 小妹既皮膚真係好麻煩，天氣乾燥個陣又出晒乾紋，夏天唔乾啦，但又會出粒粒，有時對住自己塊面都真係唔知可以點攪~!!
近呢幾年，小妹每朝都用BB cream做打底既，因為我貪佢遮瑕度高，可以遮到我d暗瘡印，但有用BB cream既sis都知，有時BB cream都幾"立"，有d朋友同我講，佢地仲會搽到出粒粒~!!
之前我係Sasa發現到Dr. Jart呢個韓國牌子，原先見佢都唔係好貴，百幾元就買左黎試，我記得個枝係黑色包裝既~用完之後ok，就想再返去買，點知竟然搵唔返wor~!!!
不過就發現Dr. Jart有隻尊貴白金抗皺BB cream，Sasa都賣成$340，其實都幾貴下，正常以我咁算死草既性格係唔會買囉，但因為之前用過呢個牌子ok，對佢都有信心，於是就買左返黎用啦~
BB cream最基本既function遮瑕，Dr. Jart真係做得好好，我面上面既暗瘡印當然唔會話完住遮晒，但搽左之後望落係淡色左，再上返d遮瑕膏就完美啦~!!
而小妹鼻翼位兩邊d毛孔好粗，平時上完粉，d粗大毛孔都會走出黎同人say hello~!!但呢枝BB cream一搽上面，最明顯就係毛孔即時遮左，再上粉就當然靚好多啦~!!
最重要呢枝BB cream係冬天夏天都岩用，夏天個陣搽完當base上粉，真係無咁快出油，而家冬天用又唔會乾~!!
大家有機會行過Sasa都可以望下呢個牌子~!!
|
