今日,又到左相約去唱k既日子了.好開心!

真可惜..次次都話會早到,叫我地快d去既香姐又再一次遲到了= =''

搞到我地仲咁趕出去tim><''呵呵(無奈中)

之後,我地又係上次果4個人去唱k了(可惜.祺影話唔黎)~~今次好彩佢有帶學生証~^^

不過.今次個房比上次細左~得返3枝咪~得返一部電視(仲未加細碼><)..比起上次差左好多..所以唱果時feel都差d既~~飛鳥-珍..點左歌又唔唱喎..呵呵好搞笑!!所以.香姐好惡咁罵佢(發揮出惡雞乸的本性)...係呢個時候..我又開始我錄音既工作喇.錄左好多....不過最後~比d女仔發現左(噢.my god)比佢地搶左部電話..delete晒了....我地今次仲唱到7點鐘tim.唱多左2個鐘..呵呵

之後.我地去左西九8樓食野..仲傾左好多計..仲搞到玩電話tim..(扮聲)打左比kenny+德德.哈哈..好好玩!~玩到好夜...我地送左2個女仔返屋企...就去左大佬屋企借宿了^^..係佢屋企幫佢部電話解剖急救...最後都救唔返.呵呵..

今日,又係屋企無聊地過!!

想去街.但又唔知去得邊..問人地[有咩野好去處?].佢地只係識答: mk/尖咀= ='

唉....唔通全香港都無好玩既地方??~有既..只係自己冇錢去玩而已..哈哈

下午.無聊地玩跑跑卡丁車..好努力咁升左lv1了!!

唔知點解..死神(動畫)過左個幾星期都唔出新一集..唔通好似火影咁要等2個星期?(無奈中)....對我呢個動畫迷黎講~呢d係唔可以容易的事><''

晚上,我改晒日記版文字既顏色...因為以前既顏色太樣衰了!!!!

今日就係咁無聊地過左....唉!

希望聽日去唱k會好玩d啦.呵呵~~~

今日,訓到好到遲先至起身..

本以為星期日爸爸會休息..然後帶媽媽&妹妹去街..屋企就只有我一個喇~哈哈(鐘意一個人係屋企既感覺)...但事總與願違~爸爸要返工喔...(夢破滅了><'')

下午.珍姐約我星期二去唱K~見上次唱得咁開心..又免為其難咁應承佢地了..呵呵!

晚上.睇果出[星期日檔案]講述近二十年以來既人生百態~當中: 有人為左減輕家庭的負擔..而離開屋企出外做拾荒者!! 有人為左返學..而冒住生命危險手拖手越過一條唔知幾時會水漲既河!! 有人講左一句[對有錢人黎講.生命係最重要的~~對無錢既人黎講.生命係唔重要的]...呢句說話令我深深感受到窮人生活的艱苦..相比之下自己是多麼的富足....

感謝天主賞賜給我的一切~我會好好咁珍惜!!

[VV人比左啊嬋個msn我..叫我用神秘人既身份黎玩下佢..^^'所以我地火氏三兄弟vs啊嬋..玩到佢叫救命喔..哈哈..好好玩.!!!]

今日.天氣涷左小小~令到我個都妹都好似病左了!!

日記有d野唔識整..多謝你既教導喔...呵呵

我媽媽又係到哦哦哦.....哦我搵工既事哦左一個下午= =''(真係多口水了)我都想快d搵工..但係仲未諗到自己想做咩野工..唉!!(無目標真係慘~)...等妹妹做完功課之後就同佢落街行左一陣~~晚上.睇明珠台果出[火山高校]..無論人物造型一話故事情節~同[亂online]都好相似..只有打交同埋打交....(心諗.如果我地都身處係咁樣既學校就好了.因為日日都可以好刺激咁過唔使咁悶..最重要既係..唔使讀書丫嘛..哈哈)

唔知點解世上有咁多唔公平既事發生..就算有平機會..都只係可以阻止表面一部分唔公平既事....咁人既內心呢?阻止得到嗎?~~好唔明白...依家呢個咁開放既時代仲有咁多人有重男輕女既中國傳統思想....其實男同女又有咩太大既分別呢?..我作為男人.都唔希望女性受到不公平既對待..可惜只有時間先可以化解人心裡既古舊思想...可能要幾十年之後..可能更加漫長..........

今日,係大佬屋企玩跑跑卡丁車..

雖然呢隻game冇咩野過人之處..但好過無野做啦.呵呵

本來想約德德+vv人+蛋糕出黎打羽毛球既...不過德德+vv人又話唔出...蛋糕又臨時放我地飛機.. ~~搞到活動取消了><

下午.蛋糕打電話黎話有個神秘人用小強個msn向佢示愛喎..!呵呵(心諗佢一定比人玩喇).之後..原來個神秘人想同自己果班個Jenny示愛姐...睇錯左第2個Jenny......因而示錯愛= =''..哈哈~~真係唔知蛋糕今次係好彩丫一話唔好彩了

今日.聽到一個人講(我同個fd反左面呀..係學校無晒真心朋友..得返d假朋友~好慘呀><)又聽到一個人講(我覺得人越大知心既朋友就越少!!)

隨住光陰既消逝..小時候既純真都慢慢咁消退....人會開始變得有機心.自私.自利.無情..

小時候的知己摰友現在還是嗎?!..就算是..大家都變了~~我自己都變了..已經唔再可以回到從前的時光><..只好把最美麗既回憶藏在心底..所以小時候係我人生最最最最快樂既日子!!!!!!!!

朋友~有三種...

第一種:[假朋友]為左自己既利益而接近你~假情假意..正如酒肉朋友..!

第二種:[真心朋友]把心交出黎同你做朋友~真情真意..時常關心對方..!

第三種:[知心朋友]和對方心靈相通.會明白對方既心意.知道對方真正需要的是什麼....就如知己一樣.(是最罕的一類)..一些男女朋友都未必做得到!!

所以.有真正既知心朋友在身邊就一定要~~知緣惜緣!!!!!!!!!!!!!!!!!!