原本安排咗11月尾考車牌, but 我11月尾要考試,
改期, 改咗1月尾先考, 咁就12月先開始學.
呵呵, 報咗至知我個間係傳聞中最yap 嘅一間之一.
how　come...

------------------------------------------------------------------
tiffany, 冇理由架, 你地應該係好忙好忙個隻先啱喔.
聽d frd 係咁同我講架噃..

--------------------------------------------------------------------
間唔中唔使趕住交tender 的時候, 就會跟住經理去site visit.
其實我地個site visit 好簡單, 係接到份tender 個時去望望個現場環境.
仲要聽則師解釋....  有時仲係則師派個代表黎就算. 有咩就問.

我邊知要問d 咩啊, 都係經理問, 我影相就得架啦.

-----------------------------------------------------------------------
21 號接tender, 24 號要交了喔. 唔係啊, 做死人咩.

他們年輕，他們樂意購物，他們暫不用供養父母，暫不用買房子，他們會把每月的薪水都花光，到月底，真是身無一文。這就是每到月底都銀包光光的一族。

今日正式返新工, 脫離咗呢D 專用名詞太耐,生疏感橫生...
連比例尺要點用都唔記得,

間公司主要TENDER D  中型的裝修工程來做.
好多材料的名稱要記住.
俾D 時間我..

-------------------------------------------------------------

勉強的感情, 連自己都不喜歡這樣,
放手吧.

今日last day, 已經要忙住整份outstanding list,
個阿太又係度哦呢樣哦個樣, 勁煩人.

扣埋之前個d time off補鐘,今日淨係返1個半鐘就得原本.
搞到成2點先走, 蝕曬.

從未見過我張台面有咁整齊過..平日都只會成個戰場咁.
再見了, 同我一齊奮鬥咗5個月的同事.
雖然阿ming走咗,raymond走埋, 蕭生走咗, 鄭生走咗.edmond上埋去安田...
but 仲有阿文,rachel,emily, 同埋識咗冇耐租房嘅師奶仔erica, fanny.
每一位都對我不錯.
仲有清潔科文陳生, 保安部各位同事, 其實全部都合作得很愉快.
希望未來個d 同事好似依家咁好相處.

--------------------------------------------------------------------------------------------
路飛佢地終於都衝出正義之門了.
梅利號奇蹟地捱到最後,
超感動, 佢同各位伙伴再見個下.

同wind一齊去尖沙咀睇背包, 唔覺太吸引.
況且我個個都仲可以用到幾次, 所以我唔買喇.

食得太飽啦. 個肚一直都係咁脹住.訓唔著哦.

比起一年前, 剛剛揾嘢做個時, 去親interview都好緊張,
又因為冇經驗, 揾親civil or non-civil 嘅job都會比人問長問短.

e+有一年enperience, 去揾 civil job, 已經唔再問埋d無聊嘢,
反而今次個d阿sir 都懶有信心咁話'' 我有信心可以train到你嘅''
唔係嘛.

咁我自己亦覺得同1年前已經唔同咗, 起碼已經唔滕雞先啦.

civil 真係命苦,why 係得佢先要返6日工架, 人地5日半都呻緊囉,
仲要淨係放勞工假喔,
計落我地個時薪咪''-----------'' ,

連續2日趕去interview, 連續2日著suit,
呢d都唔緊要,
but 連續2日都著個對尖頭皮鞋就超級辛苦.

唔明個d 女仔係點樣練就一身好本領,
因為我著住佢每一步都如同行刑.

琴日去大圍in,
by 小巴,藍田---觀塘(塞車),
by 巴士,觀塘-----沙田(喺車度訓覺), 訓訓下攪肚痛兼標冷汗, 好彩去到冇事咋.
by taxi, 沙田-----大圍, 都係遲到, 好彩個位阿sir 好人, 冇炸我型.


好啦, 明天可以鬆一鬆.

太detail 的traveling photos就有待多d時間個時先整啦.
.
day 1      18/8:
           4點hk 飛 上海, 2小時的航程,
           好開心食到一餐較為ok 嘅飛機餐.最令阿wind 興奮的是有 ''哈根達斯'' 的雪糕做甜品.
           好嘢啊佢, 一次食2盒.
           未book定hostel都仲未識驚, 有d覺得自己太過老定咗d.
           好彩都仲有一間yha 肯收留我地. 問曬上海6間青年旅館竟然得一間仲有床位. 誇張到啊.
           去到下槢的樂途青旅已是晚上接近11點了.
           去得咁夜ge 原因:   1.   周圍望下, 我第一個印象:好似冇乜特別哦上海.
                                      2.   10點入到去地鐵站想試下上海地鐵的感覺.係自動賣票機度買飛.
                                            上到地站台 先知道我地要坐個條線9點30分last 一班開走咗..
                                             激氣啊. 
          我地最後都係冇打的去旅館, 同人迫巴士. 係真係迫...超迫仲係.


  Day 2  19/8.
           之前喺飛機度已經傾咗大約ge 路線. 決定由上海出發-->蘇州-->杭州-->上海-->hk
           問過旅館d 人知道可以點去蘇州, 
           老羅(個工作人員)留住羊咩鬚. 問咩答咩, 非常nice.
           仲有個姐姐, 應該係高層過老羅ge, 都係一樣好人,

           問咗點去坐火車, 出咗門口之後都係行錯方向, 由原本ge 曹陽路站去咗金沙灣站.
           不過, 都係可以去到火車站就係啦.
 
           坐2個鐘度ge 火車就已經去到蘇州, $22.
           呢款新式的火車我好鐘意, 座位闊d, 仲有張可以打開拉起的板, 寫嘢食嘢訓覺都可以.
          同飛機的設計好相似.  唔錯.

           一落火車的感覺, 令我同阿wind 都諗番起第一次去桂林個時..
          想去拙政園.. 絲綢博物館.. 怡園..  仲有好多其他地方
          嘿, 有巴士去博物館, 上去先知我地坐錯方向again..
          冇問題, 行錯路咪番轉頭.
          
          沿路一直都有指示牌寫住''拙政園''方向, 落咗車卻又揾唔到我地要去個間'博物館'
          仲要問親人都話未聽過...??  一頭霧水
          求其捉個三輪車夫問下路.(原來個間博物館不對外開放)
          結果個位阿叔變咗我地喺蘇州ge 導遊加三輪車'司機'
          $50帶我們2個穿梭蘇州城內的大街,小巷當然就未可以去到啦, 得個一個下午時間.

          絲綢博物館俾我地死纏爛打咁終於有2張學生票入場.
          入邊真係有人即時紡紗, 有織布機, 仲有真係郁郁下ge ()蟲, 即係吐絲個d,
          仲有d 桑樹林, 提供桑葉俾蟲蟲食.
          現場有專賣絲綢成品ge 商店, 真係幾靚同幾貴..
          猶其是個種絲綢做成的被套, 訓上去一定唔發惡夢

          喺盤山公園遇到4個年青的朋友, 我地做咗幾小時的旅伴.
          同佢地傾下計都唔錯,其中一個雖然個樣仲好young, 講說話卻好老積,
          臨走佢知道我地未揾到地方落腳, 話要介紹酒店俾我地. 
          不過, 我地已經book咗青旅, 多謝先..

          等我好好記起蘇州間青旅係點先..
          book旅館個時, wind 無意強調我地有2個女仔,袛不過想book 2個床位啫,
          佢地就以為我地2個一定要住全女房的床位. 
          結果得到初步的答覆是冇位. 咁我地唯有要求臨時加床位,希望到時有人退房or 臨時黎唔到.
          去到旅館佢地忙碌到唔得閑理我地, 因為有個肥鬼婆唔滿意佢原本book定的2人房變咗4人房, 
          嬲到塊面都紅曬...唉, 做乜要咁呢, 出門旅行最唔鐘意d 人嫌三嫌四.
       
          好不容易終於都可以同我地check in . 原來唔係冇位, 淨係全女房full咗啫, 混住房仲有位.
          好囉, 唔使訓加床, 鬆口氣.
          我地根本都唔care, 第一次住桂林個間已經係混住形式, 我仲以為全部都係咁添.

         間青年旅館最具特色的是佢d樓梯, 任我地盡情咁寫嘢, 係完全冇粗口架見到有hku 人嘅留言,
         有日本人留言, 韓國人留言, 當然仲有好多國內個d自游人留言, .

         遺憾在冇影低個樓梯. 
        
         個晚我地去咗蘇州城內最旺的夜街--觀前街. by bus.
         初初計劃要食盡街頭美食, 無奈個肚就係裝得咁多, 再食已經=想嘔. 望下好啦美食.

         我地眼中袛有美食, 其他服飾店, 絲綢店個d 一律都吸引唔到我地眼球
         10點囉, 係陌生地方不要逗留得太夜, 為安全著想.by taxt $10.

         番到去又再認識到新朋友仔, 一位來自廣東的男仔, 一位來自美國, 現正在北京讀大學的鬼仔, 好靚仔.
         佢地教曉我地玩篤波, 桌球. 
         
         借咗廣東男仔的nokia叉電器.前一晚已發覺自己帶漏咗佢, 好彩啫.否則都唔知點好.


Day ３　20/8

         初時諗住飛過周莊直接去烏鎮. 因為D書同埋去過的人都話個度商業味道太重, 唔值得一去.
         個廣東男仔卻又好想有人結伴去周莊, 係咁游說我地一齊, 加上阿WIND都有D想去,
         覺得佢咁有名氣一定冇咁簡單.
         好啦咁一齊去囉. 仲一齊食埋個蘇州早餐添, 點咗個餛飩.
         不自覺地同昨晚的晚餐其中一個' 煎餛飩''比較, 唔....   
         都係昨天個間好味d.

         去周莊ge 專線車上發生了一段小插曲: d 同胞唔跟張飛上的no. 去座,揀自己鐘意坐邊就
         坐邊, 過道2邊都俾人坐曬, 剩低裡邊ge 1 人位, 唔通我同wind要分開坐啊?...
         好彩廣東男仔夠勇, 叫d 人要跟番自己張飛去坐, 初初d 人唔理佢, 話後邊大把位, 使乜係要跟
         飛咁坐....(過程中直投好似閙交咁款)
         最後都要部車的司機大佬出到聲, d 人先至肯坐番自己個位去.
        
         多謝曬啊 , 原來旅程中有個男仔係幾唔同架.若果當時得我同wind 兩個人, 我就唔會直接同班
         唔講理ge 人講, 我會直接同個司機投訴囉.

       -----------------------------------------------------------------------------------------------------
         (距離旅行番黎3個月之後再繼續寫埋的呢份旅行記載. 記得有多少=random)

        周莊, 名氣真是夠嚮, 人頭湧湧, 村口望去普通得很, 簡直就同一般的鄉村冇分別,有魚船, 有小狗.
         除了村口的收費站. 極不情願地俾咗100 大元. 因為沒有一丁點兒想入去游覽一番的衝動.
        個d 人愛理不理你的態度先係最反感. 一問三不理.

        擺明了就是這種服務態度, 不喜歡你走. 這句話就寫在他們臉上. 俾錢人賺, 睇佢面色. 我地真變態.

       周莊出名是因為古時有個好識賺錢嘅 , 沈萬三, 傳說話佢有個聚寶盆. 

         


---------------------------------------------------------------------------------------------------------------------------
Day 4:         

      


         
        

上海, 我星期五就可以同你見面啦..

今次的行程是一個week. 24/8返黎. 都算ok嘅.

最煩的人+俾最多嘢我做的人+最肯教我嘢-------蕭生
最多嘢做+最想轉工-------------mary(都唔why所有嘢都要話關我事)
最多講粗口+被我閙我最多+最為食+ 最鐘意蝦我+第二想轉工---------ming
最唔出聲-------------------edmond
最多嘢講+ 學嘢又最醒--------- raymond
最唔似pmo 的------------------------文
目前最閑的----------------------sem( 替鄭生個位)
永遠都係最得閑個個----------------emily