又落雨~

頭文字D聽日上畫啦~星期五可能去唱埋k tim呀~唔知kitty得唔得呢~星期五唔該唔好落雨呢=3=我唔想出街落雨呀>口<!

今日果個人都有打黎呀~但係就冇好似咁日咁亂咁講拜拜呢>v<呢d教訓了嗎~呵呵呵~

太好啦~出左新一期junon啦~但係都唔係佢地o既近照黎o既~keita同龍一都未剪頭髮呀>口<不過都好過冇得睇啦~呵^0^掛死人啦>口<!

呵欠~

呵欠~我而家好想訓~今朝神咁早就要去做物理治療呢~今日又落雨啦~我今朝去做物理治療~去果陣落緊~做完走啦佢都仲落緊=口=可惡!

哎呀~今日我個肚仔仲痛緊呀~又痾左幾次啦~仲好似痛得多左同痛過琴日呀~阿媽話仲要飲多濟涼茶呀~如果飲完仲係咁去睇西醫好過啦~我到今日呢...都係唔知自己食錯咩囉=口=唉!

o岩o岩有個人打黎話係上水呀~問我食唔食雪糕~我同佢講話我肚痛唔食得呢=口=~我到而家都唔知信唔信佢講o既野好呀~如果係真咁我又可以點啵~唉...佢頭先話拜拜架ma~咁我咪話拜拜囉~佢又唔收線喎~拜左幾次啦~咁我咪收左佢線囉=口=呵~係咪好衰=_=?但係係佢話拜拜先架ma>_<!

係啵~我琴日都唔記得打我星期日果日終於買到w-inds.隻港版啦>v<!!!仲要係last一隻呀~好開心呀~好想快d都7月1日呀~我仲諗緊前一晚去唔去妹子度訓好呀~都唔知點好=口=不過都有80%去佢度過一晚夜呢~快d到7月1日啦~因為我好掛住keita呢>v<!!!!

如果痴痴的等某日
終於可等到一生中最愛
誰介意你我這段情
每每碰上了意外不清楚未來
何曾願意  我心中所愛
每天要孤單看海

哎呀呀=口=~~

唉~琴晚唔知做咩肚痾呀~諗住冷親冇咩野啦~因為個肚又唔痛呀~跟住琴晚訓教個肚仔就開始痛啦>口<嗚...佢又唔係好痛o既~係時痛時唔痛咁~都仲訓得到o既~點知今朝一起身又痾過啦~跟住都未諗住睇e生住o既~但係坐坐下個肚又痛啦~咪打比阿媽求救囉~佢話可能係我腸胃敏感喎~話如果再痾就落去睇e生~而家佢又話可能有d濕熱~返黎煲涼茶我飲啵~我到而家都唔知自己食錯d咩呀=口=!

琴晚套冰之驕子好正呀>v<好好睇~一定要追落去呀~琴晚講到木村同結子有左關係啦~跟住木村同結子講我愛你呀~好正>v<!下星期日9:30pm記住睇啦~

最近又冇咩keita o既消息啦~好掛住你tim~我知你而家忙住為你地黎緊o既演唱會彩排呢~唔理你地知唔知都好啦~記住要小心身體呀~唔好捱病呀~知道冇呀>v<!

如真...如假...?

琴晚同個人講電話~講左粒幾鐘呢=口=佢話我唔訓佢唔訓喎~我到呢家都唔知佢係咪鍾意我呢?但係佢又冇進一步o既表示~唔通要我開口咩?但係我知道左係咁又可以點呢?佢真係冇表示~我就真係咩都扮唔知囉=口=!

琴晚終於都冇落雨啦~但係我都係訓得唔好~好難先訓得著~諗o既野都係佢~但係好開心~我琴晚發夢我去左睇keita演唱會呀>v<~仲有好多架~但係我唔想比你地知咁多呢>口<因為我聽人講~發夢o既野講左出黎會唔靈架~我只可以話我琴晚發o既夢~同我想o既差唔多啦~呵呵呵

keita:好想夢景可以成真~

嘿嘿~

琴日好鬼忙呀~首先我同我老豆就去左太和美心開位飲茶~我阿媽就同細細佬去大埔拎回鄉證~拎完就去搵我地飲茶啦~跟住我地就出左沙田拎護照呀~等左好鬼耐呀~差唔多成粒鐘呢~拎完諗住去舅父度整頭啦~但係佢唔得閒呀~d洗頭仔又冇返~唉..咁就冇得整啦~跟住就上左婆婆度lu~琴晚好多人都返左去食飯呀~係得呀拉姨同佢男朋友冇返黎食咋~映左好多相返黎~但係就唔記得左映舅父呀>口<~下次映過呢~

嘿~琴日成日都算係咁啦~我去到邊都冇落雨喎~琴晚一返到黎就落大雨啦~臨訓之前睇左陣雨~唔知做咩~自從上次聽完首一生中最愛~呢兩個日個腦浮現返我同佢o既野~琴晚望住出面~又喊~我真係唔知點解~我唔知仲要回憶幾耐~咁樣真係好辛苦~唔通真係唔可以咁徹徹底底忘記一個人?