今日同琴日都返左去補考...都ok易!
希望下年讀好D,掙返下氣啦!!
近排日日打波,因為星期日就到比賽啦,所以要打多D..
打返出應有既水準,我對今次呢個比賽好重視,因為我要快D拎多D分升上甲組!!
所以呢我日日搵阿南哥出黎打波..我等住係八強對你架...有目標係好既!!
唉!不過琴日走左去換左塊新膠..唔係幾識應到..有D驚到時發揮唔出水準!!
不過我對自己好有信心,因為我有既係技術同較佳既心理質素..加油!!
放暑假有咩好?點解要放暑假?暑假好悶!或者我過得太唔充實!
我要係個暑假度充實下自己,有D想報數學班同英文班..補下d maths&english
但唔知邊間好?有無人想人齊補呀?
我覺得阿發真係幾好..真係一個值得珍惜既朋友..係佢身上你會學會珍惜自己
佢好識得利用時間,雖然覺得佢平時傻傻地咁..但佢其實係一個好醒既散仔發^^
                                                

放左幾日假咩都未做過,覺得好唔充實!
所以琴日去左做乒乓球裁判,嘩!!去到先知原來其他人全部都係讀緊教院!!
係佢地身上又學左好多野!佢地全隊教院乒乓球隊黎做裁判!!好搞笑^^
佢地個個都好nice,好易相處,又幾多野講!!所以一D都唔悶
琴日個比賽D小朋友真係好勁...打得好精彩!有一兩個我未必贏到!!
不過佢地咁細個就有咁既技術,背後一定負出好多!我好欣賞佢地!
因為佢地有D似我,比賽個陣真係好搏!!掂!我鍾意呢種咁拼搏既人!!
做到5點就走人啦!跟住佢比左$500我!都ok wor...幾好..
成日淨係座仲有冷氣,呢份工真係唔錯!多謝阿興既介紹!遲下請食飯!!
之後去左佐敦附近個間譚仔食米線..嘩!!好鬼大碗!有個仲諗住食過橋!!
哈哈...好彩我無叫辣,睇到佢地個個辣到個樣好搞笑!!
Ps:放棄啦李銘澤,唔好去諗啦!唔好再晒時間係D咁既野上啦!!

今日一早返左去聽個音樂佈道會..D歌都幾好聽!!
不過D人講D野就悶左少少..搞到我瞓覺!!
之後完左去左問盧Sir成績...好開心呀..有進步呀,比上一次好左..
雖然進步唔大,但都算係進步,我下年要盡力去讀書..
我既目標係要入讀中大體育系..所以我要加倍努力!!
不過有D野真係要提提既,高佬陳真係好狗,我記住你咁對我!!
我會以實力黎証明比你睇我係體育方面既成就!!
我下年一定會帶領信義係學屆乒乓球賽再創佳績,你.................
好想訂返件波衫,訂1號定係23號呢?兩個號碼都好有意思!!
大家比D意見啦!!唉!聽日南華又再戰永倫啦!!南華你要加油呀.....唔好輸呀!!
依家乒乓球已到最佳狀態,準備迎接排名賽!其實個賽果唔重要,最重要係享受!
輸左場比賽唔緊要,贏返個過程咪得lor...呢個就係我既比賽目標!
盧Sir今日講得岩,要有方向,要清楚自己既方向先岩..多謝你既提點!!
我依家既方向就係要比D心機去讀書!其次就係係體育方面再尋求突破!
Ps:陳Sir我記得你咁樣對我,你咁樣做人係咪路架..我知我無資格話你...
但我真係睇唔過眼你咁樣做體育老師lor..Fuck!!!!

哈哈!!真係好耐無打過日記啦,考完試依家係度等成績表......
今次考得好左...有d科目進步左,有d科目退步左...唉!不過我個人好樂觀既....
今次考得唔好唔代表會考考得差...今次個試唔代表D咩...係咪?
所以我會係中五努力讀書,講真架!我要做一個警察或者體育老師....
So我要讀好書先..希望你都可以同我一齊發奮,比D鼓勵我...^^
我發覺好多人都變左,變得無以前咁好..咁積極!唯一不變既係我對你係專一既!!
所以我覺得自己係一個好專一既人黎架!!沒打日記一排有好多事發生左...
講D好既野先啦...我同賴皮,柑,鑫爺參加左學校既三人籃球賽..結果拎左第一..
令好多人對我地刮目相看^^近排既乒乓球比賽我都棋開得勝!拎左個深水埗第三...
黎緊暑假有個排名賽...我要係呢個比賽度拎返D分...盡快升上甲組!!所以要練波啦!!
琴晚係我咁大個仔以來第一次練乒乓球..之前咁多年都係打一陣就計分..完全未練過波!
今次唔同左真係搵百幾個波黎練..練完之後發覺真係好有用..步法,球速,擊球點都好左好多...
唔練過真係唔知辛苦,平時幫班細路練就真係好輕鬆,但原來打落係好辛苦架!!
不過一分耕耘一分收穫,如果你真係有付出過努力一定會得到應得既回報!!
我發覺我地班有D人真係好鬼白痴低能!!玩埋D挑撥離間既野!又傷和氣..
希望你地以後唔好再做D咁白痴既野!!阿柑賓賓你地兩個唔好再為D小事而嘈啦...
有D咩唔岩講到講lor..其實呢D野順其自然咪得lor..我覺得係咁架..我都常日比你地咁玩..
但我唔會介意..但你地有冇諗過佢會唔會介意呢?我希望佢唔會介意啦..
我亦都希望你地以後唔好再係我地面前講埋D咁既野啦...仲細咩?
今日去元朗個有機農莊幾好玩..又學到野又見識到好多野..明白到做農夫係好辛苦既一個工作!!
之後上左河貝水塘行..個水塘真係幾靚!仲影左d相..下次post上黎比你地睇!!
Ps:細細舊生日快樂呀!!祝你一年靚過一年,唔好再高啦!!!

我好耐好耐冇打日記啦!
都係怪自己懶啦...-3-
今日好開心呀!
因為我同我既白痴隊友贏左波!
我進左2大球...
係咪好勁先?
最開心既就係聽到有個靚女唐金嬋幫我打氣!
真係特別精神!!哈哈.....
遅d仲要打決賽,,我要努力..

P.S:::嬋嬋真係好靚女!!!!