好耐都無打日記lu..唔應該叫日記.叫週記先岩!!^ ^
開學適應週好唔慣,又要早起身,又要早訓!搞到成個人D生活節奏變晒!好唔慣!
期待下星期的來臨!!呢兩個星期上課都幾好..D老師幾好人..又玩得..特別係盧Sir同Miss Wu!!
不過阿威哥同sm太太就唔好玩啦!一個常日吹水.一個嚴到死!上佢堂一定好留心!
呢兩個星期放1:10..變得下午好得閒!可以去玩!xdd!近排三個半入面有某幾個人同時喜歡上了一個女孩!!
但佢地無拎佢地份勇氣出黎..只好遠遠地偷望!haha^ ^加油啦!
琴日放學去左食野..之後去搵阿S!U糖同Kai韻..我地送左Kai韻返屋企之後就係地鐵站傾左一陣佢地d感情問題!!
原來Kai韻住得好近朗豪訪..得閒去搵佢玩玩..之後同阿糖一齊搭地鐵返屋企!
返到屋企訓左幾個鐘夜晚出左去打波!有贏有輸!不過今晚贏左好多$$^ ^
講返今日D野..今日諗住放學去西九溜冰..之後放左學去仙果園食野..之後去左先達行左一陣..有D人又放飛機!!
得我地五個去溜!!幾好玩ga!不過對鞋穿得雙腳好痛!玩左兩個鐘就走人lu..期間發生好多好笑既野!^ ^
打住咁多先..眼訓Zzzzz!!

今日係中四第一日返學!!朝早同三個半食完吉仔先返去..
上到去成身汗..D位比人座晒..同班油座左係最前..
一入到課室就比盧sir叫名..開口埋口都叫李銘澤..
真係唔得佢死..睇黎呢年都大把野搞>.<仲選埋我做班長..唉!!
之後入hall聽野..訓左一陣..依家有D唔想讀RE..放學去左食野..
佢地去左打機我返左屋企訓覺...訓到4:30起身過港島教波..
教完過左土瓜灣搵佢地一齊打邊盧..好正!!好多人,好多野食!!
我地係咁叫肥牛,係咁飲可樂,佢地有D飲啤酒飲到成塊面紅晒...
死肥仔飲左好多支可樂..可能有20支!勁xdd!!傻達你好狗呀!!
搓輸左唔肯飲..無賴黎既!!打到11:30走人..賴皮送左我地去車站搭車走人...
咁唔好彩比我地搭左一部無冷氣既巴士..熱到我同喪恆叫救命!!
返到屋企沖完涼就訓lor...
Ps:我想走 早已決心分手
分了手  祝你與她玩夠
別引誘     請你快些縮手
扮內疚     你以為我可以受
繼續看你演戲  才是最怕 wow!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

忙左一個星期終於有日得閒可以抖下啦....
本黎諗住去踩冰既..但最後有D人又話唔得有D又放飛機...>.<
係屋企真係好悶Ga,之後咪約左D FD出黎打乒乓波lor..
兩個星期無打啦..唔知點解咁耐無打都無咩點變...
返而仲勁左..??唔知點解...可能夠晒休息呱..haha....
今日鑫爺打波好勁..如果佢比賽可以發揮今日既表現可能佢已經入左精英隊啦!!^ ^
我最鍾意同D勁人較量架啦..最後我緊係羸左佢地啦..仲做埋台主...HEHE....
仲比我羸左阿XXX同阿XXX各人$10..連book場錢都唔使比..haha..happy
打完之後返左屋企食飯..之後訓左幾個鐘起身睇電視...跟住唔知點解突然想做功課...
做做做........做左好多...見肚餓咪落街買野食lor..返屋企既途中比我見到D野...
一對情侶正在跟相方說再見的時候..他們說再見的方式很特別..令我很羨慕..
女的在揮手向男的說再見...男的竟然送飛吻給女..一個還不夠..兩個三個.....
看得我有點兒心寒...羨慕羨慕!!感情既力量真係大..大到我無法能夠捉摸...
Ps:過去的那個星期發生太多野啦..我知你壓力大情緒當然會有少少變動!!
我沒放係心裹面wor..因為我地始終係好朋友嗎!!不過上個星期真係好累!!
日日都要教波..真係累死!!你地仲以為好好玩!!不過換來既成果都係直得既!!^ ^

19號個晚喪恆生日成班油仔出晒黎玩...約左10:30係旺角等....
等齊人就諗住去唱K,點知無位而且每位要$150..最後都冇唱度..
諗左陣成班油傾好左啦...去左金雞打機..今次係唯一一次打通宵機無訓覺...^ ^
好快就打到5:30啦...我地去左一個公園度吹水..吹吹下就天光啦..
之後過左吉野家食早餐..食完返左屋企訓啦..點知一訓就訓到11:00先起身..
心裹面諗今次死啦..點算好呢?今日仲要教波..教11:00..我即刻打電話比教練話發燒可能黎唔到..
佢話你搵個人黎替你啦..咁我不如自己過去..咁好快就過到去..遲左半個鐘..真係慚愧>.<
最令我慚愧既係當我去到既時候我D學生走埋黎幫我拎野..幫我拎袋..問我有無事?
個陣我真係好內疚..內疚自己講大話,對唔住呀我一班親愛既小朋友..
佢地真係好好..仲有個家長請英出黎話幫我教住先..thz..不用了..
我跟本無事..個陣真係唔知點好..近排真係好鬼忙..好鬼多波教!!
d時間都唔知點安排好..又想玩..大家搞D活動啦!!搞咩都好啦..
依家覺得Agnes b黑色既袋幾好睇..有d想買..又可以手挽,又可以斜咩..
不過放得唔多野..又有d想買Gregory背囊..大家覺得Agnes b好定係Gregory好?
Ps:Sorry呀喪恆,比左個咁悶既生日你,後補啦..^ ^
經過呢次通宵令到自己唔夠訓而唔知醒..我真係好慚愧!
我發誓以後要做個守時既人!!

終於返完個暑期英文班啦>.<晒錢既..迫人返去都唔知做咩?
隻腳上個星期又拗柴..睇左醫生好好多..不過依家仲有D痛呀!!
要感謝阿媽無微不至既照顧..依次係第二次啦..佢陪我去睇醫生..等左好耐..
我真係唔知點報答你好..為有做個乖仔啦^ ^..仲有多謝我一班好友既慰問..
特別係S!U糖同賴皮^ ^近排三個半個個都好大壓力..
標哥派左去聖公會聖瑪利亞堂..好近鑫爺屋企..標哥係度祝你係新校一帆風順,發揚三個半精神!!
另外賴皮同喪恆都搵到野做啦...恭喜恭喜!!傻達近排就好似受到感情既困擾..
佢最後都講左..有勇氣係好既..我欣賞!!但可以慢慢黎!唔使咁急架嗎..感情呢D野唔急得架..
感情係要雙方慢慢陪養出黎的..我覺得..希望你唔好嬲佢地啦..原諒佢地啦..佢地都係一時講錯野姐!!
比次機會佢地好唔好?以上如果有D咩講得唔岩聽而得罪你地..希望你地能原諒我!!
突然間諗起黃桂華老師講過..如果想比返個美好既童年自己就最好唔好拍咁多拖!!
我覺得講得幾岩聽既..講返自己近排既野先..都係咁過.同三個半一齊玩..幾開心既...
日日都差唔多要教波..一個星期教五日乒乓球都幾係野架!!雖然係自己興趣..但都會累架嗎..
我又唔係真係牛..如果係幾好呢^ ^換來既雖然係賺多左錢..但係私人時間就少左..
可能呢D就係成功背後所付出既努力啦..不過想講既就係真係幾累架..日日搭車過港島..有時係車度訓埋添!!
點都好..我會keep it up,總好過浪費時間吧!!打打下依家係8月19號啦wor..
喪恆:Happy Birthday^ ^
Ps:你原諒佢地啦..比次機會佢地吧!