今朝7點15就起左身~~

之後差唔多7點45虫虫先打俾我~~

然後用左十幾分鐘換衫~~

落到去等左一陣~~

等到虫虫~~之後又岩岩好有1A~~

上車~~俾左N年前果d小說佢睇~~

莫講話佢~~連我自己都睇到爆笑~~

簡直超級無奈~~

去到TST碼頭~~去左大檸樂食早餐~~

之後周圍行~~

行~~行~~行~~

之後又行左返MK~~

晏晝去左吉仔食野~~

食完之後虫虫返補習~~

我就返屋企~~

搭返1A~~等超耐~~

上到車仲要超多人~~企左一半車程先有位坐~~

返到屋企~~狂hea~~

hea到我都唔知幾點~~

之後就同阿媽行左落醫院睇阿公~~

佢真係瘦左幾多下~~睇見佢咁真係好唔開心~~

好唔想佢咁快就走~~希望佢好得返~~

尋日同虫虫夾手夾腳整左一個小說blog出黎~~

我地兩個都有份打既~~得閒睇下呀~~

http://blog.qooza.hk/hachi_nana

鍾意佢(唔係講緊上面講果個細路女)~~無原因~~

睇到佢身邊有一個比我更呵護佢既人~~

而且果個仲要係我一個幾好既朋友~~

雖然令到我有少少唔開心~~

但係就令我更加感到安慰~~

知道佢可能係鍾意一個我非常尊敬既人~~

我心情就更加矛盾~~

我想撮合佢地~~

但係我既私心又走左出黎搞事~~

究竟我應該點做先好呀???

我而家唯一可以為佢做既~~

就只有當我頭先講果兩個人唔喺佢身邊既時候~~

喺佢身邊盡力守護~~

直到佢地兩個返返佢身邊~~

今朝6點50就起身~~

7點半出門口~~

7點40返到學校~~

全程企左喺門口~~

總之我識既人返左無返我都知~~

之後上堂~~開始習慣啦~~

放左學就好笑囉~~

首先去左English Corner~~

同Ceci同埋潘sir玩左一陣~~

小熊佢地就黎左~~

佢地去中文天地拍野~~

睇住佢地拍野真係超好笑~~

笑到我扒喺度~~

之後就同虫虫佢地喺咁傾Chanel E~~

就因為我好戲而俾人推左做主角~~好慘~~

之後就走~~

今日發現虫虫原來同我真係好似~~

我地所做既野好多都一樣~~

我諗佢就係呢個世界上既另一個「我」啦~~

今日仲差d想同佢結義金蘭~~

唔知點解近排成日俾人誤會~~

搞到我成日都要同人解釋~~

有時真係講到口水乾都講唔完~~

今朝部電話個鬧鐘無啦啦唔知咩事無響到~~

搞到我7點半先起到身~~

之後用超快既速度~~洗面~~刷牙~~食麵包~~換衫~~

出門口7點40~~返到學校7點5X~~

完全係傻左嫁囉~~

返到去企左一陣門口~~

之後早會~~都係跟住幾個head pre周圍巡~~

然後prefect大檢~~檢完上到課室~~

仲未上堂~~搞左一陣先上~~

上Econ~~唔係好令人想訓覺姐~~

之後地理~~早左5分鐘落堂~~

小息之後上中史~~可以聽日先報告~~yeah~~

之後UE~~分組出去寫野~~

俾3個女仔推左出去~~唔制呀~~女權當道呀~~

之後仲要俾Marc哥搵着我黎玩~~超無奈~~

lunch同左綽綽去大檸樂食~~

我會好掛住出街食既飯嫁啦~~

第日我可能一個星期先有一日出得街食飯~~

lunch之後3堂中化~~

都頂得順既~~反正上Miss chow堂都上左兩年啦~~

佢點上堂都慣哂啦~~

放左學之後傻左以為今日例會~~

原來聽日先係~~

於是就周圍去hea~~

幫虫虫釘西社個版~~之後又釘埋東社果個~~

然後又幫小熊佢地搵文具~~

同埋佢地整野果陣幫佢地排好d野~~

之後6點鐘一齊行後門走~~

去左工廠區果邊想印banner~~

點知佢地淨係開到photoshop~~

所以今日印唔到~~

SU既同學要加油呀~~

我會盡我全力去幫你地整野同埋拉票嫁啦~~

之前幾日都無打到~~

無謂而家打返啦~~反正都無乜特別野~~

鍾意一個人真係無理由可言既~~

愛情係主觀既~~唔係客觀既~~

所以唔需要d咩證據去證明~~

我鍾意你就係鍾意你~~

無論付出幾多~~我都願意~~

只要係我能力範圍之內~~又唔係咩殺人放火既事~~

我都會盡全力去做好你想我做既任何事~~

因為喺我心目中對鍾意既人既態度~~

就係世界上最重要既就係所鍾意既人~~

任何可以到佢既都會義不容辭咁去做~~

唔會計較付出幾多~~得到幾多~~

睇左「藉着寫真說愛你」~~

令我多左一個夢想~~

唔係做咩工~~咩環遊世界~~

只不過我係想為我所鍾意過既每一個女仔~~

將來佢地結婚果陣~~都可以最起碼幫佢地影一張婚紗相~~

點解???因為女仔著住婚紗果陣真係最靚既~~

笑容會係最燦爛既~~所以我好希望可見到佢地有呢一日~~

呢個夢想會唔會好難實現呢???

今日上堂~~上到我無野好講~~

完全係超大壓力~~可能大家唔覺我有壓力啦~~

其實我呢個人成日都係收收埋埋~~

好少會同人講哂d野出黎~~

今日睇左虫虫(即係熹彤姐姐~~)果個blog~~

佢寫果d文好勁~~而且佢真係一個幾重情既人~~

戀愛~~要兩個人~~

亦都有一個人既戀愛~~即係單戀~~

單戀同相戀一樣~~有苦有樂~~

有時比起相戀更加極端~~

單戀一個人~~得閒果陣~~

會不其然咁望住佢~~

當佢好似有少少望過黎既跡象就即刻望去第二度~~

一陣之後又望返佢~~

見到佢同另一個男仔一齊做一d野~~

會不停咁係度諗:「佢地點解會一齊做呢樣野呢???」~~

「佢地之後又會再做d咩呢???」~~

「佢地係咪有特別既關係呢???」~~

呢d咁既胡思亂想會不斷充斥住個腦~~

除此之外~~亦都會想喺佢而前突顯自己~~

但係好似我呢d人~~成就???無~~

智慧???無~~ok既外表???都無~~

一無是處~~毫無賣點~~

叫人點注意到我???更遑論揀我啦~~

就正如虫虫所講咁~~

「我想她至少看一眼...至少看一眼」~~

哪怕只有這一眼~~

有一眼~~我就已經覺得足夠~~

就算呢一眼係嘲笑我、蔑視我、睇低我~~

都一樣令我滿足~~

係佢眼裡面~~我可能係一個毫不起眼既人~~

但係~~佢係我眼裡面~~

永遠都帶黎璀璨耀目既色彩~~

感覺好似遠在天邊~~但係又覺得伸手可觸~~

又好似隨時會消失一樣~~

叫我唔敢將目光移開~~

望住佢果個一直望向遠處既樣~~

好似從來都唔會感到挫敗~~

就有如一個縱橫戰場既女神一樣~~

令人覺得佢神聖不可侵犯~~

完全係女強人本色~~

但係下一眼望佢~~佢同人有講有笑~~

佢就由女戰神化身成為天使~~

令人覺得佢既一顰一笑永遠都係咁自然~~咁甜美~~

喺佢身邊~~男仔永遠都係絡繹不絕既~~

一個之後~~仲有另外十幾個~~

令我腦海裡面既疑問愈黎愈多~~

簡直係以幾何級數遞增~~

又經常令我後悔點解唔同佢join埋同一樣既活動~~

所以佢簡直就好似天使與魔鬼既化身~~

不停咁將我折磨至死~~

但係之後又將我救返醒~~

醒完之後再死返~~

死完之後又醒返~~

咁我一日要死幾多次???醒幾多次???

我都唔知~~

今朝7點鐘起身~~

但係今日就7點35先出門口~~

行返去果陣見到有幾滴雨咁~~

返到學校hea左一陣~~

之後差唔多落去早會果陣~~

場雨就落到黎~~

唔洗落去~~yeah~~

今日又同熹彤姐姐係咁講漫畫既野~~

上中史堂~~好自卑~~

我係成績最差果個~~

兼且我既視野對比起綽綽佢地簡直就好似細路仔一樣~~

之後上UE~~Marc哥同我地玩左一個幾好玩既game~~

知左好多同學既英文名~~

小息去左搵彭sir~~上左一課"主觀與客觀"~~

中文堂~~睇到本書裡面d野就想訓~~

lunch搵左Lo嘉、肥健、綽綽同埋徒弟仔一齊上去樂華食~~

然後1點20先返到學校~~

返到去又係hea左一陣先打鐘~~

之後上地理~~風水同以前上旅遊一樣~~一樣咁多口水~~

然後又返課室~~等去社果個集會~~

我一向都唔對社負責~~

唔好話我又咩又點~~

我自從F.1之後就無幫社做野嫁啦~~

完全討厭好多同社有關既野~~

成班6A既東社社員裡面~~

得我一個無做幹士之類~~好似有少少離群~~

對我黎講~~社幹士係一份極度無聊既工作~~

而且東社已經大勢已去~~

(呢句唔只係我講既~~同埋我相信好多人都認同~~)

尤其是李太走左之後~~

而家d社長、副社長同埋d Miss根本就無辦法控制到d低F.既~~

又點樣叫佢地幫你去比賽呢???

放左學~~hea左一陣就同文嘉俊佢地去左搵賴sir~~

head prefect呢個位都應該走唔甩嫁啦~~

之後5點幾先走~~同文嘉俊行左去地鐵站~~

然後去搭13M返屋企~~

呢幾日有少少驚自己慢慢會同班裡面d人無哂溝通~~

佢地個個都好有興趣搞學生會~~我就一d都無~~

佢地成日都好多野可以傾~~

但係我最多都係同一個幾男仔既熹彤姐姐講下漫畫既野~~

今日突然間好有靈感~~

如果呢幾日有時間~~就會打小說~~

唔只武俠小說~~仲會打埋新既愛情小說~~