好耐都冇打日記lu..都有成個月啦!!話咁快暑假又放左一個月啦!!
依家d時間真係過得好快...個暑假好似日日都係為左乒乓球而活咁..
日日都打乒乓球同教波!不過都好過日日係屋企訓!
呢個星期開始要返暑期英文班!!呢個暑期班真係搵笨架..
返去個Miss只係識比功課同對功課..>..<又常日比個Miss玩!!
好想快d完個暑期班去踩單車同溜冰..正!!
有陣時有d野真係估唔到..我地三個半竟然入晒4C..
之前仲諗住入B或A..依家入左C有D唔係幾想...
雖然同班fd一齊..但又同佢一齊始終有d尷尬既..
唯有等時間慢慢沖淡一切..黎緊個年我地班主任盧Sir一定好麻煩!
因為有我地呢班油係到搞亂擋xddd^ ^
傻達近排好大壓力..傻仔達唔使咁架wor..只要你唔好放棄..
把握機會..幸福係要自己去爭取架..加油呀..^^
講到感情我自己都唔識得去處理,個晚唔知點解好想同佢講..
明知個答案係咩既都係要講..最後都講左lu..起碼我講左出黎知道個答案會開心d..
以後唔會再去諗你..希望我地永遠都係好朋友啦!!
唔講呢d野啦..講返d開心既事啦!!聽日要去比賽!!
呢個比賽好勁架..有幾千人參加..我打入左64強..聽日打半準決賽..
希望可以打入八強啦!!
Ps:我要拎全港排名賽冠軍!!Believe Yourself!!
S!U糖我覺得你睇人都幾準架wor...勁xdd

暑假又黎啦...呢一年真係過得好快..好似幾個星期前既事咁!!
係F.3有好多開心野發生,亦都有好多唔開心既野,我係F.3做左一件事......
haha..最後..>-<學期尾既時候..大家都好唔捨得..好多同學要去其他中學讀書!!
就連標哥都要!!真係好唔捨得你呀標哥!希望你入到一間心儀既中學!
係個暑假度搵野做..搵左幾份乒乓球呢教..都好既,幾舒服,人工又唔錯!!
不過呢種天氣真係好熱!!熱到個人唔想出街!!
琴日同大佬去左打保齡球..我竟然打左一局180分..可以話係好勁架啦!!
不過大佬就慘d lor..唔使灰wor大佬..下次加油!!
好想快d到17號呀!!好多人去BBQ呀!!正XD!!!
Ps:我都唔知你想點..係我放低你既時候你又比希望我
我真係唔知點做好.只好見步行步

考左三個星期試,考到個人都傻傻地咁...考得唔錯咁啦今次個試!
點都好過上學期,因為自己有溫書呀嗎!英文考得好差,唔夠時間做!
有兩part冇做!!不過都合格既,我要入c或b班(一定要入到)
考完試就即刻去搵野做..搵左份問卷調查員黎做!!
每訪問一個就$2,叫到佢上我地公尺督$4,佢入埋黎讀就有$1000..嘩!!!
邊有咁易叫到人黎讀呀!第一日做,做左25份,$100,一d都唔辛苦,好舒服!
今日又去左見工,又見成左,聽日要返去訓練,之後我又見多左一份工..
一份係客務顧問,一份係電話聯絡員,,都幾好..個暑假可以過得充實d..
呢個暑假做三份暑假工同教波!!我諗都差唔多啦!!
係考試個陣世界盃打到黎!!我跟左Dickson買波,,點知第一次買就羸波..
羸開有條路..一直係咁羸..羸左三四百..輸返幾十..
點知比siu糖同海味搭沉船...唉...我依家係觀塘既一間網吧!!
岩岩去完apm睇波,買左四串一..過左兩關..仲差兩關..要等到三點先開波!!
so咪黎網吧消遣下時間..如果我一陣個兩場都羸埋..我諗羸千幾蚊..
幾十蚊羸千幾蚊咁係低啦!!不過賭還賭..要適可而止呀..
Ps:我已完全放低晒你啦,好開心,希望我地可以繼續做好朋友啦!!

我的日記不再叫日記了,叫週記才對!!因為我一星期才打一次,不叫週記叫什麼??
仲有唔夠20日就大考了,我諗自己應該用心去溫習了..不然就會被人淘汰!!
唉!!隻腳踢足球比人踢親依家仲未完全好番!!體育考試都冇考..下堂考返!!
希望到時可以完全好番晒,仲有籃球賽f.2 vs f.3我都冇打到..不過我地f.3都贏!!
輸左唔放過你地..唔知點解近排三個半d人好鍾意打機!!打到上左蘟咁..真不明白!
我地班星期五激到華生大發雷霆!!因為一d人冇訂飯又同佢嘈!搞到佢好鬼激氣!!
放學教完波搭地鐵返屋企個陣又見到華生..佢話岩岩踢完波!!踢到咁夜!!
星期五夜晚同鑫爺,南哥,正哥一齊book場打波!!好好玩..有贏有輸!!不過,
最好玩既係我第一次要交學費比人..原來都幾過蘟架..又有一股力量推動下次打好d!!
今日去左睇鑫爺比賽,打得唔錯,不過仲有好多進步既空間!!希望你係下星期有好表現!!
wong sir講得好岩,係我地呢個年齡唔應該拍拖,佢話拍拖係好浪費時間同麻煩!!
如果想比返個好既童年自己就唔好拍咁多拖!!認同,雖然我未試過拍拖!!但我都可以
諗到拍拖係好浪費時間,所以我諗住有自己既事業同條件先會搵番個gf~~haha..
講到好似好成熟..希望我可以做到啦!!
Ps:鑫爺我地下星期日一齊加油----------恆生學界盃,我要打入決賽!!
Believe yourself!!

今朝好早就返左學校測英文...真係慘,星期六都要返學!!
測完之後原本諗住去唱K,但之後都係無去到..佢地就去左打機..
我同鑫爺返左屋企..之後訓左陣就出黎練波,感覺狀態不錯!!
打到五點就同鑫爺,邦邦過左歌和老街比賽..去到五點四十五分..
之後拎左件衫同DICKSON落場掃波..狀態不錯...
第一場打18:30,呢場個對手好夠份量,不過係肥個d..
條油仔肥到死,我梗係打佢兩邊等佢周圍走..用左十五分鐘贏左!!
第二場打19:45,呢場個對手係dickson教出黎既..唔錯..
但擋波差左d,都係直落3:0贏左..最尾個場21:00開波!!
對手都係平平無奇,我用最快既時間送左佢返屋企!!
打左3個,3個都係直落3:0贏,好輕鬆,5月28號再打..
到時就真係好玩lor..第一場就對種子..幾有挑戰性!!
打完就返左屋企lor,因為都好夜啦!
Ps:5月28號再戰歌和老街,我要代表香港去日本打比賽!!