我今朝去飲茶, 返黎就發現唔見 部電話
激死!!!

你要講你個手機號碼 俾我聽啦. 因為所有人的no.都唔見晒.

相信今日好多位的icq 都會彈出一個同上高一樣嘅message. 係我黎架各位!

雖然唔係咁滿意之前部機嘅 behaviour. 但係都仲未決定讓佢退休架嘛.可惡啊! 

阿哥話我因為見到佢換咗部貴嘢,所以潛意識開始嫌棄舊家伙. 冇可能啊真係!
其實我對mobile phone 的要求實在是非常之simple. 打到電話就得.其他多餘的
功能對我冇乜吸引力..

-----------------------------------------------------------------

得悉有個朋友因為胃出血入院, 呆咗. 唔係嘛. 我地呢個年紀喔...

-----------------------------------------------------------------

唔知自己有甚麼drawback, 同知道自己嘅drawback卻不採取任何行動去改善.
相比之下,好似後者仲衰d . 咪就係講緊我本人囉.

----------------------------------------------------------------

好奇怪,識得嘅人當中,11月份有好多人生日. 新曆11月19號生日嘅竟然有4個.
其中又有三個嘅舊曆生日又係同一日喔. 仲係同一年添. 而且三個其實各自并唔識得.

可以揾到個同自己同年同月同日生嘅人,不是一件容易的事情.真幸運佢地三個.
唔,應該係幸運的, 三個識著我. 呵呵...

三位都收到禮物,太好lu. but我都係有d懷疑d嘢食, 會否變晒樣. 呵呵...
阿堅話味道還過得去, 唔知有冇呃我.

唔,算你地啦, 一收到就即時講番俾我聽. 其實我都好開心, 因為做咗d嘢
可以令我d同學仔開心..

有d乜令我覺得煩啊? 私底下講你聽啦.tiff

----------------------------------------------------------
工作如何?生活如何? 唔知點講點形容俾你地添. 同返學好唔同嘅地方就是,
以前無論上堂,食飯, 總之由返學到放學我地都係一za 人一齊. e+好多時
都係得我一個人, 感覺so lonely.

想去行山啦, 想去踩單車啦, 想去旅行啦...唔想成日都得我一個人啊....
等我遲d安排下去邊度玩先得.

------------------------------------------------------------
每日早上我都會行得好hurry 去趕巴士,  因為依家轉天氣, 我呢d 鼻敏感嘅
人就最辛苦架啦.  流鼻水啦,打乞 tsi 啦,鼻塞啦, 係每日朝早必修嘅功課黎.

有一朝行到樓下. 正用紙巾安撫我那可憐嘅鼻哥,
一間鋪頭阿叔打趣說[包餛飩啊?]  呵呵.. 

e+又有禽流感. 會唔會嚇親d人呢if 我係街度打個乞 tsi..

今日竟然唔記得帶銀包!!!.  好彩,喺我仲未上到巴士之前發現到jar.
結果,咪返上樓攞 lor. 激死我啦... 因該慶幸的是我仲記得帶鎖匙.

朝頭早已經好涼, d風吹黎都要縮一縮. 有點唔想冬天來.....

感覺時間過得很快.  自己卻似乎什麼也沒有做過.. 
快要到冬天了, 但願屯門的冬天不會太冷 ,要知道,
落咗巴士,我還要走十分鐘才能到公司

now 白天的鐘數少咗, so好早就天黑了, 大概呢個
week 開始, 放工坐在巴士上高我竟然見到月亮!
唔知遲d 可否見到星星呢? 

-------------------------------------------------
又擺烏龍lu, 唔記得原來by air寄嘢去英國五日度就得..

冇錯, 我真係有花心思去諗送d 乜架. but為免大細超..
so 先買咗差不多的禮物三位同學仔...

包禮物其實係最考起我嘅一part黎, 包到張花紙皺曬都
仲係包唔掂, 由初初的糖衣形狀的, 改成四四方方的,
啊,總之點包都好似唔啱心水 . 最後就變成求其包成一
包算數 . 又嫌單調得滯............

搞好耐啊總之
-------------------------------------------------
人無遠慮,必有近憂 ........................唔, 啱嘅.
好多嘢煩, 近排.
不過, 遲下應該會好d. 俾d耐性, 俾d時間..

昨日開始屋企加多咗個位新成員----猫猫.  一隻剛出世不久的小
猫咪. 因為之前個隻離家出走已經差不多半年時間.所以養過隻..
好惡死 但係又好得意.    猶其對住我隻狗仔. 
呵呵, 竟然對我特登為佢ready的milk不理不睬!  有性格..

 
---------------------------------------------------------------

近排都揾緊 d parttime 課程.太多的選擇, 從何入手好呢?
我要盡快做出決定. 就要dadline lu.

-------------------------------------------------------------
今日, 由icy 口中得知, 佢剛傱科大civil畢業 的表弟亦放棄從事
civil field 的工作 ,而轉投其他行業.  個表弟上司原來更畢業於
港大civil.....

唔知點解,當我聽到個時, 即時覺得自己冇咁寂寞, 因為我e+
份工都係完全沾不到civil的邊邊 .  not my major totally.

--------------------------------------------------------------
為同學的christmas 禮物花了好些心機 , 買齊lu 終於. 希望寄出去個
時間可以配合到啦.早過christmas 冇所謂. 遲過就唔係咁好..

---------------------------------------------------------------
阿威, 唔明你講個190 係乜黎, 我有話過佢係好man一個?

impossible....
you must make some misunderstand.....

----------------------------------------------------------------

tiffany, 我地一樣都可以chat by yahoo message架.
唔,我有webcan啊 . 可以見到個樣大家. but 你地個邊網絡似乎唔
多穩定, 上次河馬用, 30 秒就han 咗lu. 

 

前幾日無端端收到個唔識ge人打黎.正常係叫我個姓+小姐.
佢竟然知道叫我阿鳳. 真係俾佢嚇親.
-----------------------------------------------------------------
阿威,你做ge好事啊. 點計先?
-----------------------------------------------------------------
今晚同班同學去bbq .真係唔好意思啦,完全都冇幫到手去買嘢.
由supermarket 買食物,水,炭 ,叉呢d 嘢行到燒烤場都幾遠架.
多謝各位同學仔啦.

不過,返去個時等部11k 等咗好耐.夜晚已經好涼 lu .

話說昨天早上去坐61x .上到車先發覺八達通冇曬錢.
個散銀袋又keep fit 過咗龍. 得個7蚊唔到.

點算呢....好樣衰啊,攞住張一百蚊紙係咁問人有冇得
唱散. 咁都唔算. 最衰係冇人有咁多散紙.

好彩,一位婆婆俾咗6蚊我,打救咗可憐ge我..
冇錯.呢個世界還是好人多的哦.

--------------------------------------------------------

今 朝我又見到個位婆婆.拿拿聲還番個6 蚊俾佢+ 連番多謝

前幾日收到封信. 由highway department 寄黎.
叫我31號 去in份工.

呵呵, 我都已經唔記得幾時apply過咁樣一份工. 依家攞封信出
來睇:post 係 contract technical officer(civil).

都傻ge. 梗係唔理你啦. 我份工都做咗成一個月囉就黎. 先叫
我去in.

-------------------------------------------------------------------

昨日同我隻狗仔沖涼.  可能佢都知自己污垢 多多啦.(成個月冇沖洗了 ) 
竟然好順攤咁一叫就肯俾我洗wor. 俾作平日啊, 不知要叫要閙又要嘢食
先可以呃到佢入去沖涼.

----------------------------------------------------------------------

唔,阿威啊. 你啱咗一半啦. 跟miss fung ge 係河馬.
係跟fluid sir架. clement lau .

''你仲好細個wor!'' 逢親有人來office ,d 人見到我差
 不多都要講呢句.  有幾細個啊?  少見多怪.....

-------------------------------------------------------

前排讀到一句 '' 說話時要慢, 思想時要快 '' .
一定唔係講我呢種人. 因為我係諗到mug 就講mug 的人.

當然, 說話謹慎,諗過先講就 可以避免講錯說話. 有時候一句
說話的殺傷力 係可以好大ge. 
希望我并未曾用說話傷害過人啦. 若然有,那肯定是無心之失 .

---------------------------------------------------------

阿華. 幾時揾到上黎架?  知你鐘意古巨基啦.
咁氣氛又係佢贏曬ge.
你話個風車啊. 冇錯,係大澳博物館度影架.
呢d 我鄉下都有啦.

--------------------------------------------------------------

答埋阿威先,費事又話我唔覆你啦.
冇啊,你講個d engineer都唔係that 範疇的東西黎.

唔,environmental? 都算ge. 若然你仲記得我 yr 2  fyp係做
aluminum recycle的話.

公司間大厦是一幢工業大厦好耐之前.  三部lift 就有三位阿叔
幫你按樓層.  初初好唔慣,依家唔使我出聲了已經. d 阿叔都認得我.
自動幫我禁咗. 非常之咁人工智能. 呵呵.....

---------------------------------------------------------------

10月12號

好嘢,今晚終於有得去聽leon 演唱會.我地個位望去個台度.

我地早咗成30min 入場,8:15 分開show ge原本.
點知佢8:45先開始.即係呆坐1 個鐘咁傻.  好彩有個伴啫.

坐我前面個位單丁到場.  仲要生到鬼死咁高.阻住我影相.

黎明d 歌我識得不多. icy 喜歡佢多d. 每首歌都聽過. but
唔熟.唔可以跟住唱.  

氣氛同我地班人上次睇古巨基 差好遠. d 人冷靜到啊. 依家
唔係去戲院睇戲wor.  一d 都唔投入架.

聽聞前兩場嘉賓有光良. 唉.如果今晚都有佢就perfect啦.
. 當黎明介紹另一位嘉賓個時. 就係光良. 全場歡呼. 包括我.
唱了一首童話.

 好嘢. 終於都有一首歌可以跟住唱曬囉.

-----------------------------------------------------------------------

搵日要帶部相機去返工.  唔係影 人.

返工放工都會行經汀九橋. 仲可以望到青馬大橋添. 好靚啊,到咗夜晚.

每次巴士行到o個個位. 我都唔捨得咪埋眼睏覺.我要影低.

---------------------------------------------------------------------------

上個星期日, 同friend 心血來潮, 走去大澳.

 當日的天氣非常不錯.除咗見到個度勁純樸的習俗.
(全部都打開大門, 屋裡邊都俾人睇曬啦. )好nice 的大澳人之外,
仲走去睇海豚.

好開心. 見到好多粉紅色的海豚.  船家的小孩都好可愛,同我地作講解.