今日仲係咁忘~~朝早番學校~~

下晝又要番英皇~~

番到屋企又係Monster Hunter既世界~~

打到天昏地暗~~

呢個日記仲有唔夠一個月就一歲啦~~

咁快又就一年啦~~好想時間過得慢d呀~~

呢一年~~我真係學左好多野~~

最重要係學識左珍惜~~

珍惜眼前既人~~無論下一刻大家一處天涯~~一處海閣~~

都係咁話~~更何況~~人最大既動力唔係來自自己~~

而係來自自己最珍惜既人~~

所以大家好應該為自己珍惜既人去奮鬥~~

唔好理佢會唔會接受~~

最緊要自己真係有盡力去為佢而奮鬥過~~

結果並唔重要~~過程先係重點~~

今日10點幾俾阿爸嗌醒左~~等到11點~~睇'龍騎'~~

睇完~~換衫執野~~出門口~~落到街~~落毛毛雨~~

過馬路~~有架1A到~~標左上去~~

到淘大差唔多12點半~~上去~~睇下~~

先知今日上數學~~個阿sir成日都講埋哂d爛到無得再爛既gap~~

勁無奈~~之後去左'大快活'食lunch~~

然後番屋企打機~~打到食飯~~食完~~

阿哥話上去同個fd一齊打~~跟埋上去~~

去到成12點幾先番屋企~~番到~~又係打機~~

今日既瀏覽人數又接近1千人一步啦~~

好期待1千人數既一日呀~~

今日8點幾鐘醒左一醒~~阿媽嗌我晏晝叫醒阿爸~~

之後又訓著左~~到10點幾先再醒番~~

諗起12點幾要去九龍灣運動場~~

於是打番俾阿媽~~同佢講我叫唔到阿爸起身~~

之後11點幾12點就換衫行~~首先去麗港城搵條友~~

之後另外一果條友又打俾我話要晏d先去到~~

我見咁煩~~於是搭左車去先~~

一落車~~大雨到暈~~由於唔想開遮~~so~~跑過去~~

原來都得既~~but~~今日綁左沙袋~~跑起上黎比較攰~~

跑到半路~~愈落愈大~~唯有開遮~~

入到運動場~~好悶~~打下機~~之後想睇下見唔見Ella~~

但係好似唔見~~後來行上上面望~~

見到成班女仔喺度練緊排球~~我勁快就搵到佢~~

佢真係好易認~~

之後聽下歌~~打下機~~行下個場~~

終於捱到3點鐘~~之後見到Ella佢地走~~條友都應該差唔多到~~

so~~行出去門口睇下~~出到去~~望出去~~

嘩~~大雨到暈~~之後等下等下~~坐低打住機等~~

見到Ella佢地走~~打多陣~~條友終於到~~等佢等得好辛苦~~

然後去左M記食野~~又走左去淘大行~~

順便拎部機比人check下~~佢話無咩事~~不過可能個磁頭弱左~~

打算買隻game~~但係諗唔到買咩game~~

見夠鐘~~去英皇~~上堂都仲幾明既d野~~

不過就上到我傻下傻下~~

又番去淘大睇game~~仲未諗到~~

so~~打俾阿哥~~問下佢意見~~話哂部機都係佢既~~

but~~我地講唔掂數~~之後佢落黎~~

最後買左隻Monster hunter~~

之後番到去~~一直打~~打到11點幾~~睇彊屍~~

又係一路睇一路打~~做完~~仲打緊~~真係好好玩呀~~

呢個日記既瀏覽人數就黎衝破1千人既關口啦~~

希望各位繼續捧場~~多謝支持~~

今日同阿爸預祝生日~~所以去左'有骨氣'打邊爐~~

今朝又係10點先起身~~11點幾同阿媽上左'味皇'食早餐~~

食完去'百佳'買野~~買左好多野~~

番到去~~喺咁睇電視~~睇到5點幾~~

之後同阿媽煮麵食~~食完又睇~~睇睇睇睇~~

睇到9點幾~~之後叫醒阿爸~~出去~~

去到見到10點半後係宵夜時段~~見差果4個字~~

於是去左買張1GB卡~~買完番黎夠鐘~~

入去~~坐低~~嘩~~d野食勁貴呀~~

但係勁好食~~

食到成點幾鐘先走人~~搭車返屋企~~

今日係我同晉彥去動漫節既日子~~

今朝八點幾醒左~~賴死賴到九點先起身~~

起左身~~on MSN~~無乜人on~~

打機~~煮麵~~之後阿媽打包左d燒賣同麻蓉包比我食~~

食完~~勁大雨~~勁驚無得去~~之後晉彥on左~~

問下佢~~佢話照去~~等到差唔多夠鐘~~換衫~~落去~~

先去左漫畫驛還書~~遲左一日~~仲要係新書~~慘~~

然後去觀地A出口搵晉彥~~搵到~~佢話要等埋黃志東~~

等埋佢~~一齊搭地鐵去~~去到排隊買飛入場~~

點知入到去仲要排~~差唔多9個字先入到展覽廳~~

入到去~~勁多野睇~~佢地兩個係咁喺度影相~~

最後~~我買左一個狐忍筆袋&一個木葉護額~~

個筆袋我搵左好耐嫁啦~~

真係好意外呀~~好開心呀~~