07年可以話係豐收既一年又可以話係遺憾既一年!!
係呢一年裹面帶比我好多快樂既回憶亦帶比我好多傷心既回憶!!
1月中四上學期考試,結果考得好差>.<
2月派成績表自己拎左張成績表同自己講下學期要努力!!
2月打全港乒乓球錦標賽32強止步
3月唔知邊個幫我參加左學校既三人籃球賽最終拎左冠軍
3月某日上中文堂個電話嚮比Miss收左
4月打籃球既時候嚴重拗柴入埋醫院
5月因某d事而遲左少少到恆生學界盃而被人棄權>.<
6月期考來臨,總算比上學期好.但十分不滿意
7月暑假來臨齊齊參觀河貝水塘
7月打排名賽結果歷史性第一次比賽第一場就輸波!!
8月同d同學仔去左石澳BBQ而第二日無返學校補課而鬧出大頭彿(8月3號)
9月開學第一眼見到個課室設備呆左
9月開始認真地去求學
10月班際籃球拎左冠軍
10月打乒乓球精英賽32強止步
11月同好多同學仔去踩單車..十分享往
11月學界乒乓球賽初賽首名出線
11月陸運會我地班成功衛冕男子4x100米同拎左積極參與獎冠軍
11月兩條油仔幫我報左歌唱比賽既組合好彩最後入左決賽
12月學界乒乓球賽決賽輸左
12月學校旅行十分悶
12月十分忙碌,歌唱比賽決賽雖然落敗但令到我班團結起來(阿柑拎左男子獨唱冠軍)
12月我地5C這盤散沙開始慢慢形聚
12月27個人係沙田打邊爐同倒數
展望08有新既驚喜同快樂
Ps:我覺得我地能夠係埋一班係一種緣份,我地應該去創造多d美好既回憶

今年聖誕聯歡會好好玩呀..不過我地玩左一陣就去左練歌..
恭喜阿柑拎左男獨唱冠軍!!我果然無睇錯人
雖然我地組合輸左..但我都好開心好開心..
第一次參加歌唱比賽可以入到決賽並唔容易..
見到台下為我地打氣既人..特別係5C班
我被你地感動到差d喊,完左歌唱比賽好多人去左canteen...
食蛋糕,影相,唱歌,仲有佢地真係令我覺得5C好團結好團結...
呢日發生既事我會畢生難忘!!
Ps:I Love U   5C

時間過得真係快,中五既運動會又完左啦!!不過今年既陸運會係咁多年最開心既一個!!
因為5C班既同學仔非常團結,佢地比到我一種動力去比賽,就算幾累都好...聽到佢地把聲,
睇到佢地個樣,非常之有動力,5C班既同學仔真係令我五體投地,十分佩服!佢地個個係運動場上
都表現得好出色,不時聽到有5C既同學仔拎獎,佢地真係好勁!到左最後頒獎既時候,全部人坐晒係跑道上..
我地5C就著晒件靚靚既班衫坐埋一齊,非常之團結,大家一齊分享成果,我地班仲成功衛冕班際4X100米..
要多謝5C既同學仔為我地打氣,傻達我無信錯你..你係得既!阿柑你好叻仔..你跑到好似識飛咁..勁!!
賓賓最後都無令大家失望,果然係100米亞軍,之後我地班仲拎埋最積極參與獎高級組冠軍..嘩!!!!
我地5C真係文武雙全...完左頒獎後大家留左係運動場上影相,依家諗返起都非常享往!!
夜晚好多人一齊去慶功,去食壽司.好開心..不過快樂既時間總過得特別快,食到九點半就各自回家!!
係呢刻獎項對我黎講再唔重要,重要既係5C同學仔既團結,5C團結起來真係無敵!
下年唔知可唔可以再同你地過一個咁開心既運動會,不過我肯定既就係唔會忘記你地每一個既面孔!
唔會忘記我地5C既一點一滴!

話咁快放左一大半個暑假啦...剩返幾個星期..
唉!時間過得真係好快..今年會考好多人都考得好好..
恭喜你地呀...下年到我地啦..好驚添,不過我會盡力架啦...
一定唔會好似今年咁考試先黎溫書!!不過下年中文同英文好可能會難d
依家日日都要返暑期英文班..個鬼死早起身返去補..不過學到野既..
識多d生字都好既..學多d skills都好既!依家好累呀我...
日日返學,之後又要教波,周圍走黎走去!真係好累..一個星期教六日波!!
我依家真係唔想教波啦..我覺得無咩私人時間..又唔可以常日同班fd玩!
今日難得日頭唔洗教波..咪約左佢地去打籃球lor..點知今日又掛八號風球..
真係掃興呀..之後同d fd行過去奧海打機..我同細佬係咁玩射籃球..我地都幾合拍..
可以拎到四百幾分..^^我依家有個目標啦..就係要入中大體育系!將來做一個警察或體育老師!!
不過我知唔係咁易可以做到...關鍵在於我自己點樣去用黎緊既時間..唔,我知架啦!
同埋係新學年我要為信義拎多次學界乒乓球冠軍....
Ps:未懂得欣賞我, 為你做何其多
          只忠於一個, 我不知上一生拖欠你麼
    未懂得捉摸你, 為你覺悟前非,可吞聲忍氣
          自尊心因愛你太深, 甘於放低自己
幾有意思,我鍾意!
有無人想去睇古巨基演唱會呀..一齊啦

琴日一朝就起左身..瞓左兩個鐘!!不過都夠精神既...
無辦法..日頭瞓得太多,夜晚瞓唔著..
個對手都OK既,不過我唔覺得好勁!但佢最後都出左線!!
我自己都唔知打緊咩?頭個兩局係到發夢咁!連輸兩局先黎識死!!
之後醒左啦...又比我連追返兩局,跟住打決勝局,我係呢局仲白痴!!
個人鬆左..一開始就比佢領先5:1,之後我叫左個暫停等自己諗下點打!!
之後追返唔少分數..但最後都係輸左..呢場比賽我輸咩?我都唔知..
要問返我D fd先知!!佢地話我少經驗,同埋即場既發揮!!
我D技術係對手之上,但就係輸比自己,吸收教訓!!下次打得好D!!
唉!阿大佬等我打完先黎到..都好既,睇唔到我輸波!!
我都好耐未試過第一場就輸啦..原來第一場輸既感覺真不好受!!
不過我要學會接受失敗,先會有進步,比賽唔係輸就係贏..乒乓球沒打和架!!
之後等埋我個fd打完先走!佢出左線呀!我地又book左場今晚打波!
之後行左陣又一城,過左奧海打機!打到七點又過深水埗打波!
夜晚打波唔知點解好有手感,稱霸全場!唉!!同今朝打完全兩個人!!
唉!仲諗住28號打覆賽等住你黎睇架嗎!!依家咩都無晒啦!
不過我好樂觀既!輸得起,放得低既!大把比賽等住我參加!!
Ps:靚女嬋&靚女韻sorry ar!!比唔到好消息你地!!壞消息就有:我輸左波啦>.<