今日,12點幾先至起身..仲係唔夠訓~仲係好累咁..><'

見到香姐online..馬上add佢~叫佢地過黎玩地獄廚神大比拼..佢地好爽快咁應承左~2點幾黎到..大佬+大嫂岩岩起身~~可惜~如我所想的一樣.香姐+飛鳥都係仲未諗到煮咩送=.='比賽又要停止了.等下次吧~

大家一齊在大佬家傾計/睇電視..睇到一出電影既時候..香姐竟然睇到眼濕濕..真的眼淺!!6點鐘大家各自返屋企...返到黃大仙我既八達通終於負錢了...我既儲備都用到所淨無幾了..唉.窮到無人有><''呢個時候..狗公仲打電話黎叫我聽日去攀石..無$$無得去

晚上,妹妹(斯)同我玩yahoo.篤波~比佢呃左d分去tim..呵呵!

現在既我係一個4失青年了:失學業/失工作/失戀愛/失金錢.........

今日,原本話去香姐屋企的(驚喜).點知臨時話活動取消(失望)~~

下午.又玩左好耐跑跑卡丁車...收到個電話.今次話去飛鳥屋企~我知佢地係講笑..

不過我見兩日係屋企咁悶..所以就出下街啦...我去到飛鳥屋企門口玩佢地...佢地估唔到我真係出左黎..哈哈!~之後3個人在富昌村遊蕩..好悶..所以佢地2個都叫埋佢地既細佬出黎..飛鳥既細佬好多野講/好活潑..完全唔似佢~~香姐既細佬好似高過我tim><!性格都幾溫純..好似佢家姐!之後叫埋大佬+大嫂出黎一齊食飯...7個人帶住一家大細一齊出街.都未試過的..呵呵~我地去左西九8樓食野...食完一齊去網吧打機..好耐未去過了..同佢地玩CS...呵呵..幾好玩!(不過失去左當年既技術了><).玩完之後佢地都去玩其他game.~我就一個人坐係到悶..無晒目的...當時~我知道..網吧係一個已經唔再屬於我去的地方了..哈哈!!

玩完之後..大家各自返屋企...我同大佬+大嫂就去左龍威打機..睇住大嫂玩天翼既街機版~用[小路]玩得出神入化..強呀!!打完機去左飲野食野..之後係大佬樓下個公園一路食西北風一路傾計..不知不覺就傾到4點鐘了@@'噢..之後上左去佢屋企借宿Zzzzzzzz....

今日,由於早上節目調動既關係..搞到冇晒野睇..悶><'

呢2日..大陸既親友都打電話黎問我搵工的情況..呵呵..多謝佢地關心.^^'可惜我太唔長進了~~

打機又打左成個下午~極悶................

晚上..完全相反~~大家好似一早約定好甘既..同一時間一齊add我..搞到我應接不暇

收到消息:Miss 葉~搞既5A聚會於五月進行..好期待呀.!不過我相信到時可能搵到工作了..希望到時會得閒啦!!!!

香姐佢地話聽日搞地獄廚神大比拼..哈哈一定精彩絕綸.連場刺激..正!!

今日牙痛又發作喇...嗚嗚><'

今日,因為夜訓的關係..成12點先至起身!!

收到大佬既消息..佢同小符好返喇..恭喜晒..(咁就唔洗見到佢既苦口苦面了..呵呵)

在家無聊地等待死神&火影出新的一集.可惜天意永遠都是弄人的!!

知道Ivy都有玩跑跑卡丁車..所以同佢一齊玩~點知佢玩開速度賽既..而我又未玩過..所以想陪佢玩下就算了...點知玩落又幾好玩既喎..無我想像中咁難^^'我用左好大既努力..终於進升到[一指]喇!!!我係呢隻game既目標總算達成了..ya.!!

黃昏,帶左個妹落樓下踩單車..自己坐係到一路等佢~一路食西北風(寒)><''!

快天黑既時候..見到一班小學四/五年級既細路黎左公園..圍圈圈玩隻抽@@'都未隻完有一個細路走左過黎話吹雞去打人..成10個細路一擁以上..就好似電影古惑仔咁既場面(不過係年輕版)..個個手執石頭..掉向三個細路(被點相的人)...最後當然勝利啦...受害人逃去無蹤!!呵呵~一班好出童黨..將來一定會大有作為!!!!!

今日,清明節+復活節..沒有一點的節日氣氛!!

每年既清明時節都會雨紛紛..不過今年好特別...個天一滴雨都唔肯落~~

無得去拜山的我..只好去黃大仙拜神當應下節就算了..call左大佬+香姐+飛鳥過黎一齊拜..可惜又叫唔到識訓三姊妹黎><'!..香姐+飛鳥仲以為去我屋企玩...唉.一個美麗的誤會..都係自己唔好啦..搞到呃左佢地黎了...罪過罪過><'好想補償返比佢地..!!

到左黃大仙...我同埋佢地去求簽(人生第一次求簽)~求事業>>出左第48簽..簽文:卓文君私奔= =''雖然唔知點解.不過都幾搞笑...^^'我地隨意行下黃大仙廟..睇下d魚/龜/景色~之後帶左佢地去創藝坊&鳳德花園行下...一路行到去荷里活廣場~~大家都對呢個廣場好陌生...同埋好似冇咩野行咁@@'行到肚餓.又去m記食野(唔知點解.最近出街都係去m記食野仲係食埋同一個餐tim)例牌二個10號餐加大..四個人食..已經成為我地既特色了..呵呵!今次d女仔好豪氣咁出左$$..下次一定要請返佢地><'食完都夜了...我要求大家一齊行返去黃大仙地鐵站先至走..順路送我返屋企..呵呵..大家真好好人!我果然無識錯你地..哈哈!!沿途走到鳳德花園計左一陣計..走既時候係水簾洞..我諗住玩下香姐..唔知係唔係因為地滑的關係..噢~我差d推左佢落水池><'''一定嚇死佢喇....我玩得太過份了...sorry...希望佢原諒我既過錯啦~~~