韓國，一個最近大家聽得最多既國家名，特別係各位愛靚既sis，無論護膚品、化妝品、時裝，甚至連男人，大家都會不期然以 come from 韓國 or made in korea為standard~!!
最近一套"來自星星的你"更加將呢個韓風推向極點，女士們唔單止追捧劇入面女主角用過既飾物、時裝，就連唇膏都買到斷晒貨~
話說3月份，小妹同朋友去左濟州旅行，各位團友第一日已經問領隊﹕ 邊度有得食炸雞﹖﹖
而我亦接連收到朋友whatsapp叫我幫手搵下千頌伊用過既唇膏，瘋狂既程度真係好得人驚，haha~!! (btw，小妹係無睇過呢套劇，但係生活上已經由朋友 or 同事口中，知道晒劇情，睇唔睇都無咩分別)~
提到韓國護膚品，相信大家都已經用過 & 試過好多唔同品牌，小妹係度提醒大家，用任何護膚品都好，一定要清楚了解返自己膚質同需要，唔好人地話好就用，有時好容易有反效果ga~!! 小妹身邊就有好多朋友，因為咁樣用到皮膚敏感，真係得不償失~!!
相信大家都有發現韓國好多大品牌其實都係黎自 AmorePacific 呢間大公司，呢間公司係韓國已經有60幾年歷史，比較為香港人認識既牌子﹕ Laneige、雪花秀、IOPE、Hanyul、Innisfree、Etude House、呂 等等都係黎自AmorePacific~!!
一向熱愛天然同有機既MiLiza，都有親身試用過呢d韓國品牌，功用就因人而異，而係一班星星迷朋友推介下，小妹最近就買左Hanyul (韓律) rice essential softener 黎用，Hanyul有"小雪花秀"之稱，亦都因為千頌伊而令香港人認識呢個牌子~
呢枝essential softener係洗面後既step 1，用落質地都幾清爽，頭幾日用，小妹塊面有少少敏感情況，不過咁岩個幾日，小妹入過公司貨倉做野，接觸到太多塵，所以我都唔肯定係邊樣野出事~幾日後，敏感情況都自己消失左~
用過呢一枝softener，比較返小妹用過既有機產品，其實好多toner天然有機都做到同樣效果，仲大大減低敏感風險~!!
值得一提，Thayers - Rose toner，有aloe vera配方，無酒精成份，可以保濕同收細毛孔~價錢仲要好抵用~!!
呢一枝野小妹除左當toner用，有時仲會倒入壓縮面膜度，朝早起身塊面如果太乾，就會極速fu返5 mins，上粉都easy好多~最近天氣熱，小妹本身又大汗wor，我就將rose toner倒入細樽仔跟身，有時噴下塊面爽返下，我仲會噴埋手手腳腳，用紙巾輕輕一抹，無晒汗又爽，仲有陣陣香味tim~
佢個價錢咁抵，又咁多用途，想唔推介比各位sis都唔得啦~!!!
***************************************************************************************
*題外話 - 韓國整容風﹕
韓國既整容風氣盛行，小妹好早以前已經聽過，話韓國既女仔，一畢業出黎搵錢，第一件事就係去整容，因為係佢地眼中，唔靚同殘疾真係無分別!!天生麗質，邊個唔想﹖﹖ 但如果人人都倒模咁樣，真係好事﹖﹖ 一時話興尖面，一時又話興返包包面，其實可以整幾多次﹖﹖
最近睇到一篇報導from都市日報﹕
"韓國整容風氣愈來愈盛，亦日漸變得普及化，接受整容的病人，年紀亦愈來愈小。一名12歲女童就在母親鼓勵下，接受割雙眼皮手術，希望雙眼變得更有神。當地一些另類父母，更不惜安排子女捱刀割脷筋，希望他們說英語時的發音更標準。
韓國女士整容整上癮，此歪風已蔓延至尚未完全發育的小童身上。韓國12歲女童李敏京（譯音）為了一對厚重丹鳳眼，到醫院割雙眼皮，其年輕媽媽不但沒有反對，反而鼓勵她整容。李敏京喜歡跳芭蕾舞，但母親認為，一對矇豬眼令她看來極不精神，希望她擁有像西方人般的大眼睛，以增加自信，於是她決定帶女兒割雙眼皮。割完雙眼皮後，捱了一刀的李敏京看來跟之前沒有太大分別，由於她仍未成年，臉部還沒定形、身心未成熟，便貿然接受永久性整容，加上父母沒有阻止，專家指這實在不值得鼓勵。
除了臉部整形，近年韓國更興起一股學英語風氣，不少父母帶子女去修剪舌頭筋，（即剪掉舌頭下面的繫帶），令舌頭變得靈活，講起話來不打結，有助英語發音，聽起來令人毛骨悚然。醫生雖然不贊成這股歪風，卻無能為力。有部分父母認為，整容是對孩子未來的投資，「美麗才能出人頭地」"
美麗才能出人頭地既講法，唔知大家認唔認同﹖﹖
|
