冇咩野做

今日冇咩野做呀~而家打下日記啦~嗯...今日icq識左個台灣人~個樣有d似jerry呀~同佢傾左一陣啦~

今日都冇睇小說tim=口=掛住上壇傾計呀~今日同呀邊個icq呀~我問佢做咩電話比人停左~佢話不嬲3個月交一次電話費囉=口=~跟住問我做咩係咪掛住佢喎~我否認左呢>v<kaka~跟住佢又話我癲婆喎~我都話左我好返啦ma~真係呀~仲話我笨~我話佢先笨~佢話佢不嬲都笨~唔係點會鍾意笨人喎~而家咩意思=口=

今日妹子佢send左其中幾張goods的相我睇~好令呀~果幾張相我諗除左鞋帶之外都應該會買晒>v<唔知買goods會洗幾多錢呢~

琴晚老豆返黎收左匯豐隻蛋啦~果隻咁o既野壞左要100蚊囉=口=我仲未過數比阿妹~一陣登記左隻蛋先~

好懶呀我=口=

係喔~我好懶呢~因為我幾日都冇打日記啦=口=~冇計啦~因為最近追緊套小說呀~冇咩時間打ma~我都仲未睇完呀~打左日記先睇~可能今日都唔睇啦~上壇玩算lu~我睇緊咩小說呀~當然係我最愛o既愛情小說啦>v<!個名叫<<期待的是..舊朋友??新戀人?? >>好正架>v<~係網上面d人自己寫架~男主角就係我最愛o既keita呢~雖然女主角唔係我~但係都唔錯架~

唔知點解~最近係咁聽無賴同可惜他有女朋友呢~唔通有d野要發生@_@?可能係啦~琴晚原本想搵ling陪我打比佢架~但係ling又一早訓呀~我又唔知做咩唔敢打比佢o既=口=跟住ling今日就同我講打比佢都冇用啦~佢個電話停止左服務~跟住我都試過打比佢呀~真係比人停=口=唔知佢係咪避我要玩失蹤呢?但係我覺得佢冇錢交電話費多d呢=口=唔知幾時先搵得返佢呢>口<!

琴日呀~冇啦啦有個政府o既人打黎話星期五上黎做家訪呀~係關於我細細佬申請學費資助果d~之前我地申請咁多次都冇事架~今次咁好彩囉~跟住我細細佬同我老豆同阿媽講啦~我老豆就好多野諗呀~好驚呀~希望佢今日唔好咁驚啦~事情黎左~就要面對架啦~

跟住琴晚呀~我的令令四姨打黎話未必8月攞到假呀>口<唔制呀~一定要批比佢呀~佢諗到去邊啦~佢話去浮羅交怡喎~ling話果度好令呀~搞到我好想去>v<姨姨話要大約四千一個人啦~跟住我同我老豆講啦~我老豆話<喔!唔緊要呀~我預左五千一個人架啦!>咁呀@_@果一刻覺得佢好豪呢>v<!

等到啦

今日下午終於都播左w-inds.放送會o既報導啦~但係佢cut左訪問我果度呀=口=可能太嘈錄唔到音架~因為同一條問題佢都問左我好多次~算~播唔播都冇關係啦~都有個鏡頭映到我呀xppp~我上鏡我覺得幾q呀~傻下傻下咁坐係度>v<kaka~

今日好鬼熱呀~死啦~最近好多戲想睇tim~而家睇左頭文字D~而家好想睇龍咁威2同埋果套卡通片好似叫慌失失奇兵~琴晚租左隻見鬼10返黎睇~都唔好睇o既=口=一d都唔覺得佢恐怖囉~仲有d幾搞笑tim~今晚又有得睇木村啦~上個禮拜冇得睇~唔知今晚講咩呢~好想快d睇呀>v<!

哼~我而家諗返琴日睇到果d野仲好嬲呀~可惡~頭先直頭發左癲咁係度嗌呀~我細細佬仲話我癲左-口-!

頭先又睇完小q呀~睇到我喊呀>口<嗚嗚.....

我返黎啦>v<

我返黎啦>v<兩日冇寫日記呀~係呀為左琴日o既w-inds.個ageha video concert~前日去左我妹子度訓呀ma~跟住琴日一早七點幾去排隊啦~我地排第二呀~我地有8個人呀~一直排排排...係度恰下眼訓~因為前一晚4點幾先訓=口=玩下啤牌呀~傾下計呀咁~識左好多w-inds.的fans呀>v<食飯都係食飯盒呢~食左叉燒飯~排到3點幾有得入去啦~我地排第二梗係有頭位企啦~入到去係企架~不過都好彩d實q對我好好~比張櫈我坐呀~一路等緊開始果陣~d fans周不時就係咁係度好齊心咁嗌呀~係度warm up緊自己~跟住到差唔多開始果陣呢~見到有線個娛樂新聞台係度訪問緊一班fans呀~咁我都冇咩點理佢o既~因為真係好期待個show快d開始呀~點知呢個時候佢就走左過黎訪問我喎~問左我幾句野囉~我都係求其咁答左佢幾句囉~因為現場實在太熱鬧啦~講唔夠兩三個字d fans又嗌過啦>v<咁答左佢就算啦~個show就開始啦~鄭家輝做主持呀~今次仲請左w-inds.個總公司o既經理人黎領獎呀~佢仲承諾會盡量安排w-inds.黎香港同埋佢都同w-inds.傾過~話w-inds.佢地三個自己都好想黎香港呀~希望佢地快d黎啦>v<個show仲有播返佢地d pv囉~雖然我全部睇過~但係咁多人一齊睇~一齊跟住唱~個feel真係好正呀>v<仲有跳舞比賽啦~贏左有w-inds.日本夏日巡會演唱會o既門票tim呀~我地有個fd上左去比賽呀~佢入到去決賽~點知輸左比個男仔~佢都有三份禮物呀~佢落返黎果陣喊呀~我事後問阿妹~佢都有飛去睇啦~做咩要喊~佢話我唔會明~仲話公司送o既飛多數都係好位黎~同埋佢話佢唔係好多錢~佢阿媽又唔係比好多錢佢~冇可能場場都睇到好位喎~咁可能真係我唔明掛~個show仲播左佢地未出過街o既片段~仲有抽獎呀~有好多禮物~包括兩張演唱會飛呀~即係琴日送出左四張飛呀~不過都冇我份>口<!

睇完之後返屋企呀~好攰好眼訓~係巴士度訓左一陣~跟住諗住琴晚打日記~但係真係頂唔順去左訓呀~一撻上床就訓著左啦~訓到今日2點幾3點啦~個人散晒~d手手腳腳好痛~好似唔係自己咁呀~個人好攰~捱眼訓又咁早起身去排隊~都係為左睇w-inds.咋~最衰keita呢>v<不過我覺得都值得o既~令到我又愛又恨呢>v<當對腳再痛果陣~諗返琴日開心o既野~就會唔記得痛啦~我都唔知點解自己會咁鍾意佢地架~以為leo係我最癲果個啦~點知呢個仲勁呀~其實錫佢地o既fans多我一個唔多~少我一個唔少啦~我覺得我自己都未夠錫佢~係未來o既日子我一定要更加錫佢地~希望我做得到啦~呢個係我對自己o既承諾!

琴晚ling話佢發夢見到juno喎~話佢同阿yan係佢面前錫錫tim=口=唔怕啦~你講左出黎唔會靈架啦~呵~我上次發夢見到keita果個~我為左我未來o既幸福~我都冇同任何一個人講架>v<只係得我知道~kaka~

可惡呀~阿雞佢居然拎w-inds.隻新牒飛落街喎~哼~唔想同佢講野呀~>口<唉...睇到d咁o既野冇晒心情呀....

後日>v<!

琴晚唔知做咩腳痛呀~訓得唔好又失眠啦~今日冇去做物理治療呀~約左星期二再做呀=口=!

今日我睇埋w-inds.第三個演唱會啦>v<!!好正呀~好睇過之前兩個~我睇第二個果陣都覺得好過第一個啦~果然有進步喔~繼續加油>v<!但係睇佢d花絮呢~見到涼平病左帶口罩跟住到慶太帶啦~
咁唔錫身>口<!今年唔可以再病啦~唔好要我擔心呀~我會心痛架/口\!

睇完個花絮原來慶太真係好鍾意小朋友呀~佢地搭火車去第度果陣~係火車度見到兩個小朋友呀~慶太同佢地玩又畫畫呀~落車又幫佢地執野呀~真係好似佢地阿爸咁呀~佢一定會係個好爸爸黎>v<!

yeahyeah!後日就係w-inds.放送會o既大日子啦~聽日去妹子度過一晚夜~跟住第日我地唔知會幾點去呢~好期待呢....>v<7月1號快d到啦~雖然改左係室內搞呀~但係我都希望個天唔好落雨啦>v<!