點解隻game喺我就放完假先出？
點解…

我好中意呢個cover，
係用漫畫版nodame o既封面拼湊而成，
我連邊格對應邊一期都認得出！得掛…
基本上可以發覺到二之宮畫功o既變化，
仲有係好對應隻game o既主題，
好似話係用wiimote操作唔同o既樂器玩，
個cover實在太妙嘞。

出wii時已經知道nodame一定會出game，
用wiimote指揮，咁難得o既現成題材喎。
唔知有冇搵動畫啲配音，
有就好，我中意關智一。

睇trailer

不知為何對「恍惚」、「惘然」、「愴徨」等詞特別有感情，
可能它們實在太適合拿來形容自己。

回程時天已黑透，
昏黃色路燈不斷從兩旁掠過，
一片離愁別緒似的，只覺沉重。
明明還是黃昏，怎轉眼已一片黑？
人好像無時無刻都在失去，
成長難道就是習慣失去的過程？

每次見到黃色街燈都會想起Eternal Sunshine，
彷彿只要抬起頭都隱隱可見那片Charles上面的星幕。

考試進行中

2014
搞掂一半，
聽日仲有兩科，
先果八點零，
仲有成晚比我hae！…
預想到幾個鐘後就火燒後欄架嘞。

香港呢個時候應該補選已經點緊票，
呢排實在發生太多新聞，
孖田果單、泛民區議會大敗、選擇性檢控司徒華…
令我認真覺得香港民主而家正處存亡之秋。
見到民建聯o既所作所為，
諗返起葉太先冇耐前做過o既嘢，
到左今時今候竟然都仲可以同陳太爭一日長短…

我相信喺得香港生活過o既人，
內心都知道民主o既可貴架，
但學陶傑話齋，
中國人始終小農社會起家，奴性重，
真係好難抗拒中共呢個強權。
回歸十年，香港o既民主同法治已經不斷倒退緊，
講真有乜可能唔認為係中共做緊嘢吖，
但同時香港o既經濟已經漸漸愈來愈依賴大陸，
自由行、資金直通車、港深一體化…
拿人手軟，吃人嘴短，
等到香港冇左大陸唔得果時，想再講民主就太遲…
香港人呀，請叛逆一啲！唔好聽哂中共話嘞。