咁耐無打日記真係好想打~~

但係我之前之所以無打係因為諗唔到打咩好~~

原來人愈大，識d野愈多~~

就會覺得以前既自己好白痴、好低B、好幼稚~~

或者到呢一刻，我都仲係咁白痴、咁低B、咁幼稚~~

真係諗唔到有咩好打呀~~

唉~~之前我都好驚打日記~~

因為我驚睇到自己以前果D日記~~

好驚諗番佢D野~~諗番佢，我只會覺得傷感~~

不過左依家我唔再怕啦~~因為我搵到一個新既目標~~

唔係邊一個女仔~~係要响我16歲之前考到個chief scout~~

近排識到好多女仔~~不過都係兩三個~~佢地個個都大過我~~

我依家諗既野係要考chief scout，之後就係咁溫書準備會考~~

考完會考~~如果可以返番原校就最好啦~~我唔係好想轉環境呀~~

今次打到咁多啦~~

其實我今日睇番自己由九月到依家所做既事~~~

都覺得自己好似有左DD改變~~~

我撫心自問，我自己從來無因為任何人(包括我自己)而作出改變~~~

今次連我自己都估唔到自己竟然可以為一個人而改變~~~

but,就算我改變成點都無用~~~佢根本無理過我~~~

我唔係話佢無唔理我既感受，而係由頭到尾都係我自己一廂情願

等~~真係一個有用既方法咩???

放低~~又會係一件好事咩???

人真係奇怪~~

愈唔想諗就會不其然咁去諗~~

愈唔想知偏偏就會有野令你知~~

愈想忘記又愈唔捨得~~

愈想放低佢就愈發覺自己更愛佢~~

我今日又睇佢個日記~~

愈睇佢個日記就愈想知到更多關於佢既野~~

愈知得多佢既野就愈想同佢一齊分擔一D痛苦~~

我知佢其實都受過傷害~~相信比我依家既還多出幾倍~~

可能呢樣野係我一生中都會欠缺既野掛~~

有時候，我好想見到佢~~到見到佢之後~~

佢連望都無望過我一眼~~自己不由覺得自己响度攞苦黎辛~~

雖然到目前為止，我鍾意過兩個女仔~~

但係我其實一次拖都無拍過~~同埋佢比起上一個更加令我難以忘卻~~

如果比我响佢同我依家所有野兩者之中揀~~

我都會揀佢，無論冇哂朋友、知識......等等

對於佢唔會接受我既原因~~

其實我都知道D掛~~

我個人又幼稚，又不認真，又無性格，又樣衰，又唔叻，又唔高大，

又唔識同人講要人地傳下傳下咁佢先知,就算有機會都錯過左啦~~

數下數下，都已經數左咁多缺點出黎~~如果有人問我有咩優點~~

我相信連我自己都唔識答~~

咁既樣，人地梗係唔揀我啦~~係都揀個又叻又靚仔又成熟既人啦~~

如果排隊，相信如果隊頭响觀塘，我會响羅湖關口前面果個隊尾果度排~~

唉~放完假又要考試~~

不過,好彩我都唔算慘~~

每日只係要考一科,仲有一日唔洗返去考添~~

今日打番日記~~

因為我今日睇番你比我既留言~~

我終於搵到我呢幾年黎好想喊既事~~

就係你好堅決咁拒絕我~~

我會尊重你既意見~~

你拒絕我,我都唯有等~~

你見到我可以唔洗理我,我都唔會煩你~~

你當我隱形又好,透明又好~~