小妹天生就有d貪小便宜既性格，一聽到人地話而家有折，價錢好抵，就會忍唔住買黎try~
話說朋友最近買shisedo有折，死唔執輸既我，緊係揀返d野黎買下啦~
我公司d同事成日同我講shisedo Maquillage d base好好用，3百幾元唔好用就出奇啦~不過今次有折wor，都幾平下，於是我揀左Maquillage - Essential White Base 純白精華防曬粧前底霜，先上網睇左d info﹕
"塗抹一刻，毛孔和暗啞消失無痕，締造光滑細緻剔透美肌，精華素妝前底霜，令膚色均勻，同時提升妝效及持久度，令粉底與肌膚融為一體，揉合補濕純白精華E"
base我就一向用開BB cream，用得好我都無打算轉，但我見呢隻base入面有精華素，我又覺得幾特別，於是走左去shop度試上手try下~
泵出黎個下，好水wor，完全唔似結結地身既base，個化妝姐姐話呢隻係base前打底霜，即係用base之前既pre make up，等d base同粉可以更貼面，又做到補水效果~!!但我真心覺得有d麻煩，搽完一樣又一樣，朝早趕時間ga ma~hahahaha~!!
個化妝姐姐話就咁當base用都ok，只係未必夠遮瑕~!!okok，我明ga啦~!!
btw，試用後感覺又真係唔錯，或者你將佢當係精華素會好d，只係呢隻精華素係可以直接當base用咋~
於是搭朋友買左枝返屋企玩......
首先讚下佢個外型先，真係好靚，樽身淡粉紅色鑽石紋咁，好高貴呀~
打開蓋就見到個泵~!!
到小妹親身上陣試上面啦，YEAH~!!係下面呢張相，大家都應該睇到佢係好水，唔結身啦~
小妹而家先用呢枝野做base，之後上遮瑕再上粉~!其實效果都唔錯，我自己覺得可以唔駛再上多一層base囉，佢既補濕度都真係幾good，遮毛孔效果一流，不過搽上面感覺佢真係似精華素多過base~hahaha~
shisedo既products有無化學成份，小妹就真係唔敢講啦，但呢枝Maquillage - Essential White Base 純白精華防曬粧前底霜，我比8粒星 (10粒為滿分)~!
|
