empty

經過八年之後，我又搬回屯門住啦。而眼前屯門碼頭附近的屋村、商場及街道，我絕不會陌生。因為每行經某個地方，必定勾起童年時的回憶…

但係搬家的過程，就真係認真波折重重。因為人會隨年歲過去而留下很多物品作使用或回憶，所以臨果幾日就痛定思痛地起勢係咁將唔要既野掉走、將要既入箱、幫助拆牀、拆組合櫃…

人地話一個人響佢仲係小朋友時候，佢爸爸係一個超人，皆因佢認為爸爸無論裝修、維修電器、煮飯、做家務、彈結他、剪頭髮、攝影等等都識…但當個小朋友長大成人之後，就會了解爸爸只不過係一個普通人，而且都會有好多限制。

但係我認為，我阿爸的確係一個超人。

講番搬屋果日，因為果日天氣唔好，所以我地都幾擔心… 結果個天響我地搬左接近八成既物件既時候，雨就成盤水咁倒落黎啦！最衰就係個貨車司機遲到，仲要遲左成個鐘。如果佢準時，我地就可以早D上貨，就唔駛之後比 D 雨淋濕哂 D 貨…

好彩呢日有阿甘、添洪哥、輝哥加上謙的三個朋友幫手，不然不能趕上搬屋進度，我響度衷心多謝佢地！

搞左成晚，終於叫做搬左大約八成既野入屯門…但去到悅湖都仲有排執啊。

Endless Rain - X-Japan
----------------------

I'm walking in the rain
行くあてもなく伤つた身体濡らし
络みつく冻りのざわめき
杀し续けて彷徨ういつまでも
until i can forget your love

眠りは麻药
途方にくれた心を静かに溶かす
舞い上がる爱を踊らせて
ふるえる身体を记忆の蔷薇につつむ
i keep my love for you to myself

endless rain, fall on my heart
心の伤に
let me forget all of the hate,
all of the sadness *

(せりふ)
days of joy days of sadness
slowly pass me by
as i try to hold you
you are vanishing before me
you're just a illusion
when i'm awake
my tears have dried
in the sand of sleep
i'm a rose blooming in the desert

it's a dream, i'm in love with you
まどろみ抱きしめて

endless rain, fall on my heart
心の伤に
let me forget all of the hate,
all of the sadness *

i awake from my dream
i can't fink my way without you

the dream is over
声にならない言叶を操り返しても
高すぎる灰色の壁は
过き去った日の思いを梦に写す
until i can forget your love

endless rain, fall on my heart
心の伤に
let me forget all of the hate,
all of the sadness *

endlsee rain, let me stay evermore
in your heart
let my heart take in your tears,take in your memories
endless rain, fall on my heart
心の伤に
let me forget all of the hate,
all of the sadness *

_______________________________________________________________

我在 Joseph 的樂隊 "Temprate" 裡面，要演唱呢隻，難度超高！既要唱高音，又要唱日文！@@" 求主帶領啊！ 

實在太耐無打日記啦，因為呢排非常忙。我七月一號就會搬番去屯門住。所以依家就猛咁執野。我屋企 D 野實在太多，如果只計我一部份既書 (未計漫畫書)，就已經可以填滿一個接近一米高、半米闊既大紙皮箱。而且我屋企人都好多物品，所以要分兩次搬運才能將所有的家當都搬過去屯門。

呢排個人都真係幾疲累下…因為教會敬拜隊、Joseph 隊 Band 同搬屋既野都搞到我周身唔得閒…所以呢排有時隻眼都睜不開…

而且當忙碌過後，自己一個靜落黎既時候，我就會諗起妳。妳對我愈來愈重要… 可是我想，我在妳心裡面，可能沒甚麼位置可言。

我心裡一直愁著、愁著…好像沒有止息

但我知道我唔可以能再樣子下去！平時做野有衝勁既麥諾去邊？

今篇又變為一篇週記啦... 因為好耐都無打...

過去既一個星期，一至五都係平凡工作日，但六日就精彩多了。

星期六呢日我唔駛返工，因為我變左星期日返學校幫手小一派位既協調工作，所以呢日我同阿娟就搞左個唱 K 活動 with 我同佢 D 朋友，but 我同阿娟既目的係想將我帶既同事同佢帶既朋友交朋友。咁岩果朝又係黑雨，幾驚去唔成，但十一點幾果時個天氣好番好多，無咁大雨，所以行程可以繼續。

原本我諗住個氣氛可能會好慢熱，但係又唔係喎... 而隨著我兩個同事 flouence 同阿兒既出現，咁就更加搞熱個氣氛！

So far 果日玩得開心啊。但星期日朝要早起返學校幫手，但係做 D 野一 D 都唔複雜，而且又忙，所以時間過得好快；校長知我會入camp ，特登早放我。THX！跟住自己食完飯就跟教會車入營。

個 camp site 係我小學六年級就去過一次既西貢黃宜州訓練營。因為今次入營既目的係訓練，所以入到去camp 第一項就係分組進行兩個熱身活動，而之後就有一個最終目的既綜合活動。

第一個係「大腳八」，呢個遊戲真係少 D 合作性都玩唔到。因為係由一隊每個人分別兩腳踏上大木頭，而每手都拉一條繩，只要大家同時拎一邊繩同埋一齊踏步就做到。但講容易，做卻很難。因為要講求合作性。只要有一個人唔跟唔到大隊既動作都郁唔到。結果，我呢隊比較另一隊慢，因為好多人體力不繼；反而第二個遊戲「鱷魚潭」就玩得好快，因為有人發現「三隻腳踏一塊磚」最好，所以靠著團體力量，加上個人平衡技巧，終於第一組完成賽事。

但係「高牆」就係四組一齊玩，所以就係最難既。因為個高牆真係好高，有成兩個半成年人既高度，而且又唔可以用繩爬上去... 所以就係靠一大班人既力量啦... 而我同其他幾個較大力既猛男 (包括我阿爸)就甘心情願比人「踩住上」，每次至少有兩枝底樁(兩個人)在下比人踩住大脾同縛頭上，再用力推高其腳板底上... 而上面又要有人幫手拉上去... 所以呢個遊戲玩法好簡單，只要令所有人由地下爬上高牆頂部就可以。但係過程中集惡臭、熱昏、難頂但又刺激、好玩同團結於一身。所以我下次都會玩，即使要難頂下一D 汗臭味... 但我連殮房入面既腐屍味都聞過，汗臭算係小兒科啦。

玩完高牆，當然就同吳生玩「乒乓波」。唔知點解我個勢今日唔錯，連打敗 6-7 個對手先至輸... = ="

夜晚晚會，我響天才表演裡面飾演一個「浪子」，又爛賭、又煲煙(用原字筆當煙，但現實裡我最憎人食煙！)、又臭寸... 但戲裡居然有個女朋友 Tracy (係教會幹事！)... 而做我戲裡面既老豆同媽子係發哥同美玉姨... 反而我真正老爸就做左打我既收數佬... 輝哥反而做我既「豬朋狗友」(現實都幾似...==) 如此騎呢既演員配搭，可想而知呢個故事有幾爆笑... 所以最尾我組同另一組以 8 隻香蕉高票當選雙冠軍。

之後經過一輪正經既敬拜隊練習，跟住入房同班十幾歲後生仔女玩樸克。之後我仲教理佢地玩我剛學曉無耐既「Show hand」，班細路都好鐘玩，HAHA 當然唔係玩錢啦。

第二朝晨咁早六點幾起身，出去行下... 因為間房冷氣太勁... 好耐無試過響咁早出去 D 咁寧靜既地方行下... 後來敬拜隊既人各自找個地方靈修，我都好耐無試過靈修啦... 寧靜既環境的確很適合與神溝通，更加容易知道神給我的領受。靈修過後，一齊最遲去食早餐，但係就最早離場，因為要準備稍後的敬拜。

敬拜過程算係順利啦。第一首係用來升溫既「我們都是一家人」；第二首係「恩典太美麗」；第三首「一生敬拜」；最尾一首係「天國近了」。天國近了，我地基督徒自當要要團結起來，一同組成為神傳福音的精兵。

晏畫約妳出銅鑼灣行時代廣場... 好開心妳會赴約。每次同妳出街，我都好開心。但我今次約妳生日果日陪妳，妳卻說我之前已有兩個人約左... 其實係我太掉以輕心... 好唔滿意自己咁樣。