今曰，突破黎到學校開書展同賣火柴人d野，每次家長日之前學校都會搞=w=空堂個陣，落左去睇下有d咩書賣，比我看中左「在天堂遇見的五個人」，不過e排手緊，冇錢買= =結果我買左個火柴人筆袋，我好鐘意佢個add oil 系列XD，好彩學校有8折，平左好多姐=W=，係周會個時，學校請左火柴人個作者講野，佢講野好悶= =不過我都記得呢句:「我見到你的成功，見到你的失敗，但見唔到你放棄。」，好似鼓勵緊我呢個重讀生呢!!

      聽日就中史大測啦，測我好耐冇做過既甲部，有d驚= =好大壓力呀...今次衰左，之後都唔知點算好= =，我要溫書啦，byebye~

       今日，原本正正常常咁上堂，但就係最尾個堂數學生事了=-= 個miss 剛剛拎住疊簿黎到門口個陣，個火警鐘即響= =之後miss 好無奈咁同我地班學生落返去，但係唔知點解佢唔擺低d簿係班房，而係拎埋落去囉........去到操場，好曬= =熱到變人肉乾.....點知原來有個學生定唔知咩人整開左個警佈器，虛驚一場= =就搞到成班人係下面曬左半個鐘.....無奈=口=企企下，突然有隻蜜蜂黎助興，飛左係個學生既身上= =成班人即刻係咁大呼小叫= =最後個鬼佬拍走左隻野，隻野又死纏難打咁返來= =唔知最後點呢= =因為我上左課室睇唔到Lu.......

       11月既多元學習周，我去左中國乳源縣教小學生英文= =，我都冇咩信心教得好，聽日就要比個教學課程個miss睇啦= =唔知會點呢。

       今日返學冇左閱讀時間，要係操場聽校長狂講野，搞到功課都收唔切...閱讀周今個星期就完啦...我唔制呀== ==唔想又企係操場做人肉乾呀!!!

         食晏個時，我班有個同學用個可樂樽困住左隻壁虎，之後重要擺係張台上面，再倒大量既超能膠係隻野身上，話做咩標本wo...好嘔心= = ，我估唔到呢班有d咁既變態行為，之後係數學堂，個個同學一拎本數學書出來，本野就剷走左d超能膠，個個場面真係見到都覺得污穢=.=佢隔離個同學重要囉塊數學cd去將隻壁虎分屍= =念起都恐怖呀!!!!!!

       蓋滿超能膠的壁虎: