今日考數~~都仲可以啦~~

不過距離滿分就......

之後去左金沙食lunch~~同埋邦神、麟子仲有洪爺&Lo嘉~~

食完之後吹水吹左兩粒鐘~~又癲左~~

然後返上學校~~今日都係咁上下少人~~

但係走左一個人人都超級唔想見到既人去黎~~

我唔會打佢個名~~費事影衰我個日記~~

尋晚睇左奀妹個日記~~睇到......

我從來都無帶俾任何人歡樂~~

只會帶黎麻煩、災難、衰落......

我亦都從來無安慰過邊個邊個唔開心既人~~

今日見唔到阿"芬"~~佢聽日就要考第一科~~

佢簡直係一個"幸福女強人"~~

如果我係一個女仔既話~~一定好羨慕佢~~

貪狼星~~禍福之神~~唉......

今日係白色情人節~~祝大家開心啦~~

又幾日無打日記~~上星期四真係勁好玩~~

考中文講野~~都可以啦~~不過有少少配合上既問題~~

之後返左屋企~~等到11點40到~~沖涼~~換衫~~

換完已經12點15~~無奈~~唯有叫kind邦佢地去先~~

之後到左~~勁O嘴~~原來佢地拎果張枱~~

係同趙太、賴sir果幾個好近既~~好恐怖呀~~

之後食到12點25先走~~當然阿sir佢地走人先~~

之後同毛毛&狗勁打機~~勁好玩~~打左4粒鐘~~癲左~~

打完同毛毛返到佢樓下吹水~~又吹左兩粒鐘~~

成9點幾先返屋企食飯~~星期五入左天水圍~~

星期日先返出~~尋日都無乜野~~

一返到學校就無端端俾趙太捉左我入教員室~~

一入到去原來佢要幫佢閂窗~~無奈~~超級無奈~~

之後考試~~見凍~~咁岩趙太喺度~~

舉手叫佢幫我閂窗~~(我諗都有少少報復既心理~~)

點知今日俾佢話我無唔該~~不過今日都無同佢講~~

喺度講返啦~~唔該哂~~3Q~~趙太~~

今日返去考英文~~香蕉無返~~(原來佢訓過哂龍~~)

考完返左課室補數~~聽日就要考啦~~

打住咁多先~~遲d可能轉址~~

到時一定通知大家~~

今日考英文~~第一份reading都仲可以~~

不過第二份writing就......唉~~

之後派左准考證~~好野~~

勁多間都係勁近屋企~~唔洗20分鐘就行到去~~

不過有科就要去西營盤~~一科又要去大角咀~~

不過都好彩有人陪~~放左之後~~同kind邦&大口狗等許sir~~

等到佢~~佢話今日要當值~~要改聽日~~nevermind~~

然後同kind邦&大口狗去左唱A~~yeah~~

好耐無唱~~不過都仲係......

聽日考中文講野~~要加油呀~~

M4 S-System已經成為我朝思暮想既野~~

都好過對一個唔會對我有感情既女仔朝思暮想既~~

大家話係唔係呀???

仲未諗到last day上台講咩好~~

......

今日係第一日考Mock~~同之前考試好唔同~~

全校得我地同F.7要考試~~

走果陣~d人食完飯返黎~~

我地就走出去食飯~~好新鮮既感覺~~

同邦神去左大檸樂食~~比平時貴左~~點解呀???

搞到我今個星期又剩少左錢~~

之後同佢去左偉利~~打算睇下d長火~~

點知睇都睇唔到~~

之後邦神話不如用兩個鐘出MK睇啦~~

都好既~~反正返到屋企都無可能全天侯溫書~~

出到去~~Wa~~好勁呀~~第一次行槍街~~(都經過過幾次~~無入去姐~~)

睇睇睇~~睇到3點半~~走人~~喺KT出黎果陣係2點~~

返到屋企~~無野做~~唯有盡下心力去溫書~~

唉~~聽日就要考Mock啦~~

要借佢黎探自己既深淺~~

不過結果通常都係......

唔好講啦~~講書傷感情呀~~(所以我地同某d Miss阿sir都唔係咁好感情)

Last Day要上台講野~~不過好彩最後都拉到kind邦陪我上~~

因為我不斷唱shall we talk~~不斷轟炸佢~~

"陪我講"~~不斷"陪我講"~~我自己都就黎痴線~~

今日lunch係有史以黎最多人一齊去食飯既一日~~

有8個人~~平時得4個~~今日去左M記~~

好彩上個星期有盈餘~~咁樣今個星期都仲剩到錢~~

聽日就要考中文~~有d灰~~

唔理啦~~考好去~~唔理係Mock定會考都要~~

大家都要加油呀~~唔洗考試既都要加油呀~~

唔好等第時無哂機會既時候先至後悔無爭取過呀~~

至於我講緊邊一方面呢~~就要睇下睇果個人啦~~

最後一個月~~感覺係全班最同心既時候~~希望到時可以同生共死~~

(當然最好原班人馬上中六啦~~不過咁講好似有d......)