昨日去補領回鄉證,
肉赤死....$560, 冇預先影定id copy, 2張再收我$4, 合理的貴..

基本上都辦齊所有證件. 花費了我好多銀兩

------------------------------------------------------------------------
仲未去攞新ge 身份證.

--------------------------------------------------------------------------
今日去又一城溜冰,
cherry跌得勁囉. 手踭流血, 要麻煩場內的first aid 幫忙. 之後佢都冇再落場.

第一次見人戴頭盔溜冰. 仲要係一位阿伯. 討厭啊, 懶勁係度倒滑. 就因為佢咁樣.
好多人跌親. 當然有我份啦. 手掌於咗.

最唔想遇著唔講常理ge tenant. 根本提出ge 要求就係無理取閙.
一個憂鬱症ge 女人讓我火爆兼頭痕. 成日都話好大壓力.
呵呵...(苦笑)   我仲大壓力啊俾佢咁搞.幾驚佢去學張國榮...

workload前所未有的大. 五個人的工作 三個人分咗. 
枱頭ge 文件比我剛上黎個時仲要高出幾寸.

同icy 講親電話都呻''好辛苦啊''  已經俾佢攞黎做笑料,, 無奈哦...

------------------------------------------------------------------------
同ivy約咗幾次都要改期. 好似連見個面都好難咁. 希望黎緊個個唔使改.

 

個mp3 神神地啦開始, 開機自己暫停play, 要我禁多次play制,
閂機閂唔到, 每次開機都係同一首歌. 手動囉唯有...為我服務咗2年了,
身子似乎都唔多好啦已經. 諗落平時都唔算待佢差, 壽命又會咁短ge..

正因為佢唔識返去上次閂機的狀態, so 每次開機都由最大ge 音量開始play,
有時唔想特登去較多次, 就由得佢係咁聽, 勁, 每個字都好清楚聽得,
等你ge 注意力去曬聽歌個度, 個腦就可以唔使去思考. 幾乎停止.
每日收工都用音樂塞滿兩隻耳仔, 好舒服..呵

--------------------------------------------------------------------------
今日要收房, 直踩朝九晚九, 雖然可以補鐘,but still 辛苦架, 12 個鐘哦..
咁捱法咪好易殘?唔...要考慮下囉

之前收咗2間, 已經略有經驗, 一返去office 即call cleanser,security guard, fifter
10點去我個座大堂等侯. 準備定通告,相機...
呵呵, 之前收個兩間d 嘢都仲未搬走, 一於清曬當垃圾.俾我擺新ge ''棄物''

今日呢個鎖實在有點難開, 連肥師傅呢個開鎖專家都費咗唔少時間開鎖, 趁機同植生傾計.
呻下我有幾辛苦. 哈. 
阿韶個兩座樓俾咗我同阿ming 一人一座. 好彩係暫時啫.
佢又真係懶有同感咁'' 哦, 咁我咪好難先揾得到你'' 

係間房度大肆搜查, tenant明顯係走咗路啦, d 嘢執咗一袋二袋擺地下. 好似人地搬家咁.
一大za 女王頭像ge 銀仔, 後來數番$64.7  呵呵, 為咗呢袋銀仔同阿ming 數咗好耐啊.
浪費我地時間...仲要求租房cindy收留佢地添.

收房有時都幾好玩架, 收單身長者個d 單位仲好玩, 時不時可以揾到一d 唔值錢ge 古董.
都足以我同蕭生好奇一大餐, 今日執到個tenant ge 一本日記本.
呵呵, 本日記愛黎記低佢ge 風流史. 係一個cheap cheap 男人.

but 有時d 長者喜歡去執一d 人地唔要佢又當寶個d  東東番屋企. cleanser就真係多
得佢唔少囉.

-------------------------------------------------------------------------------------------------

明天又要收房, 又要直踩9 to 9. 命苦..


 

昨天阿韶last day, 誰不知佢竟然同個tenant 起沖突喔.
係入邊都聽到個tenant 大聲.......xx問侯. 成個office 都靜曬. 
last day 都唔使咁啊....

'' mary, 出去搞掂佢啦'' 點解係我啊, 做炮灰wor...
'' 你係女仔, 佢唔會點架'' ......
捉住crystal問清楚個tenant究竟做咩咁勞嘈,
哈? 退房?可以有咩問題?

退房需要14日ge時間通知房署, 個阿伯誤會咗個時間啫, 小事啦....
做番正常手續. 同佢簽文件當今日申請退房.
個阿伯都好好脾氣, 好合作啊, 實在唔知阿韶同佢之間發生咗咩事.
十分鐘唔使, 搞掂.  一額汗'

''我要個位主任同我道歉'''' 我要見鄭經理'' 
幾大都見咗我ge ''上司''阿paul先啦.

-------------------------------------------------------------------------
完咗又要蕭生去巡邨, 將成條邨ge banner 位置重新編次序同no. 
好熱啊, 雖然冇太陽但係都好熱.

蕭生淨係用把口點我做嘢, 做人下属真係堅難.

又到每月一次的audit, 話明俾咗paul 去跟, 點知都係要我同阿ben 臨時拉夫,
做到9點先走人, 想點...

好心佢做嘢快手d 啦, 拖低曬全世界ge 辦事效率,
同人地填份form 平均就要一個鐘,
(出邊門口CSA  阿cristal 同我地作ge 統計, 我同阿ming 收3份表, 佢地一個客都仲未搞掂.
同阿shiu兩個人鬥慢, 係咪傻架呢兩條友真係,,, 每日出邊都坐滿等見佢兩位ge租户.
成個office  已經充滿了對佢地兩位的不滿,d file 永遠做起唔擺番入file櫃度. 冇得幫佢清case.

今晚蕭生勁開心, 佢終於都等到阿shiu 递信啦, 成個office 都要燒炮仗, 卒之佢都頂唔順啦,
自動引退,, 太好了

------------------------------------------------------------------------------------------------
係啊, 阿華, 咁快就到期了咩? 記得去到08 年架, 畢業個時, 李sir ( year tutor) 問我地要唔要續期,
仲交咗相俾佢添.

我都仲係度張嘢, 係白色ge.

yeah! 考埋第2 科囉..
崩潰啦就黎, 一日之內夾硬將一大堆知識塞入腦袋裡, 係一種多麼痛苦ge 事..

今晚坐足3個小時, 就係為咗個考試,
監考個位唔知頭唔知路, 過咗7點先開考, 仲要俾我地問到佢口啞啞..

--------------------------------------------------------------------
望望份卷....  好似我溫個d 要下年先至會出喔, 標緊冷汗... d 所謂ge tips.
冇條中哦, 聽到坐我隔離ge 女仔一揭份卷就開始閙.
真係啊, 玩咩家下.. 
好彩冇信曬個d tips, otherwise, 家陣攬住枕頭喊都得了.

好, 吹曬成份卷,俾我合格50 分就已經謝天謝地囉.

幾時先可以知道結果呢. 話要寄去英國個邊改卷, 都唔知係真唔係啊.

-----------------------------------------------------------------------------
呵呵, 多謝你哦, 阿威,
希望黎緊個科可以 出我有溫個d 啦.

--------------------------------------------------------------------------------
ivy  等我考埋呢科先至約你出黎啊.
話時話, 我個智慧齒佢又唔會成日痛喔, 係唔知做乜, 好似個侏儒牙齒咁生唔大.

6月6號, 6月9號      兩科考試
全力開始出擊吧...  仲有大把未溫, ...好騰雞啊依家...

--------------------------------------------------------------
office 洗地毯同埋滅蟲. 將我地擺地下d 嘢全部搬上台. 即係叫我唔使做嘢啦.
又好, 早d 收工啦咁.

有進步啊, 收CHS 可以係10 分鐘就搞掂一單, 好開心....
( 以前啊,,,.... 有時30分鐘都未可以講'' 你走得架啦)

上年未畢業就開始出智慧齒, 成年咁多都仲袛係爆咗d d 出黎, 仲係一隻咁多哦

又會咁奇ge.

-----------------------------------------------------------------------
3個week 啦, file 一路持續增加, 昨天同今日拚命趕起了兩份的intake file.
每當聽到d 人話要咗所配ge 單位個時, 頭都大埋,
因為將會有一大籮筐 的問題接踵而至.  維修, 翻新啦再執啦..., 當正我地一定要聽佢講咁.

最開心就是聽到佢話呢樣唔好, 個樣又差, so唔要所配ge 單位,
good. 一take 過就可以啦, 拍機, 上leting , 搞掂..

----------------------------------------------------------------------
今日下午有個阿伯走黎話睇單位, 初初都唔想理佢, 過咗辦公時間囉已經. (雖然我仲當值中)

佢所分配ge係單身長者單位黎, 諗住勁易啦一定,5分鐘可以講''唔使客氣''
誰不知差不多花咗我十分鐘.
唔想同人share .   ......   ( 咁你又走去申請呢種單位...@@'')
想要高層d ge. .....  ( 車, 所有呢種宿舍都係喺低層, 唔係唔知哈哇)
我覺得呢度唔係咁適合我, 雖然我依家60幾歲, 但係我個心境仲好young...
(.....呃.....)

我年尾將會計劃結婚, 唔知可否要求大d ge 單位呢?

(雖然唔歧視老年人的戀愛, 但都係有d 意外)
終於可以出聲講嘢: 阿伯啊, 咁樣的話, 你就唔適合排係呢條line度, 因為我地lei 款
                          ge 單位係俾單身長者架, 係特快架......= 解釋一大輪

--------------------------------------------------------------------------------------

阿tim 都走埋, 真係得4 位pmo 啦..... 慘啦一定.
計落我竟然係做得最耐個位, 搞笑 d 哦.

工程部bw個邊剛走了阿george, 換了willson. 好啦, willson 昨天都resign埋....
以後我d 工程單揾邊個同我跟哦,,  真係貨如輪轉啊office.

曾生今日都過黎handover, 星期六再farewell佢,
''mary, 跟唔跟到啊d嘢?''
''笑得咁開心, 我知你心裡面其實憎到我死..'' 
哈...? 有呢d事我唔知ge?