今日原先打算同小彤一齊溫書架, 點知我又要補英文wor

咁我都無計.......之後去左新屯中, 同阿女&阿仔一齊傾野, 傾左陣之後咪送佢地番歸囉.......

好攰架......

送佢地送到友愛果陣, 先到有一宗意外, 有兩個馬可賓既女學生, 坐左係路度, 我見到有少少玻璃碎wor

咁我就當係叫佢兩個等陣la

我就走上去睇下有無野可以幫到果兩個傷者la

初步見到既係, 一個女學生面部被割傷, 真係傷得好深, 左眼角對落3~4 cm 左右有一個長逹3cm 左右既傷痕, 血水不斷滲出, 約有0.5~1cm 深, 傷痕形成一個曲線; 另一個女學生傷既係左眼角對落, 明顯係輕微擦傷, 表皮只係甩左少少, 受傷位置只係少少紅左.

我馬上詢問發生咩事, 而對方只係話少少意外, 係唔小心.

我同佢地講, 不如我幫佢召救護車, 但佢地話唔好, 而且係唔召得......

咁我都無計la

當然, 一路問佢地既時候, 一路將我身上既物資拎出黎幫佢地la

成件事, 我攞左2片紗布同3片膠布俾佢地用, 佢地應該都係識first-aid 既人, 因為佢地不但可以好熟練咁用紗布, 仲好清楚咁了解膠布同紗布既特性........

佢地係我支援物資之後, 我再問佢地有無需要召白車, 但佢地再次重申係唔可以召車, 咁我可以幫既已經係咁多.....而阿女同阿仔又等緊我, 咁咪走囉.......

之後番到屋企, 咪開始我既工作囉, 好攰, 但好有意義

好想再有咁樣幫人既機會, 但又唔想有人再受傷wor

好矛盾ar

呢日發生過咩事呢?

唔多記得lu

只係記得, 我放學之後去左自修枱同豉油&王錦麟一齊溫書, 當然係自修枱溫書一定會見到楚燕la

佢呢日坐我對面, 之後同一路同王錦麟研究生殖作用既問題, 人通常一胎一個, 原因為咩呢?

答案有兩個可以擇, A. 卯巢每次只會釋出一粒卯子, B. 只有一條精子可以令卯子受精

兩個都岩既, 不過最正确既係........最後先講, 自己諗諗la

果陣大多數教師去左開會, 咁一定會有梅sir 同鄧sir 分la

所以無人可以答到我同王錦麟, 咪只好溫住其他先囉, 不過個心總係好似有d 唔自在, 溫唔到書咁, 唉.........

條咁既題目令我好似有d 野頂係個心咁, 一定要解決呢條問題先ar..........!!!

見阿sir 咁耐都未出黎, 咪走先囉, 不過條問題已經俾我記住左la!!!

PS:

係之後果日, 即係星期五, 我問過梅sir 佢話答案係A

今朝一起身, 仲好眼瞓, 不過都要番學架la

番到學校上英文堂果陣, 王錦麟又搞事la.......

好似係做緊數獨, 之後MISS LEE 去拍佢張枱, 佢就好串咁同MISS LEE 話: [ 我一定會阻止你架]

之後當然又係我呢個訓導老師召喚者去叫訓導老師上黎la......

不過黎生唔係度, 咪只好自己上番4樓上堂先囉.....

跟住過左幾個字, 黎生先到.......

叫左佢落去......

到左放學果陣, 我4點零到左禮堂, 因為我係今次死亡約會既攝影師......

一入到禮堂, d 人唔係行架, 係跑架, 幾趕ar

咩都未set 好.......

所以開場遲左1個幾字la

到演出果陣, 比原定時間又遲左d la

好多原先佢地估唔到既問題發生左, 令佢地手忙腳亂.......

之後佢地既演出都算係成功la

跟住我搞掂我果part 既工作之後, 我就走左去等張sir la

因為我d 野都係晒佢度, 點知我等佢好耐都唔出現, 原來佢仲係禮堂同戲劇學會既人開會做事後檢討囉......

搞到我等咁耐, 之後同吳子峯傾左一陣, 佢好似明左d 野, 咁咪走左囉.......

我就繼續等張sir, 等到佢得閒果陣, 佢先可以攞番d 野俾我......

搞到我悶左好耐......

之後就走lu.......

今日番到學校, 依舊去左買咖啡飲.........

依舊去到咩都唔駛講, 只係俾$就買到咖啡.......

之後就上課室......

上英文堂果陣, 王錦麟係度畫公仔, 之後俾MISS LEE 收, 佢居然唔俾wor

又唔收番埋佢, 跟住仲要好串咁話唔會俾MISS LEE 收.......

佢既原因居然係話:[ 根據香港法例同校規, MISS LEE 無權收佢既畫.......]

果陣真係好想打鑊佢......

當然, MISS LEE 叫我去搵訓導la........

叫得黎生上黎, 都會同佢傾番兩句, 傾左d 咩, 當然係某d 野la.....想知自己問我......

學校政策........唉.......

跟住就叫左王錦麟落去la.......

咁我就續繼上堂lu........

作文.....

之後, 就又風平浪靜咁到maths 堂.......

maths 堂對maths 之前d 答案.......

當然唔能夠逹標la.......

咪留堂做過囉.......maths 例牌留堂有我分既......

到左物理堂, 默書.......

錯一句抄5次, 即係我要抄55句........

上電腦堂果陣先知今日要係邊留, 之後就上番5樓, 當然係連埋書包ar 之類既行李la.......

做完d maths 好有信心今次可以有24分以上, 36題24題先合格ar ma

因為其實我之前先做過, 上次上堂果陣因為大意做錯幾題, 所以先唔合格......

好唔抵ar.......

今次一定合格架la.......

之後咪同游曉彤一齊溫左陣書囉, 跟住就走左lu........

因為今日上咩堂都有少少眼瞓, 特別係電腦堂, 瞓左1個字左右la.......

今日, 我上PE 堂就跑環邨.........第四次ar^^

9分48秒番, 比上次遲左6秒...........

退左步ar.........

到左放學果陣, 我係自修枱做pastpaper.........

之後小敏無lala 喊wor

果陣已經係近7點la

跟住就當然叫wsc 出黎同佢傾計la

之後may 又話佢本作業俾rain 留左係學校.............

咁當然又係搵wsc 幫手la

終於都攞到la^^

之後一路同人傾電話一路等may............

傾完之後may 就到la..........

俾完佢, 就同小敏傾計, 講完都9點囉........

咁就叫佢快d 番歸la

因為真係太夜la

走果陣, 佢好似有少少醒悟, 希望佢明la

不過佢終於都完全認左我做哥la^^

開心ar

不過都好攰.........

體力今日用得好盡ar...........