奀妹~~請你睇下我要講咩呀~~

今日好煩~~朝早勁無奈~~

不過最無奈都係夜晚返到屋企~~睇你個日記~~

我終於發現我打野成日都有個毛病~~

就係成日都令人誤會~~

我認我今次又誤信左大雄~~我唔係要推卸責任~~而係要講出事情真相~~

我唔係唔俾人叫我賤精~~其實我淨係想得一個人叫~~果個人當然係...你~~

如果可以令你原諒我~~我願意做任何野~~

嘩!!!尋日去地理考察好好玩呀~~

前晚成1點幾鐘先訓得著~~訓到3點幾突然間扎醒左~~都唔知咩事~~

之後6點幾俾阿哥個鬧鐘嘈醒左~~即刻起身~~

之後7點15出左門口~~去左M記食早餐~~

食完過順天~~等到黃智彥~~搭23號~~

打俾香蕉想問佢幾點集合~~點知佢仲等緊車~~我問佢搭咩車~~

原來佢都係搭23號~~之後仲上埋我搭果間~~

之後落到碼頭~~阿雞喺度~~一齊行過去~~

過到去~~得果一半人唔夠~~見到張偉軒同阿'芬'~~

點名~~等等等~~等到9點15到先落船~~

我上左上層坐~~阿sir喺咁派膠袋~~

無野做~~唯有聽歌~~

我最鍾意聽果D歌都仲係咁唔受佢地歡迎~~

So~~聽陞陞D歌~~唔係咁岩我聽~~

於是走左去船頭坐~~

架船行多陣~~D浪都幾勁~~成班友喺船頭'熬'黎'熬'去~~勁爽~~勁剌激~~

之後去到糧船灣上船~~放lunch~~果度有間天后廟~~

勁多人走左入去求簽~~我同黃智彥&周sir一齊食野~~

之後我同周sir都求左~~周sir求左事業同身體~~

佢事業幾好~~but~~身體唔係咁好~~希望周sir身體健康D~~

我就求左學業~~中簽咋~~

個簽佬話唔可以沉迷其他野~~要專心~~

唔知點解我話求學業~~佢又同我講埋姻緣~~

佢話拖可以拍~~但係最好唔好訓身~~

都唔知點~~

之後去白臘~~Miss佢地用張又舊又唔夠詳細既圖~~俾佢玩死~~

行到去~~飲左一陣野~~

同黃智彥行左出沙灘影左唔夠一分鐘相~~就俾Miss叫番返黎~~

又行番返去上船~~上到船~~又喺船頭~~唔同既係~~

今次多D人~~仲成班友聽歌添~~

喺海上面見到幾對新人喺度影結婚相~~個個新郎同新娘都好靚~~

唔知係唔係結婚既人特別靚既呢???

勁快到盬田仔~~上到去~~又有人影結婚相~~

勁影相~~毛毛好上鏡~~好似model咁樣~~

之後返落船~~又喺船頭~~

今次仲多D人~~勁聽歌~~

但係好搞笑~~當有D歌播到最好聽果度就突然間好大浪~~個個O哂嘴~~

聽下聽下~~仲唱埋添~~成班唱到船尾都聽到咁滯~~

回程果個幾兩個鐘都喺度係咁唱~~唱到傻哂~~把聲沙就預左~~

返到觀塘碼頭~~同黃智彥行nike倉~~行左個幾鐘~~

之後分道揚鑣返屋企~~返到黎勁眼訓~~

So~~乜都唔搞~~原本想訓~~但係俾阿爸同阿媽捉左去食飯~~

返到黎已經1點幾~~

今朝12點幾先起身~~個人好似想散咁~~

成日勁無聊咁睇電視~~悶到我死~~

打住咁多先~~

唉~~尋日睇左奀妹個日記~~

佢話今日會學畫學到8點幾~~

於是我今日5點返到屋企~~沖涼~~整野~~

落KT~~見有排都未夠鐘~~走左去KFC度hea~~

hea到7點40~~走過去~~

等等等~~等等等~~

等到9點20都等唔到~~

心灰意冷去食飯~~一D味都無~~

返屋企~~

究竟係佢玩我定係我地真係無緣呢???

如果愛可棄、情可忘~~但願我可以真的忘情棄愛~~

今日6點鐘就起左身~~

因為今日唔洗等埋死仔鋆~~所以有大把時間~~

換完衫~~拎埋個包上車食~~一落到去唔洗5分鐘就有車~~

6點40就到左運動場~~未有人~~再換衫~~

之後一出去~~fiona、劉建汶同姚卓麟就到左~~

等等等~~等到7點00~~大口狗到~~再等幾分鐘~~強輝李果d都到埋~~

等阿sir~~等到佢~~佢話要等車到~~

等到7點40架車先到~~俾佢玩死~~

之後就忙到死下死下~~搬水、搵人升旗......

之後再分配工作~~因為今日死仔鋆話隻腳痛所以無返搞到我地少左一個人~~

好彩今日都多番個肥譚~~

之後我幾乎個個崗位都做過哂~~

之後10點30~~去換衫~~跑學會接力~~

無釘鞋~~好後班到3對~~俾哂Gary、邦邦同許sir~~我唔著~~

我跑第一棒~~我當時咩都唔諗~~

一聽聲我就跑~~我諗我都跑得唔錯掛~~

不過最後都係跑第尾~~

但係我無咁多時間去理~~走番去換衫~~

之後返番去~~原來范俊業已經黎左~~

勁有型~~喺紀錄室d MISS同女學生都搵佢影相~~無眼睇~~

之後閉幕~~MISS張勁玩野~~拖左勁耐~~

成半個鐘先完~~然後我罰人~~

又換衫(都唔知換左幾多次衫)~~

同周sir去食kfc~~之後去左篤波~~

篤完返到屋企勁眼訓~~

睇左一陣死神忍唔住喺sofa訓左~~

都唔知究竟係陸運會定勞運會~~

今日就真係好開心呀~~~

上中文堂要做綜合~~~做到我傻~~~

之後上Econ~~~同Miss自首~~~尋日無帶書無去搵佢~~~

今日要去番搵佢~~~佢叫我小息去搵佢~~~

小息落到去~~~佢叫我幫佢執佢個櫃~~~

我一入到教員室就俾趙太打左我個頭一下~~~

最慘係我都無窒到佢~~~仲要無仇報~~~

幫Miss執完個櫃~~~番返上去~~~

等上堂~~~上地理~~~點知落地理室之前~~~

俾Miss姜叫左我同邦神(唔係邦邦)落去搵賴sir~~~

落到去~~~賴sir以為我地係5T既學生~~~叫我地搵個班長落去~~~

點知番到上去~~~Miss姜唔肯俾個班長落去~~~搞到我地又要番返落去搵賴sir~~~

點知佢又唔上~~~又番上去~~~Miss姜話唔洗搵~~~

搞我地足足喺3樓同地下來回左3次~~~無奈~~~

之後等lunch~~~lunch走左上樂華食~~~

之後上數學、英文、中史~~~

上中史果陣眼訓得滯訓著左~~~醒左之後俾Miss話左兩句~~~

放左學~~~落長廊~~~等人~~~今日又無新仔黎~~~

都唔知佢地想點~~~報左又唔黎~~~

搞到我上去西社同南社踩場~~~都淨係搵到1個~~~

之後唯有返落去操~~~操操下~~~又變左聽我回顧過去~~~

今日又係到6點半先走得~~~原本想搭車返屋企~~~但係勁多人排隊~~~

唯有行路~~~行到番去都7點搭1啦~~~

岩岩發現~~~呢篇係我第50篇日記呀~~~yeah~~~

打住咁多先~~~多謝~~~