唔經唔覺，我打blog已經1年。

估唔到轉眼間已經1年，時間真係好快過!!

仲有下星期就過年，我都知道幾時放新年假.....

由年卅十放到初六，都有成1星期放!!

唉.....到現在都未買衫過年，要年廿八才可以買。 (因為年廿八出糧)

不過唔緊要，仲有幾日就出糧。

可能我工作的關係，打blog的時間真係越來越少，有時回到家時真係想睡覺，

唔想做其他野加上天氣又凍呢，搞到第二朝唔想起床返工。

最近天氣都唔知乜事成日都咁凍，我一出街就凍到七彩......

返埋下星期就可以放新年假，好開心la~~~~~

年卅三十晚一定要出去行花市!!

我今朝都和平時一樣返大連排道，但上午我收到通知.....

話下午開始調去上葵涌(打磚坪街)工作，突然之間話調走!!

但都係好事，我想調去葵豐街工作，可惜冇位俾我落。

現在又要早15min起床，因為步行路程較遠。

我咪暫時做住先，希望可以做得好好la~~~~~

今天可以7:30pm收工啦~~  (以前要8時才可收工)

好彩下星期就過年，做埋下星期又可以放新年假la~~~~

我起碼有一星期冇打過blog，可能太忙的關係!!  (哈.......哈......)

實際上，我的工作都唔係好順利。最近都好番d啦~~

這個星期唔係工作就是睡覺。

終於到星期六了，夜晚可以食餐飽la~~~~

有個friend生曰，我在元朗一間酒樓打邊爐，仲要係自助式!!

我當然唔會客氣啦，叫咗幾碟肥牛......  (肥牛是打邊爐必有的食物!!)

不過又幾抵食啦，每人都唔駛過$100，我都食得好飽。  (仲可以連續兩小時食野，未停過!!)

埋單後，當然行吓要消化吓啦~~~~

不過，我在某間7仔見到在07年11月讀西餅課程的朋友，他在7仔做緊兼職......

唔知他見唔見到我呢?? 估他都見唔到我呀!!

行到咁上吓，又要回家去睡覺ar~~~  (因為我實在太累吧!!)

明天仲要出去探親戚!! 

我都要同我的friend講：生日快樂、日日都咁happy及找多d錢!!

(P.S. 我打咗blog都差不多有一年，在1月31日開始打，打吓打吓話咁快就一年啦~~~)