呢兩日既經驗，足夠寫出兩個故事性較好的故仔。

第一個：失而復得

今日我去「校園電視台製作助理」同學上堂，之後 lunch 食飯。我懶係 care 自己個袋就帶埋出去食飯 (其實如果我只係帶銀包電話，就唔會出現以下小插曲)...

事緣我同班同學仔開心食飯去，食完的時候見係時候想打比某人，就飛奔似的走左出去致電給她。因為這一通電話過後就換來十天的等。但就是這樣，我就無記得帶走我既背包。如是者我同同學仔行到荃灣廣場吉之島入面，才發覺為何自己輕了那麼多，那時我才驚覺自己不見了背包！

心急的我一心只想衝回食店找，但到了食店職員話無，慘了！... 莫非被人順手牽羊？心裡已打定輸數，唯有當成是次慘痛的教訓。但...

上完堂、傾完我地下屆校園電視台的宣傳片橋段後，他們為我慶祝生日，感謝他們！此時我見佢地除了送朱古力蛋糕外，還有一份特大的禮物...？模型？文具？玩具？這些我想著的答案都不是...

是我的背包！

....................

..............

.......

此刻我覺得這是最好的禮物！失而復得的感覺真是太美妙，感動得說不出話來...

第二個：美好的一幕

琴晚同佢食飯，當我買左芒果慕絲比佢，佢食完粥就即刻用好快速度食。原來佢對鐘意既野食係食得咁快... 哈哈

之後同佢行荃灣海旁，佢想我同佢玩「有口難言」。我終於令佢讓我估佢想表達咩，因為之前同佢 msn 玩，只係我做哂佢估... 有進步啦！^^

地磚，這是妳要我估既謎底。妳肯做，我很開心。真的...

跟住同佢返左一站西鐵。佢怕太早返去會被問長問短，(佢因為我而不返一天課堂，我開心但內疚) 於是響站上公園玩左陣韆鞦...

兩個人邊玩韆鞦，邊傾心事，很像 tvb 的經典鏡頭... 但我覺得這是美好的鏡頭。

這短短的幾小時所經歷的、所感的感覺，都深印我心，很甜很美。

第一篇正式發佈於 qooza 既日記，係白色情人節的一個晚上。

這一天的工作很快過去，而且我很心急的，落班後即刻跑上去荃灣既紅 van… 因為我知我要見我的學生。

但這位學生，另一方面卻也是我的老師。雖然佢唔想我叫佢做老師。

我心急既程度，見佢遲遲都未到荃灣，短短幾個字時間居然打左 5 個電話比佢… 我都覺得自己好煩 = ="

到左六點九，終於見到佢啦，然後去食粥。我眼見佢 7 點 3 要返學，驚佢趕得好辛苦。佢居然話一定要同我食呢餐，返唔返學反而好等閒… 我好歹也被妳叫做老師，老師怎能叫學生唔返學呢？

但我心裡還是自私的，我其實係想佢呢晚唔返學… 只是我無講出口。我叫佢選擇返唔返，又同佢玩「公定字」，結果擲左兩次，佢最終都係返少一堂英文，我唯有努力幫佢補好 d！

ps 妳送給我的生日禮物，我要多謝妳，因為我真的打從心底裡開心出來的。我諗住等我生日先拆，到時妳還身在別處... 妳在上面要小心身體啊，別被害病啊。妳要健康、滿足的歸來啊！

妳要學好英文，我也會學好普通話，大家一齊努力啦！

我係第一次響 Qooza 開 Blog ，希望大家多多支持！^^

第一次就試播一段片先。