今日係中四最後一日要上堂既日子~~

今日返去先知輝輝同陞陞中左招~~無得留低~~

雖然唔係好熟~~但係都有d唔捨得~~

今日上Econ唔知點解好想訓~~好辛苦~~

之後英文堂~~想睇'回到未來'~~

不過個miss話睇學生d中六自己拍果d片喎~~

搞到無得睇~~

小息又好無聊咁渡過~~上旅遊就睇'神話'~~好好睇呀~~

lunch去左食勁難食既車仔麵~~

之後中文堂睇'莊子'~~d野都幾難明~~

上數學既時侯~~有少少後悔今日返左學~~

巴斯比左勁多筆記同工作紙我~~話比我暑假做~~

死啦~~今個暑假咪好辛苦???

唔知係唔係尋日運動量太大~~今日個人有少少攰~~

一起身~~洗面刷牙~~開電腦同電視~~知道巴西輸左~~

雖然我今屆對巴西唔係咁睇好~~但係我都估唔到巴西會咁不濟~~

好唔掂~~

之後去食早餐~~食完部阿媽買野~~返到屋企~~

同Ivy(即係Ella)玩MSN~~講左幾多野~~

之後有個fd send左個問卷比我~~

填左我半粒鐘~~比大家睇下~~(喺下面)

之後夜晚食意粉~~好正呀~~食完又睇電視~~

我填果份問卷:

今日好開心呀~~朝早七點到起左身~~

好想繼續訓~~之後換衫~~執野~~

然後搭車~~落到觀塘~~行過牛地~~

行到玉蓮壹對開紅綠燈見到肥濤~~

同佢一齊行~~到左~~等多等見到大口狗~~

之後見到Gary~~之後想去華潤買野~~點知未開~~

想返去~~突然有人打比我~~原來係個guides~~佢問喺牛地邊度等

我答番佢~~之後又跑番牛地~~等多十幾分鐘~~等埋肥恆,死仔鋆,

奕錡姐姐同埋另一個guides~~

仲有一個guides遲d先去~~我地去搭小巴~~唔夠位~~分開兩班搭~~

我,邦,Gary,奕錡姐姐,另外兩個guides一班~~大口狗佢地一班~~

其他人上先~~我地等下架~~我上左車就喺咁打機~~

到左先停~~之後去到去海下果架小巴個站頭見到大口狗佢地~~

然後我同邦去買埋未買既野~~我地又買左兩枝同四罐含0.5%酒精既野~~

之後返去~~見得番Gary喺度~~上車~~今次無打機~~

到左行番轉頭去燒烤場~~去到得幫手'透'爐~~

'透'完~~攞個小喇叭出黎播歌~~奕錡姐姐佢地話即刻高享受左~~

之後開始燒~~奕錡姐姐佢地喺咁比蚊針~~

我燒左好多野食~~個死仔鋆一係燒下燒下跌左d野食~~

一係就燒完話唔食~~之後仲要話肚餓~~服左佢~~

燒左12點半到~~Gary同邦去接阿Cat~~

之後奕錡姐姐佢去埋~~大口狗佢地都係~~得番我同死仔鋆~~

之後到我喺咁比蚊針~~拍死左十幾隻蚊~~又食埋少少野~~

有兩個guides番上黎~~我問佢地去左邊佢地話去左沙灘~~激死~~

之後佢地話Gary受左傷~~然後拎左個袋又落番去~~

我同死仔鋆執垃圾~~執完再執埋邦個袋~~又執完~~

就走啦~~點知望返轉頭先知未收天幕~~又激死左~~

執埋~~拎執邦個袋行落去~~

But~~唔知佢地左邊個灘~~So~~求其去一個灘睇下~~

去到唔見~~我放低邦個袋~~走上d大石上面睇~~

見到佢地~~大聲佢地~~但係佢地聽唔到~~仲要走~~

之後我同死仔鋆一齊去追佢地~~

追到~~邦同Gary比我鬧佢地重X輕X~~

之後話去滿記食野~~去到~~諗唔到食乜~~求其叫左個'白雪黑珍珠'~~

點知好好食~~食完~~佢地話番觀塘~~我打比阿媽問佢係唔係去Joey姐

度BBQ~~

佢話未知~~我就告別所有人~~自己喺西貢市中心行去大埔仔~~

行左成差唔多兩粒鐘~~熱死人啦~~

差唔多到~~又打比阿媽問~~阿爸聽~~佢話可能唔燒~~叫我返去先~~

我就諗著到左大埔仔先搭車~~到左~~買左支野~~想去巴士站~~

阿媽打比我~~叫我喺大埔仔等佢地~~咁我咪等囉~~

點知一等~~由五點幾等到成八點鐘~~等到我發癲~~

上到Joey姐屋企同阿金佢地(Joey既隻狗)玩~~

玩到十點幾先開始燒~~燒到點幾點鐘~~

我同阿媽訓著左~~訓到兩點幾醒左~~

返屋企~~返到黎沖涼~~好舒服呀~~

沖完又睇霸刀~~就睇完~~好想佢快d出新~~

睇完又睇電視~~睇加旋~~勁搞笑~~

今日7點半就起左身~~個人好攰呀~~

尋晚唔知幾點先訓得著~~

好開心呀~~hehe~~又可以著便服返學校~~

返到去又要早會~~之後上左活動室聽miss講濕地公園d野~~

到成10點先上車~~喺車打左成粒幾鐘機~~

到左濕地公園~~大雨到暈~~

之後入左去週圍影相~~好靚呀~~個天~~

落完雨~~又有陽光~~d雲又明暗交錯~~

又走左入去影白狐同老虎~~

(想睇就去我個分亨空間睇啦~~)

影到部相機張卡差唔多爆~~

行完勁舒服~~覺得勁好玩~~

返到屋企~~想打機~~但係眼訓得滯~~

就訓左喺梳化睇now~~睇下睇下就訓著左~~

訓下訓下~~比d尖叫聲搞到醒左~~

原來做緊"古宅心慌慌"~~好好睇~~

阿sa~~阿嬌~~好靚~~好搞笑~~

之後睇下msn邊個on~~阿德搵我~~

同大雄一樣~~成日問人野~~

佢問我對奀妹既感覺~~

我就諗唔到~~淨係覺得佢好得意~~好可愛~~

之後奀妹on~~我就問佢究竟有冇鍾意阿德~~

佢又比番個好怪既答案我~~

佢話係又點唔係又點~~之後佢又話佢話係~~

我又會唔知點~~佢話唔係~~我又會懷疑~~

呢句"我又唔知點"我都想知佢究竟布咩意思~~

(奀妹~~究竟係咩意思呀???)

今日下晝去海防博物館~~

朝早勁熱呀~~仲要早會聽廢話~~無奈到爆~~

之後上中文,T&T都無咩~~英文睇x-men2~~

好悶~~睇左百幾二百次~~然而後去左好景食lunch~~

仲落左7仔買電~~

到左1點3到~~返到學校見到阿"芬"~~

問佢去唔去海防~~佢話唔去~~

點知等齊人果陣見到佢~~

我果陣真係激氣到爆呀~~

點解我好似好易人厄咁既~~成日都係咁~~

之後上左車~~駁喇叭聽歌~~

得我一個聽~~

勁快到~~去到成班喺咁拎d小冊子~~應該話搶~~

搭lift上去~~一出去成班人就係咁影相~~

之後個導講員就帶左我地行古蹟徑~~

好多野睇~~好多野影~~好正呀~~

不過好熱~~流哂大汗~~

影下影下影到部相機都無電~~

今日淨係買左3A電~~無買2A~~

唯有用電話影~~影下影下連電話都爆位~~

無奈到無辦法再無奈~~

跟住上樓梯~~仲慘~~

行樓梯唔辛苦~~不過~~

比阿"芬"墜住我個袋黎行~~

佢仲要一路行一路講~~

"燒賣，你喺邊呀???"~~

我答佢話"燒賣佢喺粉果隔黎呀~~我係牛丸呀~~"

真係笑爆~~

行到尾勁頸渴~~想買水飲又唔得~~

搞到番到學校先有水飲~~

之後番左屋企~~

一online~~

就見到七友(一個好耐無見既朋友~)覆e-mail比我~~

其實我開呢個日記都係因為佢~~諗下諗下~~

我呢個日記所講既野可以用d歌講出黎~~

首先一開頭~~係"十面埋伏"(Eason果首)~~

之後係"我代你哭"~~然後到"誰願放手"~~

再之後係"朋友的愛"~~然後到"心亂如麻"~~

到左依家~~就梗係"忘記歌詞"&"落花流水"啦~~

hehe~~我諗呢d得我自己先明~~keke

如果大家有睇哂我呢d話多唔多~話少唔少既日記呢~~

就會發覺我個人有左好大既變化~~例如打日記既野~~

亦都好似某一個人~~一個我個日記以前成日講既人~~