詞填得有意思、好的歌, 真的很少...
大部份都只是曲好, 詞---不達意

填歌詞就像作文一樣,
要表達到深層意思,
最好是自己親身經歷過的感覺才去寫...
我覺得會更有意思

一首好曲, 填上一堆堆垃圾上去
歌手唱得再好又如何...
始終只是沒有意思的字詞

Form now on, I dont want to judge anyone.

我有心事 誰用心聽?

4月26號去桂林旅行個日，我出門口個陣明明都仲見到你。

圓仔， 雖然我都唔算係個好主人。
成日都唔小心嚇親你，有時都係故意既
都係想同你玩下姐，玩得耐，你都唔驚了。

第一日你入黎個陣，我好記得你成日周圍捐，差Ｄ搵你唔到添呀
之後又肯一齊訓，個陣你都不知幾咁乖∼∼∼
之後呢，就成日曳曳啦！
郁Ｄ唔開心就走左去，
又鐘意大小二便，真係麻鬼煩呀你！∼

唉∼其實我都好鐘意同你玩架∼
你又成日唔願郁，３歲就咁快老？
連你最鐘意玩既繩呀波呀玩左兩、三下就唔想玩要抖下咁。＝　＝；；
以前不知幾勁啊！蟲呀、小飛飛呀、小強呀個Ｄ好快就捉到∼∼
而家都懶得去捉咁。

本身之前見你一隻貓孤玲玲咁，
諗住買隻老婆陪下你，你又咁聰明又令仔，生返Ｄ叻仔令仔貓比我地抱下嘛！
真係唔係好多貓識得HandHand架！又識得做咁多表情，成個人仔咁。
做錯事呢就反耳仔、即刻走∼∼　
唔鐘意個陣又係反耳仔加埋個無奈樣甚至另轉面唔理人∼

講返起買個伴比你個到，本身就係女仔黎既．．．
之後就發現唔對路，點解佢後面有兩粒野既Omg∼
之後先知原來係男仔黎（連賣家都唔知）
算啦，咁你最後咪多個兄弟囉！
成日係屋企玩打交飛哂Ｄ毛出黎∼
而家呀圈成日都唔見你呀，我知佢好掛住你，成日都係咁叫我諗係叫你返黎啦！
人地叫到聲都就黎沙啦．．．
你唔係到佢會好悶架，就算而家買多左隻小貓陪佢，我知佢始終都係好掛住你！

點解你會咁傻跌左落樓．．．

唔睇呀爸Facebook我都唔覺．．．
原來每日一返黎我第一件事都係要摸下你先，
唉∼小貓，好掛住你呀！

我4月30號返黎香港，我第一時間擺低野諗住搵你抱下，
就係搵極都搵唔到，工人姐姐同我講：Find YeunYeun Ar? Die Jor La∼
我真係以為佢講笑，我又出去再搵多一次，
真係唔係到，我當時仲笑著又好疑惑咁問：Where is YeunYeun Ar?
姐姐又同我講：Die Jor La∼
我真係唔信，我問：係咪去左AuntHouse Ar? （我姐姐都聽得明少少中文）
呢次姐姐就靜係對住我好感嘆咁笑左笑．．．
直到爸打電話返黎，佢同我講：姐姐有無同你講呀圓呀？
我當時真係呆左．．．
我：Errrr 有呀。
爸：佢跌左落樓死左啦。
我：．．．．．．　嗯，我知。

圓貓貓，係寵物店個陣，我一簡就認定左係你＝　＝；；
當時我都唔知點解咁肯定∼∼∼
你一黎就陪左我地３年啦，我希望你可以陪我地陪耐Ｄ架∼∼
不過無論如何，既然你都去左環遊世界啦！我都希望你可以去得開心Ｄ！
 

以為上返Qooza都搵得返唔見銀包既日子...
原來... 係無既。Sigh...