自從星期四放學既足球比賽比人踢傷,對足球有些畏懼!!
個晚隻腳痛到唔得,要去睇醫生..由00:00等到04:30先有得睇..
百幾個人得一個醫生睇病,有冇搞錯ar?
最難為既係陪我去睇醫生既母親大人..真係唔知講咩好.為有向你致敬!!
睇完醫生比左d止痛藥同沙布我返屋企..之後返屋企訓........因為成晚係度等睇醫生!!
第二日起身隻腳好好多啦..個醫生果然有料!!我以為自己打唔到下星期既比賽!!
但依家可以放心d啦!!但我既自制能力好差,第二日又去左買衫同銀包!!唉~~
都唔諗下自己有傷在身既!講返琴日既事先..琴日朝早去左唱K,幾好玩..
冇女仔去好似仲好玩左..不過時間好少,唱完之後陪鑫爺去左買袋..買左個Apart!!
幾型..仲有百五折,,不過我去先有..因為識個個sales!!之後去打籃球!!我都想打架..
不過打唔到>_<..之後又過左歌和老街睇郭穎邦比賽..佢都幾慘..兩年都係第一場就輸!!
仲係係打到去第五局!!算啦~睇開d啦..下次加油lor..跟住返信義睇Musical Drama
無聊的!!所以成晚係度玩..傾電話,sd msg,打肥仔..肥仔好抵死呀..d燈一熄就比一大班人打!!
場面非常壯觀..唔知佢有咩感受呢??hehe!!完左之後又去打籃球..今次我有打啦..不過好小心咁打!!
打完之後過左鑫爺屋企玩..玩通宵..好好玩,,打winning..我羸左喪標同喪恆!!輸比賴皮..成晚係度打機,傾計!!
感覺唔錯..打到四點幾訓啦!!因為聽日仲要教波!!訓既時候賴皮同我講左d野..諗返起幾好笑!!我都想!!
訓到08:30起身返屋企沖左個涼就過海教波啦..教緊既時候大佬黎左wor..佢黎探班ar..好搞野..
教完波返左屋企Zzzzzzz.......下星期六--------決戰恆生學界盃!!
Ps:乒乓球帶給我不少難忘的片段﹔落後的時候要靠自己扭轉乾坤，久而久之人也變得堅強和成熟!!

今日放學踢左一場足球賽!!對3A,最後竟然爆冷輸0:1..我要付最大責任!!
因為我係守門員,比人入左球就係我唔岩!上半場我出左去踢,黃偉豪做守門員!
下半場我做返守門員,差唔多完場時比人係亂戰中入左一球!!sor,3C!!
輸左之後d隊友都好冇精神,華生過黎係咁安慰我地..thx!
之後我地去左金太郎食拉麵,個陣隻腳都冇咁痛..但食完之後一起身!!
隻腳痛到行唔到..用左半個鐘先返到屋企!!唉~~天呀,你做咩要對我咁呀??
難道要我整個假期在家中渡過?我下個星期仲要打恆生學界盃架!!
希望可以早d好番啦!!

今日踢班際足球,我地班 VS 3F,我第一次做守門員..幾好玩...
好多規矩都唔識..仲走左出禁區手球..比左個罰球人地..幸好射唔入!!
上半場好無聊.雙方都冇入球..下半場交換位置後,係尾段連續入左三球!!
兩球來自傻達,一球烏龍球,最後5分鐘到,我地比人入返一球..好白痴lor我!!
咁都比佢入到一球!!唉~~最後羸3:1,下星期三對3A,我唔做守門員lu~~
我要做前鋒,最少要入返一球,原來踢足球都幾好玩架wor..不過受傷既機會比籃球仲大!!
3C同學們下星期三加油呀!!我地要係決賽對E班架!!
今日見到我地班既同學們好努力咁去踢個場比賽..踢出左團隊精神,呢個係我地羸既原因!!
而3F班既實力雖然比我地班強!!但係佢地太冇團隊精神,只係識踢個人主義!!呢個就係佢地輸既原因!!
Teamwork 3C既同學們我地做到了,我愈來愈鍾意你地!!HaHa......

今日去左打青少年乒乓球決賽!!未去到有一種預感話比我聽今日狀態唔多掂!!
可能琴晚同鑫爺打得太累搞到今日無咩力氣走動!!
10:25打第一場..呢場個對手好勁..黎頭唔細!!開局打得唔錯,但後黎太多無謂既失誤!!
最後仲輸埋..連個裁判都話我輸得唔低!!做咩咁唔生性呀!!李銘澤~~
唉!!打到八強先黎輸!!連個第四都無埋..諗諗下打第5,6,7,8名都冇用既..不如棄權唔打返歸好過...
但我個fd叫我比d體育精神打埋個名次賽!!咪打埋佢lor..都冇晒精神打啦!!亂咁黎..係又揪唔係又揪!!
搞到輸左比個傻仔!!最後打個第七返黎..傻的..從來打入決賽最少拎第三,今次拎第七wor..死啦!!
唔得..我下次要再黎過!!我要練返d乒乓球,唔打咁多籃球!!打完返屋企訓左三個鐘起身食完飯比賴皮叫左去游水!!
游水個陣好搞野!!我推傻達落水佢追住我黎打!!我緊係走人啦!!走左上d好大塊既石頭上面!!點知比個救生員叫我落返呢!
加上有班唔識既人係度叫我唔好做傻事,唔好爬到咁高!!個陣真係好好笑!!比賴皮同標哥笑左好耐!!
游完水去左佐敦食糖水..去左一間叫九記既糖水鋪食..比人呃,我叫左碗什果涼粉西米露..都冇水果既..得幾舊西瓜!!真激氣!!
標哥個碗仲好笑,笑到我地p晒!!佢叫左碗木瓜杏仁雞蛋糖水..點知冇杏仁既個雞蛋仲要後補先搞笑!!九記糖水鋪我認住你!!
我地食完九記條氣唔据,所以去第二間再食!!去左間叫明記糖水鋪食..呢間點都好過上一間.雖然d野係舊左一d!!
食完返歸lor..聽日返學lu~~
Ps:原來狀態真係好緊要架!!所以各位好朋友要有好既精神同狀態去比賽先可以旗開得勝!!
是我敏感　誤會戀愛降臨
從未發生　交不出初吻
從來沒有　情人會行近　日落黃昏
誤會你有心　日夜苦惱自尋
想得近　卻遠得過份
無聊像我　無聊當緣份　亦是吸引
我也許孤獨到熄滅了燈　覺得彼此抱得更親
戀愛妄想症　錯覺還是吸引

講返之前星期二去咗踩單車...
個朝好早就起咗身,陪傻達去搞身分證個d野...
點知去到好鬼多人排隊,傻達又趕住用..所以咪照等lor..
等左兩個鐘終於搞好左..傻達就開心啦..難為要等佢個d人咋..
約左大佬9:30係大圍火車站等..佢好準時就到咗..標哥就10:30分到..
我地就11:30分到..最遲係田雞同馮偉彤..12:20分先到..
跟住租車就踩啦..點知田雞唔識踩..佢學咗兩個鐘都唔識踩..個陣都已經2:00啦!!
我地諗唔可以再係咁..所以我同標哥拎左兩部單車返去換左部二人單車..
我同標哥好快咁就換咗返黎!!追番前面班油!!大佬個部單車好搞笑..個制好搞笑..一殺前制就會打關抖..
點知大佬落斜個陣仲殺前制..所以佢就打左幾個圈仆低左..之後我同佢換左部單車黎踩!!
我地好快就追番晒d人..跟住就一齊踩過去大尾督食野..我地食野個陣已經5:00..
食完野就要馬上踩返去大圍交車..好冇蘟..本來諗住上條水霸度玩陣先..不過唔夠時間!!
我地踩返去個陣好有feel,唔知點形容..個種感覺好正!!好似係度發夢咁!!正!!
返去個陣傻達撞到達嫂!!仲流左d血!!你呢鋪死啦傻達!!不過達嫂只掛住快d踩返去大圍!
因為佢應成左佢老豆7:00返到去..邊有可能既事!!就算係大尾督不停車一直咁踩都要用兩個鐘既時間先可以踩返去大圍!!
所以你算把啦達嫂!!加上我地要等埋佢地一齊返去!!肥仔同大佬踩踩下抽筋..好搞笑!!佢地兩條油落車係度做早操!!笑到我!!
達嫂踩單車係女仔呢講都算勁!!佢真係踩得好快!!佢一直跟住我呢踩!!勁!!
我地7:30分就返到大圍..肥仔佢地就8:30!!
之後交完車落左旺角食完飯又過左麥花神打波!!打到11:00去左鑫爺屋企玩..玩通宵..打機,睇波,玩人地既msn,icq!!
第二日出去剪左個頭就返屋企做功課啦!!因為好多功課未做!!
Ps:下次再有時間一定再去一次踩單車!!
係度向過日等我地既各位朋友講聲sorry!!遲左咁多!!(特別係大佬)
星期日青少年乒乓球賽決賽啦!!加油ar牛牛!!