10/4：由今日開始既一連四個聖文德工作日，我朝早都係要做監考員。因為我要幫手看管三個學生作所謂的考試調適。但是，應該很少有監考員如我這樣，d 學生有自己考試，我有我睇書、睇雜誌...

11/4, 12/4：收工後搭紅 van 過荃灣找妳食飯，見到妳，我真係好開心。

13/4：週六幫青協拍宣傳片，除左阿聰出得少外，個個都有相當戲份。其中 amy 最多野講，因為佢要講好多內容既野。我真係好佩服阿聰佢諗出黎既長鏡頭一 shot 落。難得佢有這樣的天份，希望佢可以響電影界大有發揮。我自己，反而在攝拍的技巧同知識都要多多加油先得。

14/4：朝早幫教會學「助已助人」，呢個課題易學難征，基督徒要有很多的耐性同愛心先可以將影響力影響人得好... 晏畫同小組去探訪教會的黃義妹婆婆。這類型的探訪，我真的是第一次做。第一次響醫院幫婆婆按摩有水腫的腳，起初真係有點怕羞，但其實做落都幾開心。^^ 可惜妳因為要忙搬屋的事來不了，但總有機會的。

過去的星期三，慈浸遠赴將軍澳寶康公園作客厚恩。今日人腳夠，有十個人黎我已經好滿足。可惜因兩個錯誤，先失兩球。但其後已隊由 dee 扳回較接近紀錄 1:2，但之後再被攻入一球，1:3 見負。但整場波的氣氛都好溫和。感恩的！

44，公眾假期正日唔會去拜山，故同小組一行人去家樂綠箱唱 K。今次唱多左 d 唔同類型既歌，有慢而抒情，又有快且大叫的。一個歌手是不應只向某集中唱發種歌，該如卓義峰一樣，嘗試給人一個驚喜！( 我都可能要跳埋舞... )

唱完 K，影左貼紙相，組長的地位誰能代替！中間位當然比佢啦！跟住去左機鋪玩左陣賽車。

收到小姐們 CALL，同佢地一齊走。一個女仔要搭 3C，另一個女仔要搭 6A。我理論上係搭 3C，而最終都係上左 3C...

但我真係好想好想搭 6A... 響果一刻，無奈。畢竟我只能陪一個女仔返屋企，唔可以分身...

收工後立即趕去屯門，因為約左佢逛屯門。就係因為時間唔多，所以分秒必爭。

當我聽妳在吐苦水... 心痛了... 希望妳眼前寬闊風景可以安慰到妳少少啦... 希望妳口裡的雪糕可以讓妳降低心裡的不安... 希望妳生命之後所遇的都是對妳好既人。我知妳過往好痛苦... 但，依家如果妳有痛苦，我可以同妳分擔一 d。我唔 mind 妳拎我黎出氣。

妳來自這樣的家庭... 有這樣的父親... 的確是一個遺憾...

但天上的父就不同了，即使妳還未認識佢既時候，佢已經無時無刻都保守妳。因為我個人覺得，妳即使來自這樣的家庭，但妳還是一個很懂事、很乖的女孩，而且妳比其他人堅強很多呢！換著是其他人，遇著這樣的家庭環境，可能已經一早就放棄自已，去學壞。

妳... 其實已經好叻架啦！

但係有咩唔開心，一定要講出黎，唔好屈響個心度啊！人係要互相支持先可以繼續生活落去！唔可以比妳個咁既老豆睇死架！

但有一樣野妳可能唔相信，我為妳的遭遇而喊過... 係真架！包括依家打文呢一刻...我會在妳身邊支持妳。

330，星期日晚約佢去睇「我的最愛」，估唔到佢很不想見到暴力(血腥反而唔怕，但唔先暴力又點會有血腥...)... 方力申的結局太慘... 雖說小混混在這個社會上，較難甚至很難去換取一段真愛，但每個人都有去愛及被愛的權利！

每個人都有去愛及被愛的權利... 這句我響上海鋪食野果陣同佢講...

妳說妳的出生是個錯誤... 我說不是！因為神在每個人身上都有因為讓我可以偶遇妳。

妳來自咩家庭背景，唔緊要，至緊要係要向前望！只要倚靠神，一切都有希望，且很美麗！

331，得知 10 架九巴被燒，且 8 死 2 傷。很恐怖！今日係香港巴士迷既哀悼日。

42，緊急忙著剪套「帶口罩」短片... 之後收工 m2k 錄音，無見 bobo 一個星期 lu... 估唔到佢今次會將一段要我地試既歌叫我地男仔唱高八度，而且有幾個字仲要用真聲喊出來，好似黃貫中咁！眾男之中唔係好多人用到真聲喊到，好似真係只有我一個喊到... 雖然好難唱，但的確可以容易 d 註釋到 d 感情出來。