深夜12點06分~~

我而家o係我果個o係天水圍既第2個屋企~~

尋日同新識既阿細、kind邦、吳小姐仲有阿盈去左唱k~~

阿細唱歌真係好好聽~~

之後5個人去左寶聲打機~~

然後吳小姐走左~~我地去左行apm~~

之後又行過去九龍灣MTR~~

我就搭車入天水圍~~

今日好多野諗~~

其實我都明知道愛上佢只會帶黎一段段既思念~~

點解我仍然會不能自已咁對佢情根深種???

今日10點幾起身~~

11點幾就搭車去鑽石山~~

去到岩岩好12點~~

搵到阿ken~~

同佢睇"神奇4俠"~~超正~~

唔知我幾時可以同奀妹一齊去睇戲呢???

兩個相愛既人拍拖~~開頭就會愛得轟轟烈烈~~

好似無左對方~~個世界就會消失咁~~

但係當過左一排之後~~

就會開始覺得對方比起以前無咁愛自己~~

其實自己咪又係無當初咁愛對方~~

尋覓自己一生最愛既人~~

就係人生中一件最重要既事之一~~

但係......

未到人生中最後一日~~

又點知邊個係自己真正最愛既人呢???

所以最起碼要暫時搵到到現時為止~~

自己最愛既人~~

我諗...喺呢一刻~~

我搵到啦~~

今日一路打機一路做左一個二等人~~

等電話~~等sms~~

第一個等既就係奀妹~~

原來佢無嬲到我嫁~~

我仲一直以為佢嬲左我添~~

我諗我真係太過在乎佢對我係點~~

第二個就係等M記既電話~~

由朝等到晚都無~~

唉~~M記都唔請~~

都唔知有d咩工可以做住先~~

每個人都有佢自己既身份~~

而且起碼有幾個或者以上~~

咁我究竟係咩身份呢???

我應該用一個咩身份去接近你呢???

今日又無啦啦傻更更咁去亂咁諗野啦~~

我喺度諗:

"假如聽日就係世界末日~~

咁我喺淨低呢十幾二十個鐘裡面~~

我會做d咩呢???"

大家估唔估到我第一樣柅做既係咩呢???

就係去搵奀妹~~

因為得唔到佢既原諒~~

我都會死不暝目~~

究竟我地之間既係咩呢???

我對佢既係愛情~~

但係可能佢對我只不過係友情~~

我可以點做呀???

無情口中苦~~有情心中酸~~

世事永遠都係瞬息萬變~~

人心都係一樣~~

我一直都無辦法捉摸到~~

每一次感到緣份既降臨~~

心裡面充滿左無限既欣喜~~

但係每一次坐看緣份大搖大擺咁離我而去~~

心裡面都承受住比之前既欣喜更大既痛苦~~

呢d可能都算係愛情既一個另類版本~~

人有時真係一種比世上任何一種生物都要恐怖既生物~~

人既恐怖黎自佢地識得去攻擊其他生物既內心~~

由內部去控制佢~~從而令佢崩潰~~

既生愛~~何生恨???