今晚就約咗一位舊老師在元朗食晚飯。

講起元朗，我都有成2個月都冇入過去......

今天收工後才去食晚飯，最慘今天輪到我收夜!!

不過就算收夜都唔係好夜，大約6:30pm左右la~~~

換着一至五，冇7:30後都唔駛收工!!

講番早上先，星期六都好多野派及重量都幾甘吓。

好彩大部份重件都係一幢大廈，之後就好做好多呢!!

食埋午餐後，主管突然叫我們做月測!! (公司每個月都要做一次)

淨係做月測我起碼冇咗15min，淨係查簿仔找答案都死啦~~~

大約做到差不多6時才收工 (連做月測)。

然後立即飛車去元朗.....最快都要45min才到!!

不過好彩都冇遲到，否則我一定死緊。

我的老師話想試吓大快活，試吓新出的咖喱雞餐呀~~

我試過都ok，得閒再去試多一次。

然後我們唔夠喉去埋B仔後才肯回家。

回到家時，都已經差不多12點半啦~~~~

好彩明天是放假呢，自己一定要睡耐d......

昨日下午掛3號波，搞到下午仲要返工.......

最慘還要淋雨，不過我好醒目識用雨傘保護自己。

我昨day就放下午四時，所以就好早走得la~~~~

記得臨放工時落得勁大雨，好像仲要已經掛咗黑球.......

不過我放工時就冇乜雨，連自已都覺得好彩!!

最近一星期都係忙到冇時間打blog，一至五只有兩小時半用電腦的時間.....

用得最多就只有星期六晚上及星期日。好慘~~~~

冇辦法啦，始終都係工作行先。

回到家時都累到七彩，真係想立即睡覺!!

但睇番NBA時，見到我的偶像 KG 的球隊入到季後賽真係好開心....

希望KG今年取到第一隻的冠軍指環，我是係的fans，唔好令我失望la~~~

波士頓塞爾特人，加油!!

唉.......昨天放完一天，現在又要返六天!!

有時都幾難預吓，不過冇辦法la~~~  

最慘出面樣樣都要加價，但自己都冇得選擇......

有時物價上升，升福都幾勁吓，出面食餐飯都加1-2元。

但公司又沒有叮叮，所以要焗住出面吃飯!!

相信短期內都未得到舒緩，唯有暫時預住先la~~~~

跟着最近都唔知點解放工前要開會，起碼又要遲走15min。

開完會後都差不多8:00pm，返到家都差不多要9:00pm!!

食完飯沖完涼就玩一陣電腦及打blog，現在又要睡覺的時候。

否則明天又唔知醒返工啦~~~~