載左d動畫睇,~大嫂又唔願起身返學了..呵呵!

之後.同大佬睇左聖誕老豆+凸務之王2<<好搞笑呀.!正~返到屋企又要聽啊爸發勞騷了= ='唉~

晚上,Kind Man打電話黎傾左好耐..傾到興起時~佢又唔記得轉車喇..哈哈!佢返到屋企搭Lift時又傾到唔記得按Lift..哈哈!傻仔來的~唔知點解佢話部Lift在無人按之下.自動升到21樓喔~好邪!!!!嚇到佢死呀..哈哈!..都係電話惹的禍~~

今日,係期待已久既南華+職訓的BBQ之日.∼Ya.....！

一早就教定個鬧鐘~同埋大佬都好早起身.!不過大嫂就鏟佢都唔醒..呵呵

我+大佬+香姐準時咁到達西九等..不過call佢地既時候..大家都話唔知醒~~好無奈~之後..等左個幾鐘先至有人黎..好彩有香姐陪我地.呵呵!!!難為Steven一早就去霸爐..點知我地去到的時候仲係有空爐..要佢白白等左好耐．．．了^^''呵呵~

入到去石澳都1點鐘lu...人物分別有〔我+大佬+大嫂+香姐+奶媽+森森+肥仔+Steven+Anne+Ivy+Yuki+小麗〕>12個人一齊燒烤!..不過我地買左ｄ次貨炭~好難燒= =''∼因為.我地買左好多食物既關係..搞到燒唔晒~,~'所以我地用錫紙黎燴..大嫂+Ivy用左好多時間同心血黎燴..成果出左黎:一半燒焦了,有一半食得..不過大家最後都冇咩心機食∼所以益左d狗狗了..哈哈!!我地仲係到影左好多相ｔｉｍ.^^

黃昏,我地一齊搬遷到沙灘玩..一齊整古人~例如>質奶媽個頭落沙洞~哈哈哈..我地d男仔仲玩埋沙上搏擊ｔｉｍ..原來肥仔同埋Steven都係[[多隆]]黎既..2個打我1個...無天理呀@o@'之後我地又玩返小學既遊戲:麻鷹捉雞仔/123紅綠燈<<原來好好玩嫁.哈哈~好有趣!!!

可惜.玩到8點幾大家就話走人了.我想玩夜小小的><'~最後大家再影多幾幅合影就回家了~返到出去時>雙腳麻目了..之後我+大佬+大嫂去左食糖水&打機~打完機到雙手麻目了...呵呵!..最後又去左大佬屋企留宿  ZZzzzzzzz................

今次既活動雖然無想像中咁好玩(因為我地天黑先至去玩喔)..不過好好開心呀..好耐都未試過玩得咁癲..呵呵!!~可以同最好既朋友一齊玩永遠都係最好既..希望大家既友誼可以直至永遠.................