話咁快又一個星期喇!!真係快!!
呢幾日lunch time都係甲場打籃球!!都幾好玩....
幾日都係我地贏晒!!不過好辛苦..要跳黎跳去羅籃板!!
發覺自己真係跳得幾高下..拎晒d籃板!!然後比波賴皮同bill哥射!!
就係咁,我地既默契就好左好多...
跟住賴皮同bill哥未經我同意之下幫我參加左三人籃球賽!!
講真!!真係有少少淆低架!!叫我打乒乓球就話姐!!無啦啦叫我打籃球!!
anyway,到時我會盡力打架喇!!到時發揮得唔好請隊友原諒!!
講返今日先...今朝同阿哥去學校拎成績表!!
去到等左一陣就到我地喇!!華生都算識做!!有讚冇談^^
不過操行得B+..操行分就74分!!歷年新低!!
拎左歷史科全班第一,體育科全級第一同全班第一..仲有個體育獎學金!!
都ok..喇!!但美中不足既係名次!!班12,級139!!
差都唔可以用言語黎形容!!不過我唔會比籍口自己!!
只怪自己統測無做好本分!!唉!!
死人鄭sir唔記得比大功我!!星期一返去你就之死!!
記得舊年只係上學期操行分就已經98分..今年...唉!!
唔得..下學要申請智仁勇先..
拎完成績表帶我阿哥遊信義!!我成個導遊咁!!haha!!
之後陪阿哥去吉野家食早餐..食完等埋佢地去左唱K..
唱完過左何文田打籃球,篤波同打乒乓球!!好累!!跟住落左華仁對面個間M記食野!!
食完去左麥花臣會合呂人佢地!!!
之後吹左陣水冇野做..佢地話去打機..諗起聽朝仲要教波!!
所以返左屋企早d抖!!因為今日好累!!就黎唔得喇...
你地B Grade聽日要加油ar..我地升唔升到grade就靠你地架喇!!+ oil

今日唔知點解好開心!!可能返學上個d堂開心喇!!
頭三堂都係塵仔堂!!上Phy差唔多成班油訓晒!!不過我無訓過...
仲好留心聽佢講書!!佢地成日上佢堂都係度訓覺,覺得對佢公平咩??
又有冇諗過佢既感受呢?其實佢教得幾好,為人又肯幫你,落力!!
唉!!各位同學以後上塵仔堂可唔可以唔訓聽下佢講書呢!!你地呢班正一死仔死女呢架!!
宗教堂好好笑!!d戲劇好正!同學好投入!!我地都要加油排練!!
放學要測英文!!都ok易喇..測完之後成班人上左King's打波!!
今日好有活力..感覺唔錯!!若能在班際賽上發揮今日既表現..就真係好喇!!
打完波出左一身大汗..舒服晒!xdd,之後去左金太郎食麵..好味又飽肚!
之後行左去麥花臣睇人地打波同傾計!!嘩!!麥花臣d人真係好勁!!不愧為香港第二高手集中地!!
9:00搭地鐵返屋企!!返到屋企收到一份好特別既禮物!!真係估佢唔到!!
我阿哥竟羅我黎寫左一首歌!!真係好開心,有人為我作歌!!你地唔使羨慕架!!
最多我遲d幫你地作番首喇!!^^佢作左首歌叫《細佬》歌詞如下....

『黑  迷人的眼睛  臉  流露出笑容
兒時  常被我嘲笑你  是個傻孩子  但你卻不介意
而今  你已有六尺高  氣度更比天高
但無賴的我還常常捉弄你  但你卻還沒有嬲  教我如何是好
你一舉足  一揮舞  氣魄令男孩也羨慕  是問誰可抵抗的到
如我和你相比下去  不知如何面對自己才是好
真不敢相信世上有你這麼一個人  但是我不可不相信
因為他是我細佬                                                       』
Ps:首歌都幾好聽!!唔識點唱可以黎問問我,順便聽聽我清脆的歌喉!!^^

都唔知幾耐無打過日記lu!!打黎打去都係個d野!!
加上唔想打..(無時間呱!)
話咁快就過完新年喇!!今個新年好悶!!無返大陸!!
我想返架!!但我屋企人話唔返,因為d親戚出黎香港!!
睇電視先知今年全國都可以燒煙花!!係電視見到人玩得好過癮!!
好想玩埋一份,因為都成5年無玩過喇!!下年要同三個半一齊返去玩!!
係香港過年真係好冇氣氛,同平時一樣既!!出街仲搞笑,d鋪好似間間都收山咁!!
不過,有賴皮,傻達,大佬,S!U糖,田雞佢地陪我出黎玩!!
我地年初二去左尖咀睇煙花!!今次個位好正!!田雞同嬋姐佢地叫得好大聲!!
好似d自遊行咁!!HAHAHA~~好搞笑!!
大佬係呢個假期對我地三個半真係貢獻好大!!相信同你一齊玩既人都樂而忘返!!
我欣賞你個份自信,好勝!!你真係好勁!!我係度代表三個半向你致敬!!
返學前個兩日..返左大陸既人都差唔多出返晒黎!!我地又一如以往咁大家一齊打波!!
同佢地一齊玩可以令所有煩惱忘記!!出一身大汗,正xdxdxd!!佢地真係好,思想夠成熟!!
有咩心事都可以拎出黎同佢地講,佢地又會同我分享佢地既心事!!有咩掂大家諗計仔解決佢!!
總之同佢地一齊好開心,特別係傻達,有傻達係度會好笑好多!!因為佢做d野令人好想打佢,,好抵死!!
呢個假期唔知點解過得好快!!今日係下學期第一日上課!!早上又要一早起身返學,有d唔慣!!
因為假期日日都訓到十一二點起身!!上學期d成績真係唔知佢點計!!有d人令我對佢刮目相看!!
點都好..成績表都出左喇!!我自問自己有溫書,已經算係盡左力!!而且今次考得唔錯!
可能比個統測影響呱!!呢個學期要發力去追返之前上學期既不足!!
依家有少少怕打籃球!!因為打籃球真係好易受傷!!好易比人撞到或跌倒!!
都係打乒乓球好玩d..xdxd!!可以考反應同個腦!!而且又刺激同無咁易受傷!!
呢個星期日就係B Group乒乓球學界賽喇!!加油ar你地!!
Ps:時間過得真係快!!如果時間可以返回之前就好喇!!

依家愈來愈唔想讀書,因為覺得自己日日返去唔知做咩??
但唔讀書就冇學歷,冇學歷就搵唔到野做..
今日係上學期最後一日,d老師比左好鬼多功課!!
放假係用黎輕鬆架!!唔係用黎做咁鬼多死人功課架!!
今日上pe堂..玩得好激下..個個都將心裹既不憤用汗水黎把佢流左!!!
成個lunch time都係打波..有輸有羸!!最後都係打和!
music miss盧又話講音樂總分,但係佢好鬼麻煩!!係度拖拖拉拉咁!!
最後都係唔夠時間講!!佢常日係度講廢話,直接講我地個總分出黎咪得lor..
我上左咁耐oral堂,今日個堂最開心,華生同我地玩遊戲..
bill哥同肥仔好落力咁幫華生做野..好乖..因為佢地操行由華生控制!!
放左學要測英文..我地係度通水..有d生字唔識d解釋我拎部手機出黎查!!
好似好衰咁!!haha..對其他人唔公平!!^^
測緊個陣華生比左我地睇我地既考試成績!!唔使睇都知咩事喇!
統湔考到鬼咁差..今次就算考得點好都拉唔到去邊喇!!
睇左之後..我同我地班其他人比發覺都唔係好差!!應該係我地班d人成績差!!
傻達咁次考得咁好都過100名!!唉!!唔知佢點計!!覺得佢好唔抵!!
肥仔同我差唔多佢班考10我12,級131我139!!唉!!咁既成績都唔知挨唔挨得上F.4!!!
Ps:有時付出既努力同回報唔成正比

今朝早左起身..食完早餐睇左一陣新聞先番學!!
之後同喪恆,鑫爺一齊返學..
返到去先知華生今日無返..有d人話佢老婆今日生仔!!
congratulation!!第一堂上music!!正xddddddd!!
miss播左童話,天堂同向左走,向右走!!童話最好聽!!
可惜傻達今日遲到..上唔到music lesson!!
第二三堂都好自由..華生無返我地有訓有玩!!
我同肥仔就玩打桌球!!大家好似打和!!
math同中史都好比心機去聽書..不過佢講到好亂!!
我math下學期要好過上學期好多多多多多多......................
仲有個三科死人phy,chem,bio.chem我當自己合格架喇
因為我有堂無返唔知方程式要用英文寫.所以8分咁就冇左.
phy係三科中考得最好既一科,bio差幾分合格..
anyway我下學期會加油黎填補上學期既缺點!!
lunch諗住過hall打波..點知RTHK要黎我地學校搞活動..
所以無得打波..只好睇人地打籃球..其實我都想落去打..
不過見咁鬼多人跟隊所以冇打!!
lunch之後中文作文-「故事創作」,我作左個乒乓球神童的誕生..
故事內容係把香港乒乓球神童「趙頌熙」的一生,改編成為世界冠軍!!
4歲半開始打波,8歲入選港青,10歲奪取全港冠軍!!呢d都係事賓!!
故事結尾話佢13歲拎左奧運男單冠軍..成為年青人的榜樣!!
放學去左M記食野..咁岩撞到狗狗同朱小姐!!佢地過左黎同我地一齊玩!!
我地食完野成班油係到玩魔術!!狗狗同朱小姐好似教極都唔識咁!!好搞笑!!比我地係到串佢!!
傻達仲好笑,佢表演d魔術簡直難以用言語來形容!!勁!!
跟住陪肥仔去買袋!!買左個Puma都幾型!!之後散水返歸!!
返到屋企食完飯訓左四個鐘!!之後打左呢篇日記!!
Ps:我係傻達身上學識左好多野,佢個晚同我講左一大番說話!!
聽完之後覺得好合理!!傻達!!thx!!三個半成員!!thx!!