今日返到去~~

其實全日都無乜野發生~~

music堂幾乎全訓~~

P.E.教欖球~~ok啦~~

教多次都無乜所謂~~

反正舊年都無乜點聽~~

中史堂就係我今日最深刻既堂~~

上完P.E.~~個個都返上課室拎野~~

我坐定喺中史堂坐果個位~~

之後佢返到黎課室拎野~~

我想幫一幫佢拎個袋~~我手都未伸到埋佢個袋度~

佢就已經超大反應&超快好似搶野咁拎開左個袋~~

仲用好冷淡既語氣講左句︰「我自己黎」~~

到左今日~~我發覺我連一個同學可以盡既義務都無得盡~~

我係咪真係咁不可原諒? ? ?

點解佢要當我好似仇人咁? ? ?

之後放左學就一直等sms~~

等極都係等唔到《香港200》既sms~~

返到屋企又唔見有email~~

算啦~~睇怕都係入唔到嫁啦~~

我由10月開始就已經係一個失敗既人~~

Orz...Orz...Orz...

真係好耐好耐無打日記啦~~

最對唔住果個應該係成日睇我日記既麟小弟啦~~

真係對唔住啦~~

其實係因為近排無乜mood~~

又因為近期我身邊發生左都幾多唔開心既事~~

偏偏好諷刺咁我又經歷過好值我開心既野~~

上個星期二放左學同Cecilia一齊行左過去牛頭角~~

去MTR幫Joan影壁畫~~

不過仲未拆紗~~

之後又自己一個走左去碼頭~~

終於都又可以見到令人陶醉既日落啦~~

好耐無喺呢度睇日落啦~~

星期三12點幾先起身~~

hea到4點幾先出門口~~

過到金鐘5點幾~~

同Joan等車又等左一陣~~

搭車又搭左一陣~~

去到港大~~再上埋去黃麗松講堂~~

岩岩好6點15左右~~無遲到~~

聽聽聽~~羅女士既野真係俾我好大既啟發~~

聽完8點鐘左右~~同玉桂&Joan一齊行左落西環~~

之後又搭電車過北角食野~~

食完野陪Joan等車~~

玉桂送Joan返屋企~~因為我唔夠錢陪佢搭車~~

自己搭601返屋企~~

星期四同平時既星期日無乜分別~~都係咁~~

星期五就去考試~~都係咁啦~~

覺得有d易過舊年~~

考完之後返屋企hea左陣~~

就落左去觀塘睇一睇醫生拎藥~~

之後又去左吉野家同徒弟仔&Ming打機~~

hea到5點半左右~~搭MTR過鰂魚涌~~

順便等埋Joan先上去~~

又係聽聽聽~~不過今次就有d中下中下~~

聽完就同Joan去左食麵~~

遇着一個服務態度超差既侍應~~真係好無奈~~

食完就陪Joan返屋企~~

送佢返到屋企樓下10點幾~~

返到屋企都係12點~~

沖完涼一陣就訓左~~

星期六又係考試~~

今年既listening就係難過舊年啦~~

考完之後就搭601~~

喺炮台山轉MTR~~

去到上環落車~~

行到過去中環中心~~

岩岩好佢地放lunch啦~~

同Joan、玉桂、阿晴、阿角&Jackie食野~~

食完就上堂~~

唔知係咪無上兩堂~~

搞到我完全無平時上堂應有既態度~~勁hea~~

之後俾Max同我地反省左一陣之後就好返d~~

最後落左堂就同Joan、玉桂&阿晴走左~~

本來係話去食飯既~~不過阿樹話無人去~~

所以最後都無~~

同Joan行左陣搵車之後上左架619~~

佢喺金鐘轉車~~我就搭到返順天~~

返到屋企~~打左陣機就又上商場食野~~

食完野返屋企hea~~

星期日都係好hea~~無乜好講~~

今日返學就都仲ok啦~~

升旗隊都係咁~~又一次既失望~~

點解佢地永遠永遠都只係會令到我對佢地失望嫁???

睇黎我真係要搵人頂替佢地好d~~

上堂ok啦~~雖然尋晚都好夜訓~~

但係都無乜點訓到~~

只係最後Econ堂訓左幾分鐘~~之後又醒返聽書~~

放左場學又喺prefect room睇怪談~~好正呀~~

-------------------------------------------------------------

轉左首新歌《約定》~~

因為近期我發覺同人約好左既野~~

好似得我記得而人地唔記得~~

不過我真係想我未有過一刻忘記任何一個約定~~

今日返學差d就遲到~~

因為7點45先起到身~~

原來尋晚無盟返部電話既聲~~

所以個鬧鐘話就話「響」左~~

但係就根本無響到~~

返到去~~今日有少少奇蹟地無出大汗~~

不過都流左d汗~~

早讀睇尋日先買既「男女大不同」~~

真係幾好睇~~

放左學又喺prefect room hea左陣~~

走果陣無啦啦覺得好似唔會再返入學校咁~~

好想每個地方都望多幾下~~

都唔知咩事~~

唉~~聽日就要考試啦~~

如果今次既成績唔係好過上次~~

咁就真係好哂錢~~

不過無法啦~~

都報左啦~~無得諗咁多嫁啦~~

自從星期三之後~~

幾晚都好想打~~

但係就偏偏都係有d野阻住我~~

令到我無得打~~

尋日又係去左鰂魚涌上堂~~

唉~~落雨~~

對於落雨~~我真係又愛又恨~~

我有時好鍾意淋雨果種感覺~~

覺得自己有少少同大自然融為一體~~

唔再抗拒大自然對我既恩賜or懲罰一樣~~

不過有d時候~~我就好鬼死憎落雨~~

尤其是落得黎又唔大唔細果d雨~~

至於憎既理由真係唔係好諗得到~~

可能係我唔鍾意擔遮掛~~

朝早6點45起左身~~

跟住就睇住部電視&電腦~~

留意下有無掛8號or紅雨~~

睇到7點15~~無~~

8點鐘左右先出發~~

等車等左10分鐘左右~~

搭車搭左20分鐘左右~~

落車行左20分鐘左右~~

然後等到一個搭車果陣會訓到不省人事既人~~

XDDDD~~XDDDD~~XDDDD~~

之後先上去10樓~~

唔係第一個到既感覺都幾好~~

因為正如K姐所講︰

「有人期待我既出現，係令人開心既事。」

呢兩句野真係對我有好大既啟發~~

不過之後present就......

唉...唉...唉...

Orz...Orz...Orz...

硬係覺得我地果組係最準備不足既一組~~

算啦~~反正我都真係無擺到好多時間落去~~

buddy8&12既兄弟姊姊~~

真係好對唔住呀~~

下次個present~~

我一定會盡全力嫁啦~~

其他人present既期間~~

我又係拎左David部400D黎影相~~

影相呢門學問真係好多野要學~~

放左之後~~陪Joan食野~~等佢上埋車~~

之後先去食野~~

去左食雲吞麵~~平靚正~~

然後搭車返屋企~~

期間又同搭緊車既果個搭車會不省人事既人「奇蹟」咁傾電話~~

XDDDD~~XDDDD~~XDDDD~~

返到屋企~~上左一陣網就訓著左~~

之後又醒返~~

然後8點幾去食飯~~

返到屋企電視&幫人整野~~

今日11點幾起左身~~

同阿爸名媽上左商場食野~~

之後又落左KT~~展開我既「買錶之旅」~~

點知就波折重重~~

買唔到都唔單只~~仲俾人捉左去睇傢私~~

之後又去睇燈~~最後仲要部人睇衫~~

得佢睇無我睇咁濟~~

Orz...Orz...Orz...

之後去左舅父果度打邊鑪~~

又同家蔚影左幾幅相~~佢真係好得意呀~~

不過唔知係佢成日郁黎郁去定係我影相技術太差~~

硬係朦朦地~~Orz...Orz...Orz...

今日7點半起身~~

返學~~行到返去又係出哂汗~~

早會~~行到出去~~望過去~~

咦?!零零舍舍睇唔到我地6A班既???

行過d睇下~~原來佢地縮哂去後面~~

因為前面好曬~~

唉~~無法啦~~規矩係咁就係咁~~

就算自己班都係咁話~~

中化俾人捉左出去討論~~

由佢一話今日討論果一下~~

我就已經知道佢會叫我出去~~

出到去~~個個都講李嘉誠~~

我見唔對路~~

就轉章講周潤發~~

費事個個都講同一個咁濟~~

搞到無乜野講~~

不過最後都係無乜野好講~~

唉~~算啦~~

放左學又喺prefect room hea左陣~~

返到屋企~~望下個天~~

好靚呀~~