今日一切都好順利~~中史測驗都無乜唔識~~

不過滿分就應該唔得~~合格就一定得~~

之後上堂~~上堂~~上到下晝最後果兩堂落左hall度聽講座~~

個咩黃燕萍老師~~都kind kind地既~~叫小燕姐果陣叫佢小燕老師~~

聽到個個都好想嘔~~之後又喺度搞左一陣笑先講~~

之後scout~~死哂~~班f.1都唔知咩事無個到~~搞到要聽日再集會~~

尋日問左奀妹一個問題:我喺你心目中排第幾位???

你可唔可以答下我呀???

今日返學真係勁趕~~

行返去果陣~~開左一開電話睇時間~~

點知睇到奀妹覆我sms~~今個月真係我send得最多sms既一個月~~

睇下睇下仲要無端端俾吳國華見到~~仲要俾佢串~~

入到課室已經岩岩打左鐘~~一坐底就溫地理~~

一打8點40個鐘就即刻喺課室測~~俾衛太玩死~~

點知今次個測驗好似好易咁~~我平時應該做到最後一刻先做完~~

點知今日做完都仲有成幾分鐘~~之後上音樂~~

15分鐘狂做剪報~~之後lunch去左M記食~~又send左一個sms俾奀妹~~

下晝上中文同英文~~上到想死~~

放左學~~俾趙太捉左我去做閱讀報告~~

做做下唔知邊個無端端打俾我~~我先知無熄機~~

做到4點45~~走左去搵潘sir~~

同佢5點20度走~~番到屋企6點~~

上網~~上到7點幾~~

奀妹add我~~同佢傾~~

佢答番我d問題~~

無乜心情~~打住咁多先~~

尋晚成12點45先訓~~點知今朝竟然可以7點半起到身~~都唔知咩事~~

今朝上堂都仲可以~~不過上中文俾趙太鬧我唔做每日一篇~~

我真係好鬼死憎做每日一篇呀~~都白痴既~~

之後放學就俾人激死同插死~~個譚澔鋒~~叫佢lunch搵人~~

又唔搵~~淨係識得去搵周sir放學開咪~~到最後又係無人~~無奈~~

仲要俾趙太照肺照左成5分鐘~~差d俾佢搞到我痴線~~

之後去M記搵死仔鋆~~同佢打~~

打打下~~有幾個人搵我~~不過唔係個個都重要~~

得一個人重要~~果個梗係奀妹啦~~

開頭係阿德打俾我~~叫我駁3Line打俾奀妹~~

但係我都未用過手提駁3Line~~試試下之下~~

成功左~~好野~~

之後挑戰我既人體極限~~一路打機一路夾住個手提黎聽~~

傾左差唔多半粒鐘~~勁好笑~~

原來我地都已經識左半年~~大家都有d成熟左~~(but...我好似無成熟到咁)

今日真正係我行運既日子~~雖然俾人鬧~~打機又打唔到紅玉~~

不過真係好好彩~~lucky~~

尋晚同Miss去左和民居食屋食野~~

食左都幾多野下~~

我覺得最正就係果個炸蠔~~

食完之後~~我地走左apm 11樓果暑機鋪打機~~打果隻唔記得咩槍Game~~

估唔到Miss手槍咁勁~~我1地三個死哂~~佢都未死~~簡直係神槍Miss~~

之後佢9點幾走左~~我同雙邦打多陣先走~~

kind邦搭MTR~~我同邦神行返去~~

我成日十點鐘先返到屋企~~

今日返學傻下傻下咁~~返到學校門口先發覺無帶鞋~~今日要上P.E.~~

走左去5S同5C班借鞋~~最後總算借到~~

上第一堂~~又係教太極~~個死人阿sir~~教就教啦~~

佢又要窒下窒下咁~~俾佢玩死~~

到第二堂~~打欖球~~又打到成身汗~~

之後上堂~~過左小息~~入hall測驗~~

測完都無乜信心~~

lunch又係四個人~~落左海皇~~

下晝d堂好上到爆~~

放學可以話係我最辛苦既時候~~

原本趙太叫青昊拎d file落去俾佢~~點知青昊無拎~~

搞到我拎落去~~拎到落去~~又要等趙太睇下點先~~

之後又要返上去搵d作業~~又要返落去~~

最後重要走返上去~~去英文補課~~

入到去~~得幾個人~~

之後小堯重要話Miss(此Miss不彼Miss~~重要有天壤雲泥之別)同佢講話唔洗補~~

俾佢玩死~~

返到屋企~~無野做~~又唔記得去攞身分證~~聽日一定要記得呀~~

我估唔到大雄會三番四次咁玩我~~

佢今次同我講~~話你用拖字訣~~

可能因為我IQ&EQ都太低掛~~我居然會信左佢~~

對唔住呀~~

其實我都覺得識到我既人要後悔既~~

我呢個人既唔係靚仔~~又唔係叻仔~~

不過我想同你講~~我絕對唔會後悔識左你~~

你為我既人生畫上左第一道色彩~~

睇到你話後悔識左我~~我好似變左一個機械人一樣~~

身邊既任何事物都無辦法惹起我既興趣~~

原來鍾意一個人會醉~~當醒左之後就好心碎~~

假如我無識到你~~我諗我仲係一個人生只有黑同白既人~~

黑係家人~~白係朋友~~

不過你既出現~~就將兩者劃開~~露出左七色彩虹~~

真係...真係...真係...對唔住呀~~你唔好嬲我啦~~