| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
| 2005 年 6 月 28 日 星期二 |
 | |
|
無聊的一天 |
|
今日下午睇左w-inds.的第2個演唱會呀~好正呀>v<正過第一個呀~聽日睇埋第3個佢>v<!跟住無聊冇咩野做呀~係同我細細佬同佢同學打左陣牌囉~輸左啦=口=輸左十幾蚊啦~
頭先ling 腥佢新識條仔張相我睇呀~話好唔xyz掂呀~好樣衰~真係好頂唔順=口=我要叫ling唔好再搵佢tim呀~唔係我會睇唔起佢呀~同d咁o既人一齊~
聽日要早起去做物理治療呀~跟住後日又去妹子度呀~再後後日就係w-inds.的放送會啦>v<好開心呀~就到啦~果日千祈唔好落雨呀~但係好似話改左室內~唔知係咪呢~係就好啦~唔洗咁熱呀~
|
| 刊登時間︰2005-06-28 08:54 PM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 6 月 27 日 星期一 |
| |
|
好開心呀xppp |
|
好開心呢~今日出左mk睇頭文字D呀~我覺得好好睇呀~jay好鬼可愛呀~余文樂又好型喎>口<好正呀!!不過我覺得jay好慘呀~個女朋友咁對佢~不過佢地拍緊拖果陣好sweetsweet呀>v<正!跟住去左信和買妹子買牒同埋買左w-inds.3隻o既演唱會呀~返到黎睇左第一個演唱會啦~好正呢>口<!買完牒就走左去唱k lunch~唱到4點呀~原本唱到2點幾但係我地賴死唔走~佢cut左歌先走=口=!唱完諗住去搵果個人啦~但係佢居然對我視而不見喎.\/.可惡!嬲死佢呀>口<哼哼哼!咁我地咪行左陣兆萬就搭車走lu~唔知做咩鬼呢~今日見到果個人有好唔同o既feel呀~唔通我觸左電@_@?如果係咁點算呀>口<?
我今日洗左好多錢呢~係洗到冇晒錢=口=連想夾糖糖都冇錢呀>口<我都未試過洗咁多錢架>口<!要吹妹子快d還錢呢~我要換電話呀!!
我要用呢兩日煲晒w-inds.的演唱會呢~因為太正啦>口<!7月1日又出街街啦~正確d講前一日要出啦~去妹子度過一晚夜呀~嘿~好掛住keita呀>v<!
|
| 刊登時間︰2005-06-27 08:25 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 6 月 26 日 星期日 |
 | |
|
琴晚好唔開心... |
|
今日我都唔知係用陰呀定晴好啦~因為佢落大雨~但係又有太陽喎~仲要好好太陽果隻=口=幾得意呀~
唉...琴晚老豆都唔知做咩事~件事就咁o既~咁我細細佬就原本約左我舅父剪髮o既~但係佢就唔知醒~咁阿媽就有打過返黎叫我叫佢起身~但係我果陣又訓緊教~同埋我細佬又set左鬧鐘~又叫左工人叫佢起身~咁我咪以為佢出左去咪冇去叫佢囉~咁佢返到黎已經問我細佬做咩唔出去啦~我細佬話唔知醒~佢又話佢存心唔出去~大佬呀~諗都諗到我細細佬冇呢個膽去放我舅父飛機啦~佢太主觀啦~咁又話我唔o岩~咁我咪認囉~我懶囉~好喇~就發脾氣熄左個電視~走去沖涼~出到黎開飯啦~一直都冇出聲o既~跟住佢就同我阿媽講話聽晚(即今晚)唔返黎食飯~咁我阿媽好正常咁問佢一句點解啦~佢就話我地唔想佢返黎食飯~咁我咪出聲囉~我咪話冇人咁講過啵~佢話佢feel到~又係主觀!咁咪嘈囉~都唔算嘈o既講道理囉~講講下自己又眼淺咪喊囉~佢又話feel唔到我地知錯~問佢點先feel到~佢話放長雙眼睇囉咁~咁即係點?!話我唔知~叫我自己去諗~佢又話我地唔明佢~叫佢講~又唔講~唔講又點明呢?即係冇計傾啦~咁我咪返入房鎖埋度門囉~入到房喊得仲勁呀~我諗住佢今晚返黎我都唔會出聲囉~跟本就係好小事~但係我唔知點解佢要咁囉~!!
係房度喊~我只係知道自己喊晒出黎啦~跟住同我妹子~我阿姨同ling傾左陣電話~跟住去沖涼~沖完心情就好d啦~點知我望住keita個樣又好想喊出黎~流左一兩滴啦~跟住就同自己講夠啦~唔好喊啦~跟住我出左廳同我細佬傾左陣計囉~跟住就訓左啦~
今晚都要早d訓呀~聽日出mk睇戲+唱k+買w-inds.~都唔知夠唔夠錢洗tim=口=!
|
| 刊登時間︰2005-06-26 07:26 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 6 月 25 日 星期六 |
| |
|
太陽伯伯出來了 |
|
落左咁多日雨~今日終於陽光普照啦~好耐都冇見過太陽伯伯啦>v<今日我見佢冇落雨~我都落左街配con啦~差唔多學左兩個鐘=口=係除果陣冇咁熟手囉~而家仲帶緊呀~呵
唔知做咩呢~呢兩晚都失眠~上左床訓唔著呀~聽歌又唔得~就係咁呢兩晚都有聽收音機~聽返好多舊歌~好多都好有feel呀~由其係明知故犯呢~誰也知夜夜與她那內情~可惜我瞎了眼睛~呢兩句真係令我諗返之前o既我~唉~算啦...
今日睇到d好爆笑o既野~又有人自認自己係敬多的老婆~仲話同慶太老婆行街買送xppp~我完全覺得係同一個人黎~佢真係有妄想證~笑死我~
星期四夜晚o既無間音樂同今日下午o既音樂潮@giv都有w-inds.呀>v<tvb送出黎果塊ageha的宣傳版好令呀~等我星期一出去睇下有冇得買先>3<!
7月1日黎啦~唔好落雨呀>口<一定要好似今日咁呀~!!!
|
| 刊登時間︰2005-06-25 08:07 PM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 6 月 24 日 星期五 |
 | |
|
今日紅雨呀~ |
|
琴日掛住整個日記板板~都唔得閒打日記呢~個日記係咪令左好多呢~keita做背景呀>v<我好鍾意呀~你地覺得點呢?
今日紅雨呀~冇出街啦~不過係咪都唔會出~因為原來我誤會左ling的意思=口=以為今日去睇戲~點知佢係話今日出leo dvd~而家如無意外的話就星期一呀~希望唔好落雨呢~!
星期五就係啦~放送會o既日子到啦~果日唔可以落雨架~唔該你呀~我會好感謝你架>口<~要快d到果日呀~!
keita就係我愛人呢>v<~
|
| 刊登時間︰2005-06-24 07:56 PM [ 訪客留言(1) ] [ 編輯日誌 ] [ 分享至FACEBOOK ] |
« | 260 | 261 | 262 | 263 | 264 | 265 | 266 | 267 | 268 | 269 | ... | 273 | »
|
