今日唔知做咩....好冇心機咁...又唔想出聲，d功課做得好求其......總之就悶悶不樂啦= =連上補習社都冇咩心機，今日Oten佢係咁搞gag，d爛d唔爛咁，今日教祈使、倒裝、問句、反問個d，對議論文ok有用，佢今堂又比左好多功課我做啦~今次篇作文我唔會好似上次咁唔記得帶啦(要時刻提醒自己......).

       聽日，地理終於測驗啦....上堂測，補習社都測，一日之內做兩次地理測驗XD，又有中文文言文既小測.....背極都唔係好熟，唔知大家有冇d咩好方法呢? 其實我覺得文言文個比重唔高......但點解miss 要咁著重呢....唉= =好討厭一字多詞的文言文丫.....苦惱中.......

      今日約左阿樵、肥蘇去香港仔食飯，佢地返完vtc同ive之後，皮膚黑晒，個老鼠仔都大舊左好多，同佢地拗手瓜一定輸緊XD，其實阿樵今日都要返學架......佢由新界個邊飛來，唔知使左幾多車錢lu......，我地去左吉田拉麵到食，個到d野ok好味，而且好飽，又唔貴，我提議大家都試下去個到醫肚呀^^

      呢個星期真係好多功課，自從上次中文要作廿四味之後，而家又要作篇過山車，真係好苦....問心個句，我係會考見到呢d自由發揮題，一定唔會揀......總係覺得好容易離題，上年會考我就係作檸檬茶...出返黎個成績唔好......我真係想試下作其他野.......個範圍愈空泛我就愈冇信心.......今年我唔想去博呀!!

      今日同小肥、肥蘇、康伯、基華、豬太佢地去香港仔唱K~，間房又細又凍=.=同上次去好唔同......上次去明明間房熱到流晒汗，但係今次較到30度都勁凍囉....好極端呀= =而且我地好似唱極都唱唔完咁....唱極都未夠鐘...上次唱左幾首就夠晒鐘，重要locked埋部機，但係今次冇locked到，比我地係咁播disco歌嘈死間k房XD....豬太好勁呀!由開始唱到走都唔喉嚨痛!

      之後同肥蘇去左數碼港睇下有冇戲睇，點知時間唔配合，而且又冇咩戲做= =生化危機3都冇晒場，就返去香港仔陪小肥去旺角金魚街買寵物D野同埋賣手機(好晒車錢呀!!!)，同佢地由街頭行去街尾，再行過對面街，累到差唔多要趴係條街到啦~來來回回，小肥買左勁多野....又魚仔又蟲又浮石....搞到佢帶個個袋都唔夠擺，重要加多兩個大袋先得......又狂誘惑我養龜囉XD

     跟住肥蘇走左，我就提小肥賣電話，原來佢差d唔記得(早知唔提佢啦XD)，行晒成條女人街都唔見有收買商，結果搭地鐵去cb先有個收買女出150$買左佢部電話=.=個女人真係寒酸....

    好多謝周忠幫我改左個blog呀^^