你試過一搭八條唔同既巴士線未？我琴日同何基就試完，因為基於新巴 DA 同九記 E 蛇就死既原因，我同佢於琴日進行一次奇異旅程。
星期一朝早，我七點半落敍苑食早餐，趕住八點半響佐敦匯翔道巴總，會合何基。時間緊迫，我見 3c 黎即上，LP563 AVW，我上到樓上驚見阿添洪哥，佢原來搭呢架到太子轉 905 返工。
去到佐匯果陣，見到 ASU 2 駛緊入去，勁驚佢會早開，所以我一落車就快跑的，好彩佢無咁早開。當我見到何基之後，即刻響佐匯巴總係咁影。
何基話今日坐唔到 EU9848 E 蛇，有Ｄ失望，因為佢居然唔出，搵左架熱富黎頂上佢個位... 咁所以我地先搭 ASU2 金雞，一架比何基佢既迴音好似吉都既車。
開車LU，但係佢既表現只可以用中上黎形容，響公路表現未去盡，可能係因為新車啦，又鎖車又截油，又有黑盒... 但架車上斜都好力既。用左差唔多一粒鐘就到天瑞。
 
響天瑞影左陣，又同一名巴迷阿姐傾左陣，我地搭輕鐵去天慈，準備搭 276 去上水轉 70。去到天慈巴總很開心，因為見到有 AM MK217J，唔駛等  。但我地本來滿懷期待這程車「閒閒地閏到 80KM/H」，點知可能係個司機就住就住，響新田公路未去盡之餘，仲要讓架 AP 276A 過頭，見到何基有點「不平衡」呢...
去到上水總站，同何基等左成個幾鐘左右，想搏下其他 E 蛇，但黎既只係開龍，又或者係密龍，而且表現無保証，唯有等下先...響上水總站影左好多相...
 一個在巴總等著想坐既車既人... 個感覺幾好，所以影低左呢一刻
但係最後，我同左佢係上左 FY4034， ，因為見個卡佬入站既熱都唔錯，所以叫佢咪等 EV5641。果然一上車，個司機係咁飛，等咁耐都抵番哂！
飛到返佐敦，先同何基去 LUNCH，因為諗住食完之後等 971 布牌DA。食完無耐行返上海街佐敦道街口，驚見有架 DA39 劈緊彎準備埋砲台街既站，即刻同何基上演一幕短跑追巴士, fortunely, we make it!
 偷拍的 =="   DA39 呢程真係超正，人車合一，西隧踩到盡！！上斜好似行平路咁飛，即使行最斜既 1:5 香港仔水塘道 都有成 25KM/H ，好似架小巴咁快！
 我地繼續留響香港仔水塘道，睇下其他巴士車款上呢條斜路既實力....新巴其他 DA如DA 52，DA77 都好似我地坐果架 DA39 咁勁，反而城巴 7 號既 9頭豪就...好唔掂；架短蘭同975 都算合格，但架 980，我同何基都見到慢到好似豬毑上樹，8KM/H... 真係人跑都快過佢... 何基見到咁，笑死佢！可惜部機拍拍下980 果陣無電！... 錯失左影到 980 上斜慢到嘔既証據。
我地跟住行番落香港仔坐 41A 出維園轉 8P 去柴灣，我地坐既 MAN NL262R 1508 仍舊響上南風道都維持一貫MAN 既好力水準。我地搭到去大坑道落車，沿大坑道行番落維園。
跟住我地坐既 8P 係 NEOPLAN N4426 6015，架車響東廊好飛。去到藍灣半島。食完美心，大家期待坐 118 用8系龍飛東廊返深水埔既表現
 因 DC 無電，焗住用手機影相，質素平平，請見諒。
我地上到 824 都係何基夠眼利，留意到 8X 臨時跳飛機玩 118，唔係又叫走寶。架龍真係起步快，扭力高，平路飛到盡，上 1:10 柴斜又好好力！何基果然無介紹錯！^^
返到深水埔，何基突然諗起可以盡最後機會搏下 E蛇，就係 2B 呢條線。我同佢等左幾班車，終於等到 EV1582。結果我佳到竹園，佢坐到九龍塘就轉 85B 歸家。
   E蛇，我仲可以坐多你幾多次呢...
http://community.webshots.com/user/dennisel6774 <--更多相在這裡 | 
